Þjóðviljinn - 25.09.1982, Side 9

Helgin 25.-26. september 1982 ÞJÓÐVILJINN — SIÐA 9
Hvers vegna
„planið”?
Hvers vegna
ekki?
j í Þjóðviljanum er skrifað um verkalýðsmál, kvenréttindi, pólitík, erlendar
og innlendar fréttir. í blaðinu eru frábaerar skrítlur og poppfréttir. Ekkert
af þessu er slæmt, meira að segja bara ansi gott, en eitt vantar þó og það er
eitthvað fyrir minn aldurshóp, „unglingana“ og í staðinn fyrir að kvarta
volandi og veinandi ákvað ég upp á mitt einsdæmi að dýfa fjöðrinni í blekið
og skrifa um mitt áhugamál, „planið".
Allir jafnir
á planinu
Ég skil og veit að foreldrar hafa
áhyggjur af börnunum sínum sem
húka niðrá plani í skíta kulda og
geta ekki staðist þá freistingu að
prófa öll þessi hættulegu efni og
leiðast síðan út í einhverja bölvaða
vitleysu og því miður er allt of mik-
ið um að krakkar lendi í þeim víta-
hring. En þó að mörgum þyki þetta
allt voðalega skýtið er eitthvað sem
dregur mig og mína líka þangað.
Þarna hittast kærustupörin og
krakkar sem maður þekkir bara
lauslega, þarna ægir saman pön-
kurum, pönkuðum krökkum,
úlpukrökkum og diskóliði en samt
eru allir jafnir á planinu. Þarna
kynnist maður krökkum úr öðrum
skólum og hverfum og þarna er
fjör.
Hverfiskliður
Auðvitað er búið að gera margt
fyrir okkur, reisa hverfismið-
stöðvar, Ársel, Fellahelli, Bústaði
og Tónabæ að ógleymdum Villa,
tryllta Villa. Af hverju förum við
ekki frekar þangað, þar er nammi
og diskómúsík og þar er þó hlýtt.
En samt, þessar miðstöðvar eru
einsog nafnið bendir til, bundnar
við hverfi. Þar kynnist maður ekki
krökkum úr öðrum hverfum, en ef
ske kynni að maður færi inn í aðra
miðstöð en í sínu hverfi, þá hafa
kannski myndast hverfisklíkur sem
hertaka miðstöðvarnar og mór-
allinn ekki góður. Að vísu er búið
að leysa þennan vanda að nokkru
leyti með risabyggingum eins og
Árseli og Villa tryllta Villa. En
aftur samt.
Dýrt á Villta tryllta
Villa
Þó að Villi tryllti Villi beri af
hvað snertir glæsileik og stærð er
eitt vandkvæði þar á og það er
hversu dýrt er þar. Það kostar 50
kr. á virkum dögum og á föstudög-
um og laugardögum kostar það 90
kr. plús gos, 15 kr. hamborgari, 35
kr. franskar 15. kr. og nammi, þá
er þetta orðið ansi dýrt fyrir t.d.
ungling sem hefur unnið í unglinga-
vinnunni með u.þ.b. 2000 krónur á
mánuði. Svo að ódýrasta lausnin er
planið a.m.k. fyrir þá sem neyta
ekki vímugjafa af ýmsu tagi.
Verðum aldrei
södd
Það hefur verið komið til móts
við okkur að nær öllu leyti og
auðvitað væri það bölvuð vitleysa
að leyfa áfengisneyslu í félagsmið-
stöðvunum. Það væri eins og að
henda peningum. En við heimtum
alltaf meira og meira og verðum
aldrei södd.Þegar við fáum það
sem við viljum er það komið úr
tísku, þá er baráttan búin og ekkert
gaman lengur, en planið er ennþá í
tísku og verður örugglega ennþá í
tísku hjá komandi kynslóðum,
a.m.k. þeirri næstu. Á okkar aldri
er fólk jú alltaf að skemmta sér,
eitthvað hljótið þið að hafa gert,
ágætu foreldrar. Þá var það rúntur-
inn og sveitaböllin en nú er það
sem sé planið.
Og ef það er satt að einhverjir
fullorðnir karlmenn sitji fyrir kyn-
systrum mínum á leiðinni heim, í
guðs bænum finniði þá sem fyrst.
Arna Kristín Einarsdóttir, 14 ára.
1882 leit fyrsta Peugeot reiðhjólið dagsins ijós. Alla tíð síðan hefur Cycles Peugeot kappkostað
að hafa bestu hjólin á markaðinum, enda eru Peugeot hjólin oft kölluð „Rolls Royce “ reiðhjólanna.
í tilefni 100 ára afmælisins bjóða frönsku Peugeot verksmiðjurnar og Örninn upp á sérstök
afmælisreiðhjól á tilboðsverði, sem er ótrúlega lágt fyrir þessa gæðagripi.
PH 8 FN: 10 gíra karlmannsreiðhjól eru með lokuðum skálabremsum, standara,
Ijósabúnaði o.fl. o.fl. Þrjár stærðir, breið dekk. Litur: Perluhvítt. Þessi reiðhjól eru
samansett úr meira en 1530 hlutum og eru þeir nákvæmlega athugaðir 942 sinnum
á ýmsum framleiiðslustigum. Meira en 200 heildarprófanir eru gerðar á hráefnis-
gæðum, tæknibúnaði, notkunarþoli og ryðvörn á þessum hjólum.
Verð kr. 4.137.00 miðað við 20% afmælisafslátt.
Greiðsluskilmálar. 10 ára ábyrgð á stelli og framgaffli. Ókeypis eftirstilling.
Gerið samanburð á verði og gæðum áður en þið kaupið hjól.
Sérverslun í meira
en hálfa öld
• • Reiðhjólaverslunin
S:14661
Spítalastíg 8 vió Oðinstorg