Þjóðviljinn - 04.05.1990, Blaðsíða 6

Káin þrjú, komminn, konan og kratinn. Þorvarður Hjaltason kemurfrá Alþýðubandalagi, Sigríður Jensdóttir frá Kvennalista og Steingrímur Ingvarsson frá Alþýðuflokki. Þau hafa
starfaö saman sem einn maður á þessu kjörtímabili og bjóða nú sameiginlega fram. Myndir gg.
Sameiningin verður að
gerast neðan frá
Samstarf ýmissa flokka í komandi kosningum hefur tekist óvenju
víða að þessu sinni, jafnvel svo að menn eru farnir að spá því að um sé
að ræða aðdraganda einhvers konar sameinaðs jafnaðarmanna- eða
félgshyggjuflokks. Félagshyggjumenn á Selfossi voru á meðal þeirra
fyrstu sem hófu viðræður um sameiginlegt framboð og nú hefur K-
listinn, listi Alþýðubandalags, Alþýðuflokks og Kvennalista, litið dags-
ins Ijós.
Þjóðviljinn fékk þrjá efstu menn á K-listanum, Sigríði Jensdóttur,
Steingrím Ingvarsson og Þorvarð Hjaltason til þess að ræða aðdrag-
andasamvinnunnar, hugsanlegarorsakirog afleiðingar. Fyrstvar
spurt hvers vegna unnið'er saman nú, hvort aðstæður nú séu aðrar en
voru fyrir fjórum árum. Sigríður varð fyrst fyrir svörum.
Kvennalistinn bauð í fyrsta
skipti fram síðast svo nú er staðan
önnur. Nú höfum við reynsluna
af einu kjörtímabili. En niður-
staða kosninganna hér á Selfossi
síðast varð sú að Alþýðubanda-
lag, Kvennalisti og Alþýðuflokk-
ur fengu einn fulltrúa hver, en
Sjálfstæðisflokkur og Framsókn-
arflokkur þrjá hvor, svo við kom-
um okkur saman um að vinna
saman sem ein heild.
Samstarfið hefur gengið mjög
vel og í haust var farið að ræða að
bjóða sameiginlega fram. Þeir
tveir tóku sig saman og buðu okk-
ur Kvennalistakonum að vera
með og við athuguðum þennan
möguleika vandlega.
Það verður að segjast eins og er
að þótt margir styðji okkur eru
ekki eins margir starfandi með
okkur, svo bæjarmálastarfið lenti
á fáum höndum. Niðurstaðan
varð því sú að þar sem samstarfið
hafði gengið vel ákváðum við að
bjóða fram sameiginlega.“
Hefð fyrir
samstöðu
A-flokka
Þorvarður, þið Alþvðubanda-
lagsmenn eigið frumkvæðið að
þessu. Á þetta rœtur að rekja til
ástandsins í landsmálum?
Þorvarður: Nei, raunverulega
ekki. Til viðbótar því sem Sig-
ríður hefur sagt má nefna að við
þessir þrír flokkar fengum 45
prósent atkvæða í síðustu kosn-
ingum og þar sem ljóst var að
málefnaleg samstaða var fyrir
hendi og gott samstarf var engin
skynsemi í öðru en að bjóða fram
sameiginlega.
Steingrímur: Ég vil benda á í
þessu sambandi að í raun hefur
verið mjög gott samstarf milli A-
flokkanna hér á Selfossi síðan
1978.
Ríkisstjórnarsamstarf eða til-
mæli flokksformanna hafa kann-
ski lítið að segja í þessu sam-
bandi?
Steingrímur: Já þetta er eldra
og djúpstæðara en svo. A þessu
kjörtímabili hefur bæjarstjórn
skipst í þrjá hópa og það er eng-
inn vafi á því að við höfum verið
lang samstæðasti hópurinn af
þessum þremur.
Þorvarður: Samheldnin hefur
verið miklu meiri hjá okkur en
hjá nokkrum hinna. Það er al-
mennt viðurkennt.
Sérstaða
Kvennalistans
Þið hafið náð málefnasam-
stöðu segið þið. Hvað verður um
sérstöðu Kvennalistans í þessu
málefnasamstarfi?
Sigríður: Hún verður náttúr-
lega ekki sú sama og ef við hefð-
um boðið fram sér. En ég get ekki
séð að ég muni starfa á öðrum
forsendum í þessu samstarfi en
ella. Ég er enn kona og mun
starfa áfram eins og ég hef gert.
Þorvarður og Steingrímur eru
mjög mjúkir karlmenn og mjög
þægilegir í samstarfi. Ég kvíði því
engu, enda hefur enginn málefn-
aágreiningur komið upp.
Á þetta samstarf einhverja
framtíð fyrir sér umfram næstu
fjögur ár?
Steingrímur: Það vitum við
ekkert um, þetta er bara miðað
við næstu fjögur ár.
Sigríður: Við hljótum að end-
urskoða það eftir þetta kjörtíma-
bil.
Steingrímur: Svo kemur nú
nýtt fólk, maður fer að eldast í
þessu. Þetta byggist mikið á því
að við þrjú höfum náð að vinna
vel saman.
Sameinuð stönd-
um vér
En nú eruð þið ekki ein um að
gera þetta, þetta er að gerast víða
um land. Haldið þið að þetta sam-
krull eigi eftir að hafa veruleg
áhrif á flokkakerfið?
Steingrímur: Ég skal ekkert
um það segja. Maður veit ekkert
hvað kemur út úr þessari gerjun
sem er í Reykjavík og víðar. Ég
tek það fram að ég er persónu-
lega mjög hlynntur uppstokkun á
flokkakerfinu, að það myndist
stór jafnaðarmannaflokkur.
Þorvarður: Eða stór félags-
hyggjuflokkur. Ég vona það eins
og Steingrímur að áframhaldið
verði að menn fari að átta sig á því
að það er betra að félagshyggju-
fólk stand sameinað heldur en í
mörgum flokkum eða jafnvel
flokksbrotum.
Hugsanleg áhrif þessara sam-
eiginlegu framboða eiga eftir að
ráðast af útkomu þeirra í kosn-
ingum. Ef árangur verður góður
þar sem fólk er að þjappa sér
saman munu menn að sjálfsögðu
draga ályktanir af því. Ef útkom-
an verður góð er ekki ólíklegt að
það verði rætt fyrir næstu þing-
kosningar hvort ekki er rétt að
halda hópinn.
En ég geri mér grein fyrir því
að það verður margt erfiðara í
landsmálum en í sveitarstjórn-
armálum, því þar eru ágreinings-
efnin meiri. En ég hef alla tíð ver-
ið þeirrar skoðunar að aukin
samvinna eða hugsanleg samein-
ing til dæmis A-flokkanna eigi að
gerast eins og hér hjá okkur, ekki
á toppnum.
Ágreiningur
í landsmálum
Þið gefið lítið út á hugleiðingar
um áhríf þessa samstarfs í
sveitarstjórnum á landsmálin.
Þingkosningar verða ekki síðar en
að ári...
Steingrímur: Eftir ár, já. Ég
held þetta taki meiri tíma. Ef
eitthvað í þessum dúr á að gerast í
þingkosningum að ári verða hlut-
irnir að gerast nokkuð hratt. En
að þessu þarf eigi að síður að
stefna og þróunin á að hefjast í
sveitarstjórnum eins og Þorvarð-
ur bendir á.
Enerþaðekki líka rétt sem Þor-
varður bendir á, að ágreiningur-
inn er miklu meiri í landsmálum
en mörgum virðist, t.d. milli A-
flokkanna?
Steingrímur: Jú, að minnsta
kosti er hluti Alþýðubandalags-
ins ósammála Alþýðuflokknum í
mörgu, en ég er ekki viss um að
það eigi við alla, til dæmis ekki
við formann Alþýðubandalags-
ins.
Sá ágreiningur þessara flokka
sem hefur komið einna skýrast
fram er ágreiningur í utanríkis-
málum. En heimsmyndin er að
gjörbreytast og einmitt þannig að
ágreiningur í utanríkismálum er
að falla út úr myndinni. Eru ekki
viðhorf til stjóriðju líka mikið að
falla saman?
Það á eftir að reyna á það.
Steingrímur: Já, en þetta er að
ganga saman.
6 SÍÐA-NÝTT HELGARBLAÐ Föstudagur 4. maí 1990