Dagblaðið Vísir - DV - 11.11.1993, Blaðsíða 2

2
FIMMTUDAGUR 11. NÓVEMBER 1993
Fréttir_________________________________dv
Farið að sjá fyrir endann á umfangsmestu rannsókn fíkniefhalögreglunnar:
293 gæsluvarðhaldsdag-
ar í stóra f íknief namálinu
- plássleysi í Síðumúlafangelsinu hefur tafið rannsókn málsins
Rannsókn stóra fíkniefnamálsins
er vel á veg komin. Þessa dagana er
verið að safna þráðum, sem spunnist
hafa við rannsóknina, í eina hönd,
eins og einn lögreglumaður orðaði
það við DV.
Samtals hefur héraðsdómur
Reykjavíkur úrskurðað 11 menn í
gæsluvarðhald að kröfu fíkniefna-
deildar lögreglu. Setnir gæsluvarð-
haldsdagar þessara 11 manna verða
því orðnir, þegar síðasti gæsluvarð-
haldsúrskurðurinn rennur út, 293
dagar. Hins vegar hafa fyrrnefndir
11 menn nú setið samtals 268 daga í
gæsluvarðhaldi og eru 5 þeirra enn
í vörslu lögreglu.
Samkvæmt heimildum DV innan
lögreglunnar hefur plássleysi í
gæsluvarðhaldsfangelsi landsins,
Síðumúlafangelsinu, tafið rannsókn
málsins því ekki hefur verið hægt
að hafa fleiri en fimm menn í haldi
í einu. Erlendur Baldursson, hjá
fangelsismálastofnun, sagði aö þetta
væri ekkert nýtt. Þeir menn sem
hægt væri að hafa í haldi gætu jafn-
vel rætt saman á milli klefa. Hann
sagði jaframt að ekki væri hægt að
búast við úrbótum í þessu máli fyrr
en nýtt fangelsi risi.
Rannsókn málsins hófst þegar þrjú
kíló af hassi og 900 grömm af amfeta-
míni fundust á Jóhanni Jónmunds-
syni við leit á honum á Keflavíkur-
flugvelh 25. júlí síðastliðinn þegar
hann kom til landsins frá Amster-
dam. Við sama tækifæri var Vil-
hjálmur Svan Jóhannsson handtek-
inn á Keflavíkurflugvelli grunaður
um samsekt. Báðir voru úrskurðaðir
í gæsluvarðhald til 11. ágúst. Sam-
kvæmt heimildum DV viðurkenndi
Vilhjálmur Svan við yfirheyrslur að
hafa átt efnið eftir að búið var að
framlengja gæsluvarðhald hans.
Vitneskja um aðild fleiri manna að
málinu fengust svo með hlerunum
af samtölum sem málsaðiiar hafa átt
sín í milli í síma á síðustu mánuðum.
Skömmu eftir að Vilhjálmi Svan
var sleppt úr haldi var svo Ólafur
Gunnarsson, meintur höfuðpaur og
fjármögnunaraðili í fíkniefnainn-
flutningnum, handtekinn og annar
maður, 38 ára. Þá var orðið ljóst að
málið væri umfangsmeira en haldið
var í fyrstu.
Sturla Böðvarsson um stjóm fiskveiða:
Endurskoða þarf
lögin í heild
„Eg tel að það gangi ekki að hætta
við að. leggja frumvörpin um króka-
báta og þróunarsjóðinn fram og láta
lögin gilda áfram óbreytt. Ég tel það
útilokað. Ég tel að menn geri alltof
mikið úr frumvarpsdrögunum um
krókabátana einum og sér. Það er
alveg ljóst að við verðum að taka
lögin um stjóm fiskveiða í heild sinni
til endurskoðunar og þá ekki síst það
sem snýr að stóru bátunum. Það er
einnig ýmislegt sem hefur verið að
koma upp allra síðustu daga, svo sem
veiðamar tonn á móti tonni, auk
minnkandi afla. Ég tel einnig aö Sig-
hvatur Bjamason úr Vestmannaeyj-
um hafi algerlega brotið upp alla
kvótaumræðuna meö því aö leggja
til að tekið verði upp veiðileyfagjald.
