Dagblaðið Vísir - DV - 18.04.1995, Blaðsíða 4

Dagblaðið Vísir - DV - 18.04.1995, Blaðsíða 4
ÞRIDJUDAGUR 18. APRÍL 1995 Fréttir Þorgeir vill ekki vera Þorgeirsson: Málf arsf asistar höf ðu af mér kosningaréttinn - segir Þorgeir Þorgeirson sem kaus ekki og er enn upp á kant við kerfið _ „Nafh mitt hefur veriö ritskoöað. Ég tel mig eiga rétt á að tjá hugsun mína með því hvernig ég rita nafhið mitt. Nafnið er hins vegar ritskoðað og það líð ég ekki," segir Þorgeir Þorgeirson rithöfundur sem enn á ný er kominn upp á kant við kerfið því hann neitar að skrifa fööurnafn sitt í eignarfalli, Þorgeirsson, eins og talið er rétt samkvæmt íslenskri málhefð. Frá árinu 1985 hefur hann kosið að rita föðurnafn sitt Þorgeir- son. Hann hefur tilkynnt þjóðskrá að þanhig skrifi hann föðurnafnið en því fæst ekki breytt í þjóðskránni vegna þ^ss að það samræmist ekki íslenskri málhefö að mati manna- Þorgeir Þorgeírson rithöfundur. nafnanefndar. Arið 1990, ári áður en mannanafhalögin tóku gildi, hafði Þorgeir hins vegar fengið vegabréf hjá lögreglusrjóra. Þar er hann skrif- aður Þorgeirson. Þegar Þorgeir mætti á kjörstað í nýafstöðnum alþingiskosningum var enginn Þorgeirson á kjörskránni, en það nafh mátti þó greinilega lesa í löglegu vegabréfi sem hann framvís- aði til að fá atkvæðaseðil. í kjör- skránni var bara að finna Þorgeirs- son pg það sætti Þorgeir sig ekki við og kaus því ekki. Aðstoðarstúlka bauð honum að strika bara yfir ann- að s-ið en það þáði Þorgeir ekki enda segir hann það ólóglegt að breyta kjörskránni. „Þessir málfarsfasistar höfðu af mér kosningaréttinn því ég framvísaði löglegu vegabréfi með mínu rétta nafhi." Þorgeir segir að mannanafnalögin frá 1991 séu brot á srjórnarskránni og brot á Mannréttindasáttmála Evr- ópu. Þaö hafi hann látið hlutlausa aðila skoða. í lögunum sé ákvæði um að nota skuU eignarfall í föðurnafhi. „í mínu tilfelli varðar það lífsskoðun mína hvort ég nota eignarfall eða stofhsamsetningu. Þessir öfgamenn í mannanafnanefhd virðast hafa al- gert einræðisvald um túlkun í þess- um málum. Þetta er svona svipað og hjá Khomeini á sínum tíma," segir Þorgeir. Þorgeir hefur vísað málinu til um- boðsmanns Alþingis en málið hefur enn ekki fengið afgreiðslu þar. - Af hverju viltu frekar skrifa föður- nafhið þitt með einu essi? „Ég tel að eignarfallið sé arfur frá tímum þrælahalds þegar ein persóna átti aðra. Ég vil breyta því en vil hins vegar ekki eyðileggja nafnaheföina. Þetta er rétt málfræði. Ég geri þetta vegna sannfæringar minnar. Það er óleyfileg niðurlæging að neita mér um þetta." -Ari 2 ára fangelsi fyrir grófa tilraun til nauðgunar við Rauðavatn í júlí: Tannför sönnun í árásarmáli - konan heyrði bein brotna er maðurinn sló höfði hennar ítrekað í jörðina 37 ára Reykvíkingur, Kristinn Styrmisson, hefur verið dæmdur í 2 ára fangelsi fyrir tilraun til nauðgun- ar og stórfellda líkamsárás við Rauðavatn aðfaranótt sunnudagsins 10. júlí síðastliðins. Hann var jafn- framt dæmdur til að greiða fórnar- lambinu 700 þúsund krónur í skaða- bætur. Vitni í málinu, íbúi í Seláshverfi, kvaðst hafa séð umrædda konu koma skríðandi yfir götuna við Rauðavatn umrædda nótt. Þegar haft var tal af henni sagði hún að kunningi manns- ins síns hefði ráðist á sig og nauðgað sér. Lögregla flutti