Dagblaðið Vísir - DV - 28.01.1995, Page 18
18
l
LAUGARDAGUR 28. JANÚAR 1995
Dagur í lífl Kristjáns Þórs Júlíussonar, bæjarstjóra á ísafirði:
Málefni Súðavíkur efst á baugi
Kristján Þór Júlíusson, bæjarstjóri á ísafirði, hefur haft i nógu að snúast undanfarinn hálfan mánuð.
DV-mynd Brynjar Gauti
Ég vakna alltaf klukkan sjö á
morgnana og svo var einnig þennan
dag. Ég byrja daginn á því að taka
inn þorskalýsi en morgunverðurinn
er oft ánægjulegasta máltíð dagsins
og ég reyni alltaf að boröa vel, fæ
mér ávexti, mjólk og ristaö brauð.
Dóttir mín María, sem er tíu ára,
mætir í skólann klukkan átta og fær
sér morgunverð með mér. Konan
mín, Guðbjörg Ringsted, fer á fætur
með okkur en synirnir, Júlíus, 8 ára,
og Gunnar, 4ra ára, sofa.
Ég var kominn í vinnuna um hálf-
átta. Dagurinn var sá fyrsti eftir snjó-
flóðið sem ég gat tekið upp póst og
blaðað í gögnum sem borist höfðu á
boröið mitt. Þetta var því fyrsti
vinnudagurinn við skrifborðið mitt.
Það fór töluverður tími í að laga til
á borðinu. Ýmis erindi komu upp úr
umslögunum, jafnt persónuleg, sem
mér þótti vænt um að sjá, og önnur
sem eru afgreiðslumál. Ætli það hafi
ekki tekið mig tvo tíma að taka til
en ég tók reyndar nokkur símtöl líka.
Ég þurfti m.a. aö afboða bæjarráðs-
fund sem boðaður hafði verið eftir
hádegi. Það komu upp aðrir fundir
og aðstæður þannig að ég hefði ekki
getað setið þann fund. Við ákváðum
að fresta honum um einn dag. Reynd-
ar átti þessi fundur upphaflega að
vera 16. janúar.
Gestir úr Reykjavík
Um tíuleytið þennan morgun þurfti
ég að fara út á flugvöll og taka á
móti mönnum. Það voru þeir Þórður
Skúlason, Vilhjálmur Þ. Vilhjálms-
son og Jón Gauti Jónsson sem voru
komnir vegna málefna Súðavíkur.
Við vorum komnir aftur á skrifstofu
mina rétt fyrir ellefu en ég þurfti að
fara með þeim yfir stöðuna og setja
þá inn í málin. Við sátum yfir því til
tólf en þá kom sveitarstjóri Súðavík-
ur, Sigríður Hrönn Elíasdóttir, inn á
fundinn. Við spjölluðum saman í
klukkutíma. Þá fór ég á annan fund
með almannavamanefnd Ísaíjarðar
og Súðavikur, Almannavarnaráði
ríkisins og stjórn Ofanflóðasjóðs. Þar
fór fram spjall yfir borðum og menn
skiptust á skoðunum. Ég var þar til
háliþijú en þá settist hjá mér í smá-
stund Einar Kristinn Guðfmnsson
alþingismaður og við ræddum þessa
hluti fram og til baka, snjóflóð, varn-
ir og brýnustu úrlausnarefni.
Vissi ekki
um ráðherra
Ég hitti síðan umhverfisráöherra,
Össur Skarphéðinsson, og fylgdarlið
hans. Ég rétt gat skipst á skoðunum
við ráðherrann um þessa hluti því
ég hafði ekkert vitað um komu hans
hingað. Ég og Þorsteinn Jóhannes-
son yfirlæknir vorum búnir að
ákveða ferð með Vilhjálmi, Jóni
Gauta og Þórði inn í Súðavík á sama
tíma. Við heimsóttum hreppsskrif-
stofuna í Súðavík og skoðuðum síðan
flóðasvæðiö. Það var hryllileg að-
koma og ekki er ofsögum sagt að
manni hafi verið brugðið.
