Þjóðviljinn - 22.04.1989, Blaðsíða 11

McPherson
í Heita
pottinum
Tveggja daga afmælishátíð
Heiti potturinn í Duus-húsi,
djassklúhbur Reykjavíkur, er
tveggja ára um þessar mundir.
Hann hóf göngu sína í mars 1987
þegar mikil ördeyða hafði verið
um tíma í framboði á lifandi
djasstónlist í höfuðborginni.
í þessi tvö ár hefur verið
leikinn djass í Heita Pottinum á
hverju sunnudagskvöldi og
stundum verið bætt inn í auka-
kvöldum. Peir tónleikar sem
haldnir hafa verið eru því komnir
vel á annað hundraðið. Á eins árs
afmælinu í fyrra kom hingað
bandaríski píanóleikarinn Kenny
Drew og hélt þrenna tónleika. Á
þeirri afmælishátíð sem nú er fram-
undari kemur fram landi hans,
saxófónleikarinn Charles
McPherson, sem nefndur hefur
verið hraðasti altóistinn í bíboppi
eftir Charlie Parker. Afmælistón-
íeikarnir verða miðvikudaginn
26. og fimmtudaginn 27. apríl, að
sjálfsögðu í Heita Pottinum. Með
McPherson spila þeir Árni Sche-
ving (víbrafón), Egill B. Hreins-
son (píanó), Tómas R. Einarsson
(kontrabassi) og Birgir Baldurs-
son (trommur).
Charles McPherson fæddist í
Joplin, Missouri árið 1939 og
verður fimmtugur á þessu ári.
Þegar hann var níu ára flutti hann
til Detroit og ólst þar upp á sjötta
áratugnum. Þar bjó þá harðsnúið
lið djassmúsíkanta, Elvin Jones,
Paul Chambers, Tommy Flanag-
an, Pepper Adams og Barry
Harris svo nokkrir séu nefndir.
McPherson fékk sinn fyrsta sax-
ófón þegar hann var tólf ára gam-
all og þremur árum síðar gerðist
sá atburður sem mestu skipti í lífi
hans - hann sá Charlie Parker
spila. Þótt McPherson nefni aðra
áhrifavalda á leik sinn einnig, er
Parker þar í 1. til 5. sæti. „Allur
tónlistariðnaðurinn hefur orðið
fyrir áhrifum frá músík Parkers.
Michael Jackson t.a.m. hvort
sem hann veit það eða ekki, Qu-
incy Jones enn frekar, hann er
gamall Parker-aðdáandi,“ sagði
McPherson nýverið í viðtali við
breska tímaritið WIRE.
19 ára gamall fór hann til fyrir-
heitnu borgarinnar, New York,
og innan skamms var hann kom-
inn í hljómsveit kontrabassa-
leikarans og tónskáldsins Ming-
usar. Með Mingusi spilaði hann
frá 1959 til 1972, þótt hlé yrði þar
stundum á. Á þessu tímabili hélt
hann einnig úti eigin sveit og lék
töluvert með bíbopppíanistanum
Barry Harris. Á síðustu tveimur
áratugum hefur hann ferðast um
sem sólisti eða komið fram með
eigin hljómsveit. Auk þess að
hafa leikið inn á nokkra tugi
platna undir eigin nafni, er hann
að finna á ótal Mingusar-plötum
og þá hljóðritaði hann einnig
með Lionel Hampton, Kenny
Drew, Art Farmer, Toshiko Aki-
yoshi omfl.
Charles McPherson
Á síðustu tveimur árum hefur
McPherson verið mjög í sviðs-
ljósinu vegna þátttöku sinnar í
kvikmyndinni um Charlie Park-
er, Bird. Þessi fræga kvikmynd
sem leikarinn Clint Eastwood
gerði, hefur verið nijög umrædd
meðal djassfólks. í henni spilar
McPherson nokkur laga Parkers
og leikur minna hlutverk.
Eitt af því sem í árdaga ■ bí-
boppsins skelfdi minni spámenn
og heillaði áheyrendur var hið
hraða spil þeirra Parkers og Gill-
espies. Þótt Charles McPherson
geti vissulega spilað ballöður af
nærfærni og innlifun þá er því
ekki að neita að honum þykir
gaman að spretta úr spori og
reynir þá nokkuð á fingralipurð
og þol meðspilara. Það gæti því
hitnað töluvert í kolunum í Heita
Pottinum á afmælistónleikunum
26. og 27. apríl. Þeir hefjast kl.
21.30 eins og aðrir tónleikar
Heita Pottsins.
Tómas R. Einarsson
tosí STRÁkuR HEÍTlR.
6l\ . ÞAB ER BANHAí)
AB STRÍBA HONDNA.
HAHN KANN EKKl AÐ
LHA, EN m'o ÆILUN\
OLl AE> HjAlPA HONUM
AE) ÍMA Aí> LESA %
SS\U&. t>AÐ SEM HANN
-T"
Laugardagur 22. apríl 1989 NÝTT HELGARBLAÐ - SÍÐA 11