Dagblaðið Vísir - DV - 03.10.1992, Blaðsíða 8

8
LAUGARDAGUR 3. OKTÓBER 1992.
Svipmyndin
Af hverri er
svipmyndin?
Stundum er sagt aö fólk taki
miklum breytingum á einni nóttu.
Til dæmis að lítil og heldur óásjáleg
stúlka geti skyndilega orðið fógur.
Þannig var það með þá sem þessi
svipmynd er af. Hún var fjórtán
ára. Einn daginn var hún bara
grönn skólastúlka sem enginn
veitti sérstaka athygli. Næsta dag
var hún orðin kona.
Karlmenn byijuðu að hvíslast á
um hana á götunni.
Hún hafði ungan og myndarlegan
íþróttakennara. Hann heimsótti
móður hennar og sagðist vilja gift-
ast stúlkunni. Móðirin sýndi skiln-
ing. Hún benti íþróttakennaranum
á að best væri fyrir hann aö fara
heim og í kalt bað. Hún hefði annaö
í huga fyrir dóttur sína.
Sú sem svipmyndin er af bjó i.lít-
ilh íbúð fyrir ofan fornmunaversl-
un með sjö ættingjum sínum. Allir
í fjölskyldunni kölluðu hana LeUu.
Þama sváfu margir í sama rúminu.
Og sunnudagsmaturinn var eina
góða máltíðin sem var á borðum
aUa vikuna.
í fegurðarsamkeppni
Dag einn kom nágrannakona og
sagði frétt. Fegurðarsamkeppni
hafði verið auglýst. Móðir stúlk-
unnar, sem hér segir frá, varö óð
og uppvæg. Henni fannst ekki ann-
að koma til greina en að dóttir
hennar tæki þátt í samkeppninni.
En áður en til þátttöku gæti kom-
ið yrði Lella að fá nýjan kjól. Fjöl-
skyldan var mjög fátæk. Loks var
það amma gamla sem kom með
lausnina. Hún tók niður glugga-
tjald í setustofunni og gerði úr því
kvöldkjól. Þá voru gamUr og shtnir
svartir skór málaðir hvítir.
Um 200 stúlkur tóku þátt í fegurð-
arsamkeppninni. Nær allar höfðu
mæður sínar með. Lella vakti at-
hygU. Hún komst í úrsUt og vann
mörg ágæt verðlaun. Hún fékk lest-
arfar tU Rómar, nokkur teppi,
borödúk og dáUtið af peningum.
Þessi fegurðarsamkeppni varð
upphafiö að ferU þeirrar konu sem
hér er lýst. Það liðu ekki mörg ár
þar til hún var orðin fræg kvik-
myndastjama.
Hún kynntist mörgum frægum
mönnum. Einn af þeim var Cary
Grant. Hann varð afar ástfanginn
af henni. Þau léku saman í mörgum
kvikmyndum.
Hún kunni líka vel við Frank Sin-
atra en ekki eins vel við Alan Ladd.
Aftur á móti fannst henni mikið
tíl Johns Wayne koma. Þau léku
saman í kvikmynd í Afríku. John
Wayne var stór og sterklegur. En
hann var líka vingjamlegur og
vanur kvikmyndaleikari.
Sú sem hér segir frá er ein af
fáum konum sem hafa verið svo
heppnar að leika í ástaratriðum
með Clark Gable. Það reyndist þó
ekki sérstaklega spennandi.
Þau föðmuðust. MyndavéUn suð-
aði. Það suðaði Uka í úrinu á úlnlið
Clarks. í fyrstu upptöku atriðsins
sleppti hann henni strax aftur.
Vinnudeginum var lokið.
Clark var mikUl fagmaður. Hann
var stundvís, kunni aUt sem hann
átti að segja utanbókar og fór heim
á mínútunni fimm. Og úrið sagði
honum til um lok vinnudagsins.
Þótti Brando þungur
Sú sem svipmyndin er af hefur
líka leikiö á móti Marlon Brando.
Það reyndist dáUtið erfitt. Henni
fannst Marlon frekar þungur í
skapi. Honum hentaði vafalaust
betur að leika í áhrifamiklum
myndum en gamanmyndum.
Til er fólk sem er sérstaklega
næmt fyrir því yfimáttúrulega.
Það skynjar þegar hætta steðjar að.
Sú sem hér er lýst er í þeim hópi.
Margsinnis hefur hún fundið á sér
að eitthvað gæti komiö fyrir og
þannig hefur hún bjargaö Ufi sínu.
Eitt sinn var hún boðin á dans-
leik góðgerðarsamtaka í Brussel.
Skyndilega fannst henni sem eitt-
hvað kæmi fyrir. Hún afþakkaði
boðið. í hennar staö var fengin
önnur ítölsk kvikmyndaleikkona.
Flugvélin sem hún var með fórst
í flugtaki frá RómarflugveUi. AUir
sem með voru fómst.
í annað sinn sá hún fyrir sér elds-
voða. Hún reyndi að losa sig við
hugsunina og fór að hátta.
Um nóttina vaknaði hún við að
kviknað var í á hæðinni fyrir neð-
an. Maður hennar var á ferðalagi
þegar þetta gerðist. Reyk lagði upp
á efri hæðina. Hún vafði barnið sitt
í teppi og reyndi að komast út á
þakið. Til þess að geta það varð hún
að bijóta rúðu með skó. Loks kom-
ust þau út á þakið og þar tókst
slökkviUðsmönnum að bjarga
þeim.
Sú sem hér er lýst hefur ekki
orðið þekkt undir réttu ættamafni.
Hún gengur undir því sem nefnt
er Ustamannsnafn.
Kvikmyndaframleiðandi valdi
það fyrir hana í upphafi leikferils
hennar. Hann var þá nýbúinn aö
gera mynd með sænsku kvik-
myndaleikkonunni Mörtu Toren.
Nafnið varð að vera stutt, einfalt
og auðsagt. Hann breytti bara um
einn staf í nafni Toren.
Hver er hún?
Svar á bls. 56
Matgæðingur vikuimar
Ofnbakaður
saltfiskur
- með tartarsósu
Grímur Gíslason, fiskverkandi og
matreiöslumaður, býður lesendum
upp á ofnbakaðan saítfisk með tart-
arsósu. Grímur segist aUtaf vera
að elda enda rekur hann veislu-
þjónustu í Eyjum ásamt því að
stunda fiskverkun. Hann segist
fyrst hafa fengið áhuga á matseld
hjá móður sinni og síðan hafi áhugi
á matseld og góðum mat aldrei
dvínað.
„Ég elda mikið handa fjölskyld-
unni en aðaláhugamáhð er fiskrétt-
ir. Það jafnast fátt á við góðan fisk-
rétt og því datt mér í hug að koma
með uppskrift að ofnbökuðum salt-
fiski.
Þetta þarf
Saltfiskréttur Gríms miðast við
fjóra. Þetta þarf:
800 g útvatnaðan saltfisk
50 g blaðlauk
50 g nýja sveppi
50 g rauða papriku
50 g græna papriku
hveiti og karrí
100 g rifinn ost
í tartarsósuna þarf:
3 harðsoðnar hakkaðar eggjahvítur
1 msk. söxuð kaperskom
Grímur Gislason.
DV-mynd Karólína
1 msk. saxaðar sýrðar gúrkur
1 tsk. smátt saxaöan lauk
1 msk. smátt saxaða steinselju
2 msk. saxaðan kerfil (má sleppa)
4 dl majones
Vel útvatnaður
Best er að byrja á tartarsósunni.
Hráefnunum í hana, söxuðum
eggjahvítum, kaperskomum, sýrð-
um gúrkum, söxuðum lauk, sax-
aðri steinselju, söxuðum kerfli og
majonesi er einfaldlega hrært sam-
an. Sósan er síðan sett inn í ísskáp
meðan fiskurinn er tekinn til og
matreiddur.
Saltfiskurinn þarf að vera vel
útvatnaður og laus við roð og bein.
Hann er skorinn í hæfileg stykki.
Þá er hveiti og karrídufti blandað
saman, fiskstykkjunum velt upp
úr blöndunni og síðan raðað í
smurt eldfast mót.
Þá er grænmetið saxað og stráð
yfir fiskinn. Síðan er ostinum stráð
yfir og rétturinn bakaður í 180
gráða heitum ofni í 15-20 mínútur.
Með þessum saltfiskrétti er gott
að bera fram soðin hrísgrjón eða
soðnar kartöflur og hrásaiat. Gott
er að drekka bragðmikið rauðvín,
til dæmis portúgalskt, með saltfisk-
inum. „Það er mikil firra að ekki
megi drekka rauðvín með fiski. Það
er ekki sama um hvers slags fisk-
rétt er að ræöa. Með þessum rétti
passar rauðvín mun betur en hvít-
vín.“
Grímur skorar á Marinó Sigur-
steinsson, pípara og matmann, að
vera matgæðingur næstu viku.
„Marinó er mikið fyrir aö borða
góðan mat,“ segir Grímur.
-hlh
Hinhlidin
Sigurður Sverrisson, ritstjóri og tónleikahaldari:
Leiðinlegast að
standa ekki 1 skilum
„Mig langaði til að sýna fram á
að það væri hægt að halda svona
stóra tónleika annars staðar en í
Reykjavík og fékk því til hðs við
mig fólk sem var sama sinnis," seg-
ir Sigurður Sverrisson sem þótti
stórtækur þegar hann lét verða af
þeirri hugmynd sinni að fá hingað
hinar frægu hljómsveitir Jethro
Tull og Black Sabbath til að leika
á Akranesi.
Sigurður, sem er ritstjóri Skaga-
blaðsins og fréttaritari Ríkisút-
varpsins, hóf störf í blaðamennsku
1978 og hefur verið viðloðandi
fjölmiðla síðan, bæði í föstu starfi
og lausamennsku.
Fullt nafn: Sigurður Sveinn Sverr-
isson.
Fæðingardagur og ár: 27. febrúar
1957.
Maki: Steinunn Ólafsdóttir.
Börn: Þrír strákar.
Bifreið: Mitsubishi Lancer ’88.
Starf: Ritstjóri Skagablaðsins.
Laun: Ákaflega sveiflukennd.
Áhugamál: Ég hef mikinn áhuga á
tónlist og þá sérstaklega þunga-
rokki. Fótbolti er líka ofarlega á
baugi en fjölskyldan er að sækja á
enda á ég þijá stráka.
Hvað hefur þú fengið margar réttar
tölur í lottóinu? Eg spila aldrei.
Hvað finnst þér skemmtilegast að
gera? Að geta verið laus við símann
einhvers staðar í rólegheitum.
Hvað finnst þér leiðinlegast að
gera? Að borga vanskilaskuldir því
mér þykir ákaflega leiðinlegt að
Sigurður Sverrisson.
geta ekki staðið í skilum.
Uppáhaldsmatur: Lasagne að hætti
konunnar.
Uppáhaldsdrykkur: Mjólk.
Hvaða íþróttamaður finnst þér
standa fremstur i dag? Mér finnst
eiginlega ekki hægt að stilla upp
mismunandi greinum. Það er ó-
sanngjarnt. Menn geta verið góðir
í einni grein þó að þeir geti ekkert
í annarri.
Uppáhaldstímarit: Breska þunga-
rokkstímaritið Kerrang!
Hver er fallegasta kona sem þú
hefur séð fyrir utan maka? Michel
Pfeiffer og Kim Basinger eru
óskaplega sjarmerandi.
Ertu hlynntur eða andvígur ríkis-
stjórninni? Ég kaus hana yfir okkur
á sínum tíma og styð hana þó ég
sé ekki alltof sáttur við hana núna.
Hvaða persónu langar þig mest til
að hitta? Ég hitti nú um síöustu
helgi persónur sem mig hafði lengi
langað til að hitta. Nú langar mig
mest til að hitta Davíð Oddsson og
ræða við hann um virðisaukatillög-
umar sem munu fara mjög illa með
litlu landsmálablöðin.
Uppáhaldsleikari: Mickey Rourke.
Uppáhaldsleikkona: Kim Basinger.
Uppáhaldssöngvari: Bon Scott,
fyrrum söngvari AC/DC.
Uppáhaldsstjórnmálamaður: Ég
held ég nefni engan.
Uppáhaldsteiknimyndapersóna:
Bart Simpson.
Uppáhaldssjónvarpsefni: Ég reyni
að sjá eins mikið af íþróttum og ég
get. Breskir sakamálaþættir eru
lika í uppáhaldi.
Ertu hlynntur eða andvígur veru
varnarliðsins hér á landi? Ég vil
ekkert með það hafa. Ég sé engan
tilgang með vem þess hér.
Hver útvarpsrásanna finnst þér
best? Rás 2.
Uppáhaldsútvarpsmaður: Stefán
Jón Hafstein, ég held mig enn við
hann þó hann sé hættur.
Hvort horfir þú meira á Sjónvarpið
eða Stöð 2? Sjónvarpið.
Uppáhaldssjónvarpsmaður: Sig-
mundur Emir Rúnarsson.
Uppáhaldsskemmtistaður: Ég fer
aldrei á skemmtistaði.
Uppáhaldsfélag í íþróttum: ÍA.
Stefnir þú að einhveiju sérstöku í
framtiðinni? Að taka ekki alltaf
ákvarðanir upp á eigin spýtur. Ég
þarf aö átta mig á því að ég er ekki
lengur einhleypur.
Hvað gerðir þú í sumarfríinu? Ég
tók til í eigin bakgarði í orðsins
fyllstu merkingu.