hana á slysadeild. Þar kom í ljós að hún var með mikla áverka - tvær sprungur í höfuðkúpu, glóðarauga báðum megin auk áverka í andliti, mar á útlimum og á baki og flís hafði brotnað úr beini í ökla. Fyrir dómi sagði konan að hún heföi farið í bíltúr með manninum um kvöldið aö Rauðavatni. Maður- inn hefði lagst ofan á sig en hún beð- iö hann um að hætta. Síðan hefði hann sest á maga hennar, haldið höndum niðri og slegið hana í andlit- ið og þá slegið höfði hennar ítrekað í jörðina - hún sagðist hafa heyrt bein í höfði sér brotna. Þá hefði hann tekið um háls og hár hennar og sagt: „ef þú liggur ekki kyrr, drep ég þig". Eftir þetta sagðist konan hafa slegið til mannsins og sparkað og hún taldi sig jafnframt hafa bitið manninn á a.m.k. tveimur stöðum. Hún sagði hann hafa komið fram vilja sínum. Maðurinn neitaði að hafa ekið með konunni að Rauðavatni og sagði áverkana, sem tannlæknir staðfesti að væru mjög hklega tannför eftir konuna, ýmist eftir að hann heföi brennt sig á púströri eða rekið sig utan í trjágreinar eða fall. Þar sem ekki fundust fullnægjandi sýni úr manninum á konunni sem bentu til að um samfarir hefði verið að ræða var ekki talið sannað að hann hefði komið fram vilja sínum. Hins vegar var hann sakfelldur fyrir tilraun til nauðgunar með hliðsjón af áverkum á konunni og áverkun- um á honum sjálfum, m.a. tannför- um konunnar'. Dómurinn sakfelldi hann einnig fyrir stórfellda líkams- árás. Konan fór fram á eina milljón króna í skaðabætur en dómurinn dæmdi manninn til að greiða henni 700 þúsund krónur. Kristinn hefur hlotið 27 refsidóma fyrir ýmis brot, aðallega skjalafals, þjófnað, fjársvik og ölvunarakstur. Refsingin taldist hæfileg 2 ára fang- elsi en 16 daga gæsluvarðhald, sem hann sætti vegna nauðgunarmáls- ins, kemur til frádráttar. ( -Ótt Sprautaði táragasi áþrjá Lögreglan hanatók 16 manns og færði á lögreglustöðina eftir háreysti fyrir utan hús við Lang< höltsveg í Reykjavík snemraa á laugarðagsmorgun. Samkvæmi haföi verið í húsinu um hóttina og hafði hópur fólks safhast saman fyrir utah íbuðiná um hálfátta á laugardagsmorgtm í trássi viö viljahúsráðanda. Lög- regla var samstundis kvödd á staðinn og ákvað að færa fólkið í fangaklefa. Meðan lögreglan var að störf- um náöi einn gestanna táragas- brúsa af lögreglumanni og sprautaöi úr honum á tvo lög- reglumenn og einn hinna handte- knu.. Mönnunum varð ekki meint af en fóru þó á slysadeiid. -GHS í dag mælir Dagfari Tíðindalaus stjórnarmyndun Helstu fréttir sjónvarps og útvarps yfir páskahátíðina voru þær að segja frá því að ekkert væri að frétta af stjórnarmyndun. Það var ekki nema von. Veslings frétta- mennirnir héldu, eins og þjóðin öll, að Alþýðuflokkurinn og Sjálf- stæðisflokkurinn stæöu í stjórnar- myndunarviðræðum. Þaö héldu kratarnir líka og Jón Baldvin sinnti kínverska utanríkisráðherranum í góðri trú um hann væri áfram ut- anríkisráðherra. Og allir sögðu að srjórnarmyndunarviðræður hefðu farið vel af stað og menn væru að ræða málin og ekkert var því til fyrirstöðu að Sjálfstæðisflokkur og Alþýðuflokkur héldu srjórnarsam- starfinu áfram og gætu sameigin- lega tekið á móti kínverskum utan- ríkisráðherrum næstu fjögur árin. En svo kom allt í einu í ljós í gærdag að þessar stjórnarmyndun- arviðræður 'voru plat. Þær voru alls ekki þær'stjórnarmyndunar- viðræður sem menn héldu að færu fram. Það voru allt aðrar stjórnar- myndunarviðræður sem áttu sér stað, sem sé miUi sjálfstæðismanna og framsóknar, og það voru alvöru- viðræðurnar sem fóru fram hjá fjölnúðlum og fréttamönnum s'em höfðu tekið feil á stjórnarmyndun- arviðræðum. Þetta gátu menn auðvitað sagt sér strax. Sjálfstæðisflokkurinn púkk- ar ekki upp á flokka sem tapa og Framsóknarflokkur pukkar ekki upp á flokka sem eru í srjórnarand- stöðu. Framsóknarflokkurinn hafði að vísu lofað að reyna að mynda vinstri srjórn eftir kosning- ar, en það var bara loforð og vinstri flokkarnir gátu sagt sér það strax að Framsókn fer ekki að mynda stjórn meö vinstri flokkum þegar hún getur myndað srjórn með íhaldinu. Hvers vegna ætti Sjálfstæðis- flokkurinn að fara í stjórn með krötum sem eru búnir að vera til vandræða í heilt kjörtímabil og vilja bara nota Sjálfstæðisflokkinn til að halda áfram að skandalísera í ríkisstjórn? Og hvers vegna ætti FramsóknarJlokkurinn að fara í stjórn með Ólafi Ragnari og Jó- hönnu ög Jóni Baldvin þegar þessir flokkar eru allir ólmir í að komast í stjórn með Davíð? Af hverju ætti Framsókn ekki að vilja fara í stjórn með Davíð úr því hinir virja fara i stjórn með Davíð? Þetta er heldur ekki spurning um þaö hver vilji fara í stjórn með Davíð heldur hvern Davíð vill taka í stjórn með sér. Davíð vill ekki kratana og hann vill ekki komm- ana og Jóhanna vill ekki Davíð og þegar Davíð kýs að starfa með Framsókn, hví skyldi þá Framsókn ekki vilja starfa með Davíð? Þetta er í rauninni eina stjórnin sem hægt er að mynda hér með góðu móti. Það gátu kjósendur sagt sér sjálfir og í rauninni óþarfi að halda kosningar til að finna það út aö íhald og framsókn eru stærstu flokkarnir og þeir eru þeir einu sem geta myndað tveggja flokka stjórn án þess að vera stöö- ugt að nigla með minni flokka sem eru árangurslaust búnir að reyna að vera nógu stórir til að starfa með íhaldinu. Davíð vill Halldór og Halldór vill Davíö og þetta verður pottþétt srjórn sem heldur öllu til haga, hvort heldur það er kvótinn eða landbúnaðarframleiðslan, og það veröur ekkert múður með Evrópu- samband og það verður ekkert sem hróflar við öruggum meirihluta þessarar ríkisstjórnar langt fram á næstu öld. Og það er ekki vegna þess að þessir tveir flokkar séu að taka sér völdin. Þaö var þjóðin og kjósendur sem færðu flokkunum sigurinn og atkvæðin og völdin á silfurfati af því þjóðin vill að þeir Davíð og Halldór gangi í eina sæng. Þeir hafa holdafarið til þess, þeir hafa vinsældirnar til þess og þeir hafa alla hina flokkana á móti sér til þess að þetta takist. Satt að segja er Dagfari alveg hissa á því að eng- um skyldi hafa dortið þetta fyrr í hug. Stjórnarmyndun Sjálfstæðis- flokks og Framsóknar er svo sjálf- sagt mál að það þóttu ekki fréttir um hátíðarnar. Það er í rauninn engin frétt að þeir sem mynda ekki stjórn skuh hafa talað saman um að mynda stjórn meðan Davíð var að tala við Framsókn um að mynda stjórn. Það gerðist ekkert um pásk- ana í stjórnarmyndunarviöræðum nema það smáræði eitt og sér að Sjálfstæðisflokkur og Framsóknar- flokkur ákváðu að mynda stjórn. Það tók því varla að minnast á það. Dagfari

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.