Þjóðviljinn - 25.09.1982, Blaðsíða 20
£ 20 SÍÐA — ÞJÓÐVILJINN Helgin 25.-26. september 1982
Djassað
í„Stúdó”
Á sunnudagskvöldið verður
leikinn jazz í Stúdentakjallaranum
við Hringbraut. Hefst hann kl. 21,
og þeir sem hann fremja eru Sig-
urður Flosason, sem leikur á saxa-
fón, Ludvig Símonar sem leikur á
víbrafón og Tómas Einarsson sem
leikur á bassa.
Fyrsta
vísnakvöld
yetrarins
Mánudaginn 27. september
verður fyrsta vísnakvöld vetrarins í
Þjóðleikhúskjallaranum. Hefst
það kl. 20.15,ög er ætlunin að hafa
reglulega vísnakvöld í vetur einu
sinni í mánuði.
Á þessu fyrsta vísnakvöldi koma
fram m.a. Bergþóra Ámadóttir,
vísnahljómsveitin Hrím, og Arn-
aldur Arnaldsson. Ljóðskáld
kvöldsins að þessu sinni verður Vil-
borg Dagbjartsdóttir.
Góð aðsókn var að vísnakvöld-
unum s.l. vetur og komust oftast
færri að en vildu. A kvöldum þess-
um geta allir troðið upp sem vilja
og er þetta því prýðis vettvangur til
þess að koma frumsömdu efni á
framfæri.
Sýni-
kennsla í
garðrækt
í dag, laugardaginn 25. septemb-
er, kl. 2-5 verður Skógræktarstöð-
in í Fossvogi opin almenningi, og
verða starfsmenn Skógræktarfé-
lags Reykjavíkur þar til viðtals og
ráðuneytis. Stuttur fræðslufundur
og sýnikennsla hefst kl. 2 og verður
þá fjallað um haustverk í garðinum
og fyrirspurnum svarað.
Sjóréttarfélagið:
Framhalds-
stofnfundur
Framhaldsstofnfundur Hins ís-
lenska sjóréttarfélags verður hald-
in mánudaginn 27. september kl.
17.15 í Lögbergi, húsi Lagadeildar
Háskólans. Allir áhugamenn um
sjórétt, lögfræðingar og aðrir, eru
velkomnir á fundinn.
Erindi um
umhverfísmál
í Verkfræði- og raunvísindadeild
Háskóla íslands verða á næstu vik-
um flutt 10 erindi um umhverfis-
mál. Er til þeirra stofnað fyrir nem-
endur í deildinni, en aðgangur er
öllum frjáls, eins þeim sem ekki
eru við nám í HÍ. Gert er ráð fyrir
umræðum á eftir hverju erindi.
Fyrsta erindið í þessari röð verð-
ur á mánudag, 27. sept., kl. 17.15 í
stofu 158 í húsi verkfræði og raun-
vísindadeildar, Hjarðarhaga 2-6.
Þá flytur Vilhjálmur Lúðvíksson
verkfræðingur, framkvæmdastjóri
Rannsóknaráðs ríkisins, erindi
sem hann nefnir: Verkfræðilegar
áætlanir og valkostir.
Jón Viöar
Sigurðsson
daegurtónlist
Nýja Kompaníið: Sveinbjörn, Sigurður Flosason, nafni hans Valgeirsson,
Jóhannsson.
Fyrsta plata Nýja kompanísins:
Kvölda tekur
( Þá er fyrsta plata Nýja Kom-
panísins loksins komin. Þessi
plata átti að koma út í byrjun
sumars en af óviðráðanlegum or-
sökum og mannlegum mistökum
seinkaði henni um þrjá mánuði.
Þessar tafir hafa þær afleiðingar í
för með sér einhverra hluta vegna
að öll spenna er horfin af útgáf-
unni.
Nýja Kompaníið er ein fárra
hljómsveita er haldið hafa merki
jassins á lofti síðast liðnar annir,
við nokuð góðan orðstír. Hljóm-
sveitin hefur starfað að mig
minnir í um tæp tvö ár og því
kominn tími til að senda eitthvað
frá sér í varanlegu formi.