Þaö þarf að taka fyrir líka,“ sagði
Sturla Böðvarsson, 1. þingmaður
Vesturlandskjördæmis. í því kjör-
dæmi er einhver mesta krókaútgerð
á landinu.
Sturla segir að það sé ekki bara það
sem snýr að krókabátunum sem
þurfi að lagfæra. Það þurfi líka aö
lagfæra það sem snýr aö bátum und-
ir 6 tonnum sem völdu aflamarkið.
„Ef tillagan um að krókabátarnir
fái að veiða 12.500 tonn, eins og kem-
ur fram í frumvarpsdrögunum nær
fram, þá er ljóst að bátamir 6 tonn
og þar undir, þeir sem völdu afla-
markið, fara mjög illa út úr því,“
sagði Sturla.
Hann sagðist meta það svo á þess-
ari stundu að meiri líkur en minni
séu á að samkomulag náist innan
þingflokks Sjálfstæðisflokksins um
fnunvarpsdrögin tvö.
- Svo em menn að setja ráðherra-
stóla að veði fyrir hagsmuni króka-
bátanna, heldur þú að það leysist?
„Já, ég held að það leysist nú af
sjálfu sér. Ég lít svo á að það sé eng-
in hætta á ferðum með Össur Skarp-
héðinsson. Ég held að hann muni
ekki fórna stólnum heldur leita leiða
til samkomulags eins og viö hinir og
komast að niöurstööu í þessu máh.
Ég trúi því að það takist," sagði
Sturla Böðvarsson.
-S.dór
0
A bak við
Ólafur Gunnarsson
38 ára
Gæsiuvaröh. samt.:
92 dagar
Umdæmisverkfræömgur um sandtöku viö Óseyrarbrú:
Þetta er þeirra land
„Okkur hefur alltaf verið illa við
þessa sandtöku. Áhyggjur okkar
em það miklar að við sjáum ástæðu
til að fylgjast með þessu. Hins veg-
ar eigum við erfitt með að banna
sandtökuna þarna enda er þetta
þeirra land,“ segir Steingrímur
Ingvarsson, umdæmisverkfræð-
ingur Vegagerðarinnar á Selfossi.
Eins og DV greindi frá í síðustu
viku er talin hætta á að vegurinn
vestan við Óseyrarbrú kunni að
verða ágangi sjávar að bráð vegna
sandtöku rétt vestan brúarinnar.
Árlega era teknar þúsundir tunna
úr fjörunni. -kaa
Logi Þormóösson, fiskverkandi í Sandgerði:
Allur f iskur f ari á f iskmarkað
„Það sem Fiskmarkaöur Suöur-
nesja hefur verið að gera er að taka
þátt í því kvótabraski sem viðgengst
hér og fá kvótalitla báta til að veiða
fyrir sig. Þetta er auðvitað gert til að
fá fisk á markaðinn. En þar með
hefur sjómönnum þessara báta líka
verið sköpuð atvinna. Þess vegna
skil ég ekki að sjómannasamtökin
skuli styðja það ákvæði í frumvarps-
drögum að stjóm fiskveiða að koma
í veg fyrir að fiskmarkaðir geti keypt
kvóta,“ segir Logi Þormóðsson,
stjórnarformaður Fiskmarkaðs Suö-
urnesja og fiskverkandi í Sandgerði,
aðspurður um þrengingar fiskmark-
aðanna um þessar mundir.
„En það sem á aö gera að minu
mati og myndi leysa aragrúa deilu-
mála, sem uppi em vegna kvótakerf-
isins, er að ailur fiskur sem landað
er hér á landi fari á fiskmarkað,"
segir Logi. Hann segir að kvótaverð-
ið, 40 krónur fyrir þorskkílóið, sé
ekki svona hátt vegna þess aö útgerð-
in geti greitt þetta. Það er vegna þess
að fiskvinnslan er aðili að þessu.
„Fiskvinnslan getur keypt þorsk-
kvóta fyrir 40 krónur og beðið ein-
hvem bát að veiða fyrir sig fyrir 40
til 50 krónur á kílóiö. Þaö er fullt af
smábátum sem em tilbúnir til þessa
vegna þess hve lítinn kvóta þeir eiga
sjálfir og hafa ekki efni á því aö
kaupa sér kvóta. Ef allur fiskur færi
á fiskmarkað yrði komið í veg fyrir
þessar deilur milli útgerðarmanna
og sjómanna um þátttöku þeirra síö-
amefndu í kvótakaupunum. Ástæð-
an er sú aö ef allur fiskur fer á fisk-
markað myndi kvótinn hríðlækka í
verði. Sjáðu verðiö á ýsukvótanum.
Það er ekki nema 7 til 8 krónur fyrir
kílóið af því að engum hefur tekist
að veiða hann allan,“ sagði Logi.
Hann sagöi að auðvitað myndu
fiskmarkaðimir beita kjafti og klóm
í baráttunni fyrir tilveru sinni. Hann
sagðist bara ekki skilja hvers vegna
ráðamenn vildu þrengja svo að þeim
sem raun ber vitni.
-S.dór
Samkvæmt heimildum DV er um
að ræða um tíu ferðir á þessu og sein-
asta ári og magn fíkniefna sem flutt
hefur verið inn nemur á annan tug
kílóa. Söluverðmæti þess magns
nemur um 20 milljónum króna.
Þriðji maðurinn var svo úrskurð-
aður í gæsluvarðhald í september og
svo fylgdu þrír aðrir í kjölfarið í okt-
óber. í nóvember var svo gæsluvarð-
hald framlengt á einn þeirra aðila
sem hafði verið hnepptur í gæslu-
varðhald í september og þrír aðrir
úrskurðaðir í gæsluvarðhald og var
náð í einn þeirra til Svíþjóðar. Fimm
sinnum er búið að framlengja gæslu-
varðhald yfir meintum höfuðpaur,
Ólafi Gunnarssyni, seinast til 29.
nóvember, og tvívegis yfir fjórum
öðrum mönnum.
Eins og fyrr segir er rannsókn
þessa máls hklega á lokastigi, máls
sem sennilega er eitt hið umfangs-
mesta sem fikniefnadeild lögregl-
unnar hefur rannsakað. Þess má geta
að undanfarið hafa starfskraftar
deildarinnar nær eingöngu verið
nýttir við rannsókn þessa máls en
breytingerorðináþvíídag. -pp
Stuttar fréttir
Málshöfðwi
áLandakoti
Átta starfskonur á Landa-
kotsspítala hafa höfðað mál gegn
sjúkrahúsinu þar sem þær krefj-
ast biðlauna eftir að hafa verið
sagt upp störfum. RÖV greindi
frá þessu.
Skaðabótamál
Líkkistuvinnustofa Eyvindar
Árnasonar hefúr krafið Kirkju-
garða Reykjavíkur um 60 milljón-
ir króna í skaðabætur. Þetta kom
fram á Ríkissjónvarpinu.
Ótryggðar vínnuvélar
Hundruö vinnuvéla eru í um-
ferð og notkun hérlendis án
ábyrgðartryggingar. Samkvæmt
Morgunblaðinu eru eigendur
vinnuvéla ekki skyldugir að
ábyrgðartryggja þær.
Björkselurvel
Sólóplata Bjarkar Guömunds-
dóttur, Debut, hefur selst í nær
milljón eintökum og nálgast sölu-
met Sykurmolanna sem voru
fyrstir íslenskra hijómsveita að
selja plötu í rúmlega milijón ein-
tökum. Morgunblaöiö greinir frá
þessu.
Hannes Hlífar Stefánsson vann
yfirburðasigur á 42, helgarskák-
mótinu sem fram fór á Egilsstöð-
um um síðustu helgi. Hannes
hiaut 10 vinninga af 11 möguleg-
um.
fæðingaroriofs
Þingmenn hafa verið án rétt-
inda til fæðingarorlofs sam-
kvæmt lögum um þingfararkaup
en Ingibjörg Sólrún Gísladóttir
hjá Kvennalista hefur lagt til
breytingar á þessum lögum. -bjb