Þjóðviljinn - 30.10.1982, Blaðsíða 14
14 StÐA — ÞJÓÐVILJINN Helgin 30.-31. október 1982
Köppen oröin þrítug en
samt á toppnum svo...
- Kristín, hvernig stóð á því að
þú fórst að æfa badminton?
„Ætli pabbi, Magnús Einarsson,
hafi ekki haft mest áhrif á mig.
Hann gerði mikið af því að spila
badminton og gerirenn, og ég byrj-
aði á að fara með honum. Eg fór
ekki að æfa að ráða fyrr en TBR-
húsið var byggt en þá var ég 13-14
ára. Síðan hef ég helgað mig alger-
lega þessari íþrótt og ekki lagt
stund á neinar aðrar."
- Er þetta erfið íþrótt?
„Hún er það ef þú ætlar að ná
einhverjum árangri. Það þarf mik-
ið úthald og snerpu, æfingarnar
byggjast ekki eingöngu upp á því
að spila og spila."
- Hvað er keppnistímabilið
langt?
„Það hefst í lok ágúst og lýkur í
endaðan maí, frí í þrjá mánuði,
sem í raun er ekki neitt frí því á
sumrin hlaupum við úti þrisvar í
viku til að missa ekki niður úthald-
ið. í raun er því æft allan ársins
|hring.“
1 - Hversu oft í viku er æft?
„Við æfum daglega og um helgar
feru yfirleitt mót svo frídagarnir eru
jfáir. Venjulega er æft tvo tíma á
|dag og síðan bætast við landsliðsæf-
ingar, þær eru einu sinni í viku ali-
an veturinn. Þetta er fyrsta árið
sem landsliðið æfir þannig, áður
var t.d. A-landsliðið tekið fyrir á
vissu tímabili og unglingalandsliðið
á öðru en nú eru bæði á fullu sam-
tímis.“
- Hvernig er aðstaðan?
„Mjög góð, það er ekki hægt að
segja annað. Hjá TBR er hún fylli-
lega sambærileg við það sem geng-
ur og gerist erlendis, fyrir utan bad-
mintonsalinn í TBR-húsinu er þrek
æfingaherbergi í kjallaranum, svo
og gufubað. Samt er húsið eigir.-
lega orðið of lítið miðað við að-
sókn það er þéttsetið frá 8 á morgn
ana til 12 á kvöldin. Þarna ei
ekki bara keppnisfólk á ferðinni,
hinir ýmsu hópar eiga fasta tíma á
daginn, svo sem húsmæður,
blaðamenn og fleiri.“
- Æfir TBR eingöngu í TBR-
húsinu?
„Nei, við erum með tíma í
Laugardalshöllinni þrisvar í viku,
og þó lýsing og aðstaða yfirleitt sé
betri íTBR-húsinu, er nauðsynlegt
fyrir okkur að vera þar. Lýsing í
okkar húsi er miklu betri en gengur
og gerist og við höfum flaskað á því
erlendis að hafa einungis æft þar en
ekki annars staðar við annars kon-
ar birtu.“
- TBR hefur borið ægishjálm
yfir önnur félög í badmintoníþrótt-
inni hérlendis. Hvcrnig stendur á
þessu?
„Styrkur félagsins jókst gífur-
lega við byggingu TBR-hússins og
við erum sér á parti að því leyti að
við höfum heilt íþróttahús undir
eina íþróttagrein. Aður var félagið
á sífelldu hraki milli skólaíþrótta-
húsa en við tilkomu þess var hægt
að koma af stað öflugu unglinga-
starfi. Það er mikið af unglingatím-
um í húsinu og eykst alltaf. I haust
var farið inn á nýjar brautir; heilum
árgangi af börnum úr Laugarnes-
skóla var boðið að æfa í húsinu einu
sinni í viku ókeypis fram að ára-
mótum og síðan er að sjá hve mikið
af þeim skilar sér til félagsins. Þetta
er tilraun sem gaman verður að sjá
árangurinn af.“
- Hvernig er staðið að ungling-
amálum yfirleitt í þcssari íþrótt hér
á landi?
„Misjafnlega eftir félögum en ég
get bent á að það er sérstaklega
gott unglingastarf á Akranesi. 1A
er orðinn okkar erfðasti andstæð-
ingur, einkum í unglingaflokkum."
- Hvað með landsliðið, hver er
staða okkar á evrópskan mæli-
kvarða?
„Við erum greinilega á uppleið,
A-landsliðið hefur nú unnið tólf
landsleiki í röð og það kont okkur
sérstaklega á óvart að sigra Belg-
ana ytra á dögunum. Þeir voru
fyrirfram taldir sterkari en við og
eru ofar í styrkleikaflokki í Evr-
ópukeppni. ísland vann sig upp um
flokk í síðustu Evrópukeppni,
komst úr D-flokki upp í C-flokk,
og samkvæmt þeirri flokkun eru 8
til 12 þjóðir í Evrópu betri en við.
En það eru veikari lið fyrir ofan
okkur, þjóðir sem hafa tekið þátt í
keppninni lengur og haldið sér í
efstu flokkunum. Sigurinn í Belgíu
sýnir þetta ótvítætt."
- Að lokum Kristín, hve lengi
heldurðu að þú cndist til að stunda
badminton af sama krafti og þú
gerir nú?
„Vonandi get ég haldið mér á
toppnum í 2-3 ár í viðbót. Þetta
tekur allan minn frítíma, önnur
áhugamál komast ekki að meðan
maður æfir öll kvöld og spilar allar
helgar. Annars er besti aldur bad-
mintonfólksins talinn um 25 ár og
Lena Köppen er orðin þrítug en
samt á toppnum í heiminum svo
það er aldrei að vita..“
Það var ekki verjandi að tefja
Kristínu lengur frá störfum svo
blaðamaður kvaddi, tók lyftuna
niður á neðstu hæð, vafði að sér
úlpuna og hélt út í norðannepjuna.
Leit sem snöggvast upp eftir Húsi
Verslunarinnar, lét augun
staðnæmast á 7. hæð og prísaði sinn
sæla fyrir að Þjóðviljahúsið í Síðu-
múla sex skyldi ekki vera nema
tveggja hæða hátt. - VS
Uppi á sjöundu hæö í Húsi
verslunarinnar, byggingunni
nýju og risavöxnu í
Kringlumýrinni, starfar hjá
Verslunarráöi Íslandstvítug
stúlka, Kristín Magnúsdóttir.
Hún lauk stúdentsprófi frá
Verslunarskóla íslands
síðastliðið vor og vinnur sem
gjaldkeri þarna uppi með
einstakt útsýni yfir sundin blá
og borginafyriraugunum
daglega. Kristín leggurstund á
badminton og er í fremstu röð í
þeirri íþróttagrein hérlendis, hjá
félagi sínu TBR og landsliðinu.
íslenskt badmintonfólk hefur
náð athyglisverðum árangri á
erlendum vettvangi að
undanförnu og því var tilvalið
að mæla sér mót við Kristínu og
ræðavið hanaum
badmintoníþróttina sem felst í
því að slá fjaðraknippi af krafti
yfirnet ogígólfiðhjá
andstæðingnum. Blaðamaður
beið góða stund eftir lyftu, enda
var hún í stanslausri notkun
smiða og annarra fagmanna,
steig útásjöundu hæðinni, leit
isem snöggvast út og sá
leikfangabíla renna sér eftir
Kringlumýrarbrautinni langt
fyrir neðan, settist síðan niður á
vistlegri kaffistofu og dembdi
spurningum yfir Kristínu.
Kristín Magnúsdóttir
og félagar í
landsliðinu hafa
náð athyglisverðum
árangri á erlendum
vettvangi og
sigrað í síðustu
12 landsleikjum
Rætt við
Kristínu
Magnús-
dóttur
landsliðskonu
í badminton