Á fyrstu plötu Kompanísins er
heitir Kvölda tekur eru átta lög,
sex eftir meðlimi hljómsveitar-
innar, einnig er þar að finna tvö
þjóðlög er Jóhann G. Jóhanns-
son hefur útsett á smekklegan
hátt.
í Nýja kompaníinu eru: Jó-
hann G. Jóhannsson píanó,
Sveinbjörn I. Baldvinsson, gítar,
Tómas R. Einarsson, bassa, Sig-
urður Flosason saxafón og Sig-
urður Valgeirsson, trommu-
leikari.
Tómas Einarsson og Johann
Ekki kann ég að lýsa hvurslags
jass Nýja Kompaníið leikur en
hann er ekki óaðgengilegur og
lætur ekki illa í eyrum eftir
nokkra spilun.
Hljóðfæraleikur plötunnar er
hinn ágætasti og finnst mér þeir
Sigurður Flosason og Jóhann G.
Jóhannsson eiga bestu sprettina.
Þannig á sá fyrranefndi ágætt sóló
í laginu „G.O.” sem er eftir hann
sjálfan og er tileinkað minningu
Gunnars Ormslev.
Á þessum seinustu og verstu
tímum er ágætt til þess að vita að
einhverjir skuli leggja jassinum
stuðning því það er ekki oft sem
við fáum íslenska jassplötu í
hendurnar. f endann á þessari
snubbóttu kynningu vil ég þakka
hljómsveitinni framlag þeirra til
íslensks tónlistarlífs. Framlag
sem ekki hefur farið hátt en er
góðra gjalda vert.
Jonee Jonee: Heimir Baröason, Bergsveinn Bjorgulfsson og Þorvar Hafsteinsson.
Jonee Jonee meö 16 laga plötu:
Svonatorrek
(„Af þvíað pabbi vildiþað”?)
Hljómsveitin Jonee Jonee
vakti þegar í upphafi ferils síns
athygii og þá fyrst og fremst fyrir
hljóðfæraskipan og sérkennni-
legan klæðaburð. Einhverjar
mannabreytingar hafa átt sér stað
en í dag skipa hljómsveitina þeir:
Bergsteinn Björgúlfsson, Heimir
Barðason og Þorvarður Haf-
steinsson.
Þeir félagar eru nýbúnir að
senda frá sér breiðskífu er ber
nafnið Svonatorrck, var hún
hljóðrituð í Grettisgati undir
stjórn Tómasar Tómassonar.
Á plötunni eru 16 lög eftir
meðlimi hljómsveitarinnar, en
textarnir eru eftir hina og þessa.
Hljómsveitarmeðlimir eiga 6
texta á plötunni. Það sem ein-
kennir Jonee Jonee öðru fremur
ereinfaldleikinn. Hljóðfærin sem
þeir nota eru: trommur, bassi,
altsaxafónn og raddir. Þetta er
nokkuð fátíð hljóðfæraskipan og
ekki margar hljómsveitir sem
hafa reynt fyrir sér á þessum
slóðum.
Þrátt fyrir einfalda hljóðfæra-
skipan er tónlist hljómsveitarinn-
ar blæbrigðarík og nokkuð frum-
leg. Hún er skemmtileg og það er
jú fyrir mestu. Þeir hafa markað
sér bás sem er þröngur og krefst
mikils af hverjum og einum.
Hljóðfæraleikur þeirra félaga
er ekkert sérlega góður en þeir
eiga þó góða spretti inná milli.
Þessi fábreytta hljóðfæraskipan
leggur þeim þunga byrði á herð-
ar, byrði sem þeir rísa ekki fylli-
lega undir. Þeir hafa alla burði til
að ná langt ef þeir á annað borð
hafa áhuga.
Textar plötunnar eru upp og
ofan, þeir eru skemmtilegir þó
þeir séu ekki mjög innihaldsmikl-
ir líkt og tónlistin. í fréttatilkynn-
ingu sem fylgdi plötunni stendur
þessi klausa um texta hljóm-
sveitarinnar og lýsir betur en
nokkuð annað hvað þeir eru að
fara. „Textar plötunnar eru ekki
byggðir upp á neinni heimspeki,
eða pólitík. Textahöfundar á
plötunni eru alls fimm og eins og
gefur að skilja, þá fjalla textar
þeirra um ólík fyrirbæri, allt frá
innihaldslausum orðaleikjum til
harðskeyttra árása á skólakerfið
og allt þar á milli”. Hver man
ekki eftir „Af því að pabbi vill
það”? sem er einn besti texti
hljómsveitarinnar til þessa,
nokkrir álíka eru á Svonatorrek.
Hvar er textinn minnl/textinn
sem fjallar um kúgun svartra/
textinn sem sigrar misrétti
kynjanna/Við verðum að hafa
textann á hreynu/ Við verðum að
gefa vandamálunum gaum/Hvar
er textinn minn/4xFja!lar, skýrir,
snertir, fordæmir/Hvar er textinn
minnl/Textinn, textinn, nei, nei
nei,/Við verðum að fullnægja
kröfum gagnrýnenda/Við ver-
ðum að fást við stuðla og/
höfuðstafi/ 472 Fjallar, skýrir,
svertir, fordæmir. „Hvar er tex-
tinn minn”.
Svonatorrek verður ef til vill
ekki talin f hópi bestu platna
þessa árs en hún verður í hópi
þeirra skemmtilegustu. Þeir
standa við allar þær vonir sem ég
batt við þá og meira til. Þessi
plata hefur sérstakt aðdráttarafl
sem erfitt er að rífa sig frá.
skrifar
Slúöur
Ný stór hljómsveit er í uppsigl-
ingu. í þessari hljómsveit sem
ekki hefur fengið nafn eru: Sig-
urgeir Sigmundsson gítar, Krist-
ján Edelstein gítar, Eiríkur
Hauksson söngur en þeir hafa all-
ir verið í Start einhvern tíma
ævinnar. Rúnar Guðmundsson
bassaleikari Utangarðsmanna og
Bodies, og að síðustu fyrsti
trommuleikari Tappa Tíkarrass
sem ég þekki ekki nafnið á. Sam-
kvæmt áræðanlegum heimildum
hafa þeir félagar æft í sumar og
verða að sjálfsögðu með frum-
samið efni. Ekki er að efa að til-
koma þessarar hljómsveitar
verður mikil lyftistöng fyrir ís-
lenskt tónlistarlíf og verða miklar
kröfur gerðar, því að hér eru eng-
ir aukvisar á ferð.
Magnús Þór sendir nýja plötu
frá sér á mánudag. Hún inniheld-
ur lög eftir Magnús við ljóð Mar-
grétar Jónsdóttur og ber nafnið:
Draumur aldamótabarnsins.
Hávær orðrómur hefur verið á
sveimi um það að Þorsteinn
Magnússon gítarleikari sé hættur
í hljómsveitinni Þeyr. Orðrómur-
inn fékk byr undir báða vængi er
Þorsteinn kom ekki fram með
hljómsveitinni á Risarokki. Nú
hefur það verið staðfest að Þor-
steinn sé á ný farinn að leika með
hljómsveitinni og lék hann með í
henni í Félagsstofnun síðast lið-
inn miðvikudag. Þetta eru gleði-
leg tíðindi því það hefði verið
stórt skarð fyrir skildi, ef hann
hefði sagt skilið við hljóm-
sveitina. Því má bæta við í lokin,
að væntanleg er sólóplata með
Þorsteini, og þær upptökur sem
ég hef fengið að heyra lofa mjög
góðu, en meira um það síðar.
Þrumuvagninn hefur bætt við
sig gítarleikara, Erni Sigmunds-
syni, og fengið sér umboðsmann,
Sigurjón Maríusson. Þeir æfa
nýtt efni af kappi.