Dagblaðið Vísir - DV - 03.01.1992, Page 23

FÖSTUDAGUR 3. JANÚAR 1992.
31
Erlendmyndsjá
Þetta furðulega tæki frá bílaverksmiöjunum General Motors sigraði i
keppni um fegursta skrúðgönguatriðið í Rósaskrúðgöngunni í Pasadena
í Kaliforníu á nýársdag. Apparatið á að tákna geimrannsóknafarartæki.
Hann á ekki sjö dagana sæla, þjófurinn sem reynir að komast fram hjá þessum glæsilegu gæsum. Þær eru hluti
stórs gæsaflokks sem í eru rúmlega eitt hundrað fuglar og hafa það hlutverk að gæta birgðaskemmu Ballan-
tine’s viskiverksmiðjunnar í Dumbarton á Skotlandi. Gæsirnar fara að öskra og garga við minnstu mannaferöir.
Menn fagna áramótum á ýmsan hátt eins og mynd þessi ber með sér.
Hún er af ísraelskri konu sem skartar nýstárlegu höfuðfati sem gert er
úr hárum.
Sumoglímukappinn Akebono skemmtir sér greinilega hið besta við að lemja
hrísgrjónin í Tokyo fyrir áramót. Hann var að undirbúa bakstur á hrísgrjóna-
kökum sem Japanir borða mikið af þegar þeir fagna nýju ári.
Þessi litli górilluungi var tekinn með keisaraskurði af læknum dýragarðsins í Sydney í Ástralíu 30. desember og
liggur nú þar á gjörgæslu. Api þessi er merkilegur fyrir þær sakir að hann er fyrsta górillan sem fæðist í Ástralíu
og hefur komið undir eins og náttúran ætlaðist til. Simamyndir Reuter
Það er eins og hann svífi hátt yfir Alpafjöllunum þessi skíðastökkvari sem var að æfa sig fyrir stökkmót sem
fram fór í Garmisch-Partenkirchen í Þýskalandi um áramótin.