Þjóðviljinn - 21.05.1983, Blaðsíða 28

DJÖÐVIUINN
Helgin 21. - 22. maí 1983
Aðalsími Þjóðviljans er 81333 kl. 9-20 mánudag til föstudags. Utan þess tíma er hægt að ná í blaðamenn og aðra starfsmenn blaðsíns í þessum símum: Ritstjórn Aðalsími Kvöldsími Helgarsími
81382, 81482 og 81527, umbrot 81285, Ijósmyndir 81257. Laugardaga kl. 9 -12 er hægtað ná í afgreíðslu blaðsins í síma 81663. Prentsmiðjan Prent hefur síma 81348 og eru blaðamenn þar á vakt öll kvöld. 81333 81348 81663
„Kuldinn var erfiðastur”
Viðtal við
Söndru Edith
Martinez frá
miðbaugs-
landinu
Ecuador en
hún hefur
dvalið hér
sem skipti-
nemi í vetur.
„Fyrst eftir að ég kom var þetta
ofsalega erfitt, ég var einmana í
skólanum og gat ekki gert mig
skiljanlega. Á fyrsta ballinu
sem ég fór í í Menntaskólanum
við Sund voru hins vegar allir
mjög kumpánlegir og hressir
en daginn eftir í skólanum var
allt komið í sama farið, enginn
vék sér að mér. Um jólaleytið
fór ég svo að tala íslensku og
þá breyttist allt. Ég á orðið mjög
góðavini." Þessiorðmælir
Sandra Edith Martinez f rá
Ecuador, 18 ára, en hún hefur
verið hér í vetur á heimili
hjónanna Margrétar
Tómasdótturog Guðmundar
Magnússonar verkf ræðings.
Við hittum hana þar í hádegínu
áfimmtudag og borðuðum
hádegismat með henni.
Sandra er fyrsti skiptineminn
frá 3. heiminum sem hér
dvelur. Hún talar orðið ágæta
íslensku.
Þessi broshýra og elskulega
stúlka er frá Quito, höfuöborg Ec-
uador, þessu landi sem kennt er við
miðbaug og það hljóta að hafa ver-
ið mikil viðbrigði að koma úr hitan-
um þar og alla leið hingað á hjara
veraldar. Við spyrjum hana nánar
.um það.
- Já, þetta var svolítið erfitt til
að byrja með, segir hún, en það er
allt í lagi núna.
- Hvað var erfiðast?
- Kuldinn var erfiðastur og það
að geta ekki gert sig skiljanlega.
- Hvert er hitastigið í Ecuador?
- Það er svona um 20 gráður en
borgin liggur mjög hátt, í um 3500
metra hæð yfir sjó.
- Og þér finnst fólkið dálítið kalt
hérna líka?
- Já, það er ekki eins opið við
fyrstu kynni og landar mínir en
þegar komið er inn fyrir skelina
eignast maður mjög góða vini hér
og líklega til lífstíðar.
- Eru áhugamál ungs fólks hér
svipuð og í Ecuador?
- Þau eru ekki svo mjög ólík.
Við förum á böll og í bíó eins og
hér.
- En eru ekki miklu meiri and-
stæður í Ecuador.
- Jú, stór hluti landsmanna er
mjög fátækur og svo finnst líka
mjög ríkt fólk og allt þar á milli.
Um 80% af öllum iðnaðarfyrir-
tækjum eru í eigu útlendinga, aðal-
lega Bandaríkjamanna.
- Og hvernig er stjórnarfarið?
- Við höfðum einræðisherra en
honum var steypt árið 1980 og nú
í faðmi fjölskyldunnar á Kleppsveginum. F.v. Margrét Tómasdóttir, Sandra, Guðmundur Magnússon og
Elísabet Vala. Ljósm. - Atli
fáum við að kjósa stjórnvöld. Það
er mikið um verkföll í landinu m.a.
hjá stúdentum.
- Hvernig var þínu námi háttað
áður en þú komst hingað?
- Ég lauk stúdentsprófi frá
menntaskóla í Quito í fyrra og
hyggst að lokinni dvöl hér læra raf-
magnsverkfræði.
- Er menntaskólinn sem þú
varst í svipaður MS?
- Nei, hann er allt öðru vísi. Ég
var í klausturskóla sem er eingöngú
fyrir stúlkur. Þar eru yfirleitt sér-
skólar fyrir stúlkur og drengi.
- Er trúin mjög sterkur þáttur í
þjóðlífinu?
- Já, trúin er mjög sterk.
- Ert þú sjálf trúuð?
- Já, það er ég.
- Hvernig fannst þér að vera
hérna á jólunum?
- Það er mjög svipað og heima.
Ég fór í kaþólsku kirkjuna með
Guðmundi og Margréti og svo voru
jólatré og jólagjafir eins og heima.
Það eina sem er ólíkt er snjórinn
hér.
— Snjóar aldrei í Ecuador?
-Nei, ekki nema efst í fjöllin,
kannski í 7000 metra hæð.
- Hefurðu farið á skíði hér?
- Já, aðallega á gönguskíði og
einu sinni lét ég vélsleða draga mig.
Það var ofsalega gaman.
- Ertu mikil íþróttamanneskja?
- Ég hef æft blak með íþróttafé-
lagi stúdenta og fór m.a. í keppnis-
ferð með því til Þýskalands í vetur.
- Hefurðu ferðast eitthvað
innánlands?
- Já, ég hef farið til Þingvalla,
Geysis og eitthvað um Suðurland
og svo ætla hjónin að fara með mig
hringveginn um landið í sumar. Ég
fékk líka að vera á sveitabæ um
tíma, Lækjartúni í Holtum og það
var gaman.
- Mjólkaðirðu?
- Já, já og svo fór ég aftur núna
um sauðburðinn og fékk að taka á
móti lömbum.
- Hefurðu verið í sveit í Ecu-
ador?
- Já, ég er fædd í sveit en þar
voru aðallega bananaekrur. Þar er
líka ræktað kakó og kaffi.
- Hvað gerir pabbi þinn?
- Hann er með bílasölu.
- Vissirðu eitthvað um ísland
áður en þú komst hingað?
- Nei, mjög lítið, ég vissi bara að
það var kalt hér.
- Voru ekki foreldrar þínir
hræddir við að senda þig svona á
hjara veraldar?
-Jú, þau voru dauðhrædd en
svo kom íslensk stúlka heim og þau
róuðust þegar þau sáu að hún var
venjuleg manneskja.
- En hvers vegna komstu hingað
af öllum löndum?
- Ég bað um að fá að fara sem
skiptinemi til einhvers Evrópu-
lands en þegar til kom var hvergi
pláss nema hér svo að ég sló til og
sé ekkert eftir því.
Nú skýtur Guðmundur orði inn
í:
- Já, hún bað um að fara til Evr-
ópu og lenti hingað svo að það hef-
ur kannski veri svolítið svindl en
hún hefur í staðinn lært elsta og
merkilegasta mál í Evrópu, hún
getur alltaf lært sveitamál eins og
ensku síðar. Við ætlum reyndar að
fara með hana og dóttur okkar sem
var að ljúka stúdentsprófi til
London og Parísar svo að það verð-
ur smáuppbót.
- Hvernig hefur þetta annars
gengið, Guðmundur?
- Þetta hefur verið mjög lær-
dómsríkt fyrir okkur að hafa hér á
heimilinu manneskju úr svo fjar-
lægu landi sem Ecuador er og ég
hvet fólk til að taka skiptinema inn
á heimili sín. Þetta kerfi er að mínu
áliti afar þýðingarmikið alþjóðlegt
samstarf. Dvöl Söndru hér færir
okkur fyrst og fremst heim sanninn
um að fólk er alls staðar eins. Eftir
að hún fór að bjarga sér í íslensku
hefur hún fallið mjög vel inn í fjöl-
skyldu og heimilislíf og er vinsæl
hjá bekkjarsystkinum sínum. Það
er ákaflega ánægjulegt að sjá
hvernig þetta hefur þróast. “
- Umgengstu bekkjarsystkini
þín mikið, Sandra?
- Já, þetta eru skemmtilegir
krakkar. Ég fer oft heim til þeirra
og þá er sest niður, drukkið kaffi og
talað um kennarana.
- Hvernig fórstu að því að ná svo
góðum tökum á íslenskunni?
- Ég byrjaði að læra íslensku
fyrir útlendinga í Námsflokkum
Reykjavíkur en það bar lítinn ár-
angur, var aðallega beygingarstagl.
Ég hef aðallega lært hana hér inni á
Framhald á 27. siöu.
Notaleg hlýfa
á eínu augnabliki
SUPERSER gasofnar. - Þrælöruggir og einfaldir í meðförum.
Augnabliks upphitun. 3 stillingar á hita. Vandaðir öryggisrofar.
SUPERSER gasofnar henta vel í sumarbústaðinn og annars staðar þar
sem hita þarf húsakynni á skömmum tíma.
Verðið er ótrúlega lágt. — Leitið upplýsinga.
Teg. F-14
Teg. F-110
olís
Grensásvegi 5, Sími: 84016