Fundirmeð
Hnífsdælingum
Þegar þessu öllu var lokið ókum
við aftur til ísafjarðar og komum
hingaö um sexleytið en þá átti ég
fund með fulltrúum Hnífsdælinga,
þeirra íbúa sem búa á hættusvæði
og hafa oft þurft yfirgefa hús sín.
Þeir sögðu mér frá fundi sem íbúarn-
ir höfðu haldið og mér fannst þetta
ánægjulegar umræður. Það hefur í
gegnum tíðina verið mjög erfitt og
viðkvæmt að taka þær ákvarðanir
af hálfu almannavarnanefnda að láta
fólk rýma hús sín. Á þessum fundi
voru þessir fulltrúar komnir til að
skýra frá því að þetta yrði frekar
gert fyrr en seinna framvegis. Það
er greinilegt aö þessir atburðir í
Súðavík hafa hrært verulega upp í
fólki á þeim svæðum sem eru innan
þessara hættusvæöa og það er á fleiri
stöðum en í Hnífsdal. Ég hef heyrt
um íbúa nokkurra þessara húsa sem
ætla ekki að flytja inn í þau aftur
fyrr en í vor. Ég held að það sé fylli-
lega þess virði fyrir aðra landsmenn
að hugleiða hvaða þýðingu þetta hef-
ur.
Heima með
fjölskyldunni
Ég var búinn á þessum fundi um
sjöleytið en þá hringdi Júlíus sonur
minn og sagði mér að hann væri hjá
skólafélaga sínum. Ég fór þangað og
sótti hann en síðan fórum við saman
heim. Við urðum að ganga upp göt-
una okkar, Bæjarbrekkuna, vegna
ófærðar. Það var eins og við værum
í stórsjó, þannig hefur skafið í göt-
una. Mikið verk og dýrt er óunnið
fyrir sveitarfélagið í mokstri.
Konan beið okkar með steiktan fisk
og síðan tók ég kvöldinu rólega. Ég
fór yfir heimalærdóm með börnun-
um. Júlíus var að leggja saman tölur
og draga frá en María las landa-
fræði. Eg ræddi talsvert í síma, við
föður minn á Dalvík og kunningja.
Þetta var því ánægjulegt kvöld en ég
fór í rúmið um miðnætti. Dagurinn
var frekar óvenjulegur þar sem verk-
efni hans tengjast að mestu hörmu-
legum atburðum og að því leyti er
hann ömurlegur því enginn kærir sig
um að slíkir atburðir hendi sig aftur.
Annars ræddum við hjónin um
hvaða möguleika við ættum á að taka
okkur stutt frí. Við munum kanna
það rækilega.
ll^=
Finnur þú fimm breytingar? 294
Það er skárra að vera í svona vinnu en að hanga á einhverju
götuhorni.
Nafn:
Heimili:
Vinningshafar fyrir tvö hundruð nítugustu og aðra
getraun reyndust vera:
1. Sesselja Þórðardóttir,
Faxabraut 36b,
230 Keflavík.
2. Helgi Jökulsson,
Túngötu 2,
640 Húsavík.
Myndirnar tvær virðast við fyrstu
sýn eins en þegar betur er aö gáö
kemur í ljós að á myndinni til
hægri hefur fimm atriðum verið
breytt. Finnir þó þessi fimm atriði
skaltu merkja við þau með krossi
á myndinni til hægri og senda
okkur hana ásamt nafni þínu og
heimilisfangi. Að tveimur vikum
liðnum birtum við nöfn sigurveg-
aranna.
1. verðlaun:
Zodiac Sigma 300 sími að verðmæti kr.
4.950,- frá Hljómbæ, Hverfisgötu 103,
Reykjavík.
2. verðlaun:
Úrvalsbækur. Bækumar sem eru í verð-
laun heita: Líki ofaukið og Bláhjálmur úr
bókaflokknum Bróöir Cadfael aö verð-
mæti kr. 1.790,-. Bækumar eru gefnar út
af Frjáisri fjölmiðlun.
Merkið umslagið með lausninni:
Finnur þú fímm breytingar? 294
c/o DV, pósthólf 5380
125 Reykjavík