Dagblaðið Vísir - DV - 10.10.1995, Side 10

10
ÞRIÐJUDAGUR 10. OKTÓBER 1995
Spurningin
Hvern viltu fá sem næsta
forseta íslands?
Jóakim Snæbjörnsson, atvinnu-
laus: Guðrúnu Agnarsdóttur. Hún
er ágætis kona.
Inga Björg Stefánsdóttir nemi:
Pálma prest. Hann væri örugglega
finn.
Jón Gunnarsson: Eg er ekkert far-
inn að spá í það.
Karlotta Einarsdóttir, 11 ára: Jón
Baldvin. Hann er ágætur.
Gróa Björg Gunnarsdóttir, 11
ára: Alla vega ekki Jón Baldvin eða
Davíð. Ég myndi kjósa Salóme.
Gísli Magnússon vélsmiður: Ég
vil hafa áfram kvenmann, helst fall-
egan.
Lesendur
Heimaslátrun:
Til hagsbóta
fyrir neytendur
Með aðstoð Samtaka iðnaðarins; frá frostþurrkuðum lambaskrokkunum til
nýslátrunar hjá bændum sjálfum.
Sigurður Gíslason skrifar:
Samtök iðnaðarins hafa nú lagt
lykkju á leið sina til að bjarga slát-
urhúsunum í landinu, dreifingarað-
ilum og öðrum milliliðum við
lambakjötssölu í landinu. En full-
yrða má að þessir milliliðir eru
skæðustu óvinir neytenda þegar
kemur að kjötsölumálum.
Samtök iðnaðarins vilja skera
upp herör gegn heimaslátrun
bænda. Þau ætla líklega að það sé
heitasta ósk neytenda að kaupa
lambakjötið við okurverði úr versl-
unum í stað möguleikanna á að
kaupa það beint af bændum sem
farga fé sínu á viðurkenndan hátt og
fá kjötiðnaðarmenn á heimavöll til
að ganga frá kjötinu í söluhæfum
umbúðum til kaupenda.
Sannleikurinn um hið dýra ís-
lenska lambakjöt, sem er mjög eftir-
sótt sé það á viðráðanlegu verði, hef-
ur opinberast neytendum. Þeir hafa
komist að raun um að hinir fjöl-
mörgu milliliðir, sem eru þá líklega
innan vébanda Samtaka iðnaðarins,
svo óeðlilegt sem það þá væri, eru
helsti þröskuldurinn í sölu á lamba-
kjöti. Það er þess vegna sem kaup-
endur hafa knúið á um að bændur
sjái sjálfir um slátrun og meðhöndl-
un á bústofni sínum sem boðinn er
til sölu á margfalt hagstæðara verði
en verslanir gera.
í stöðunni í dag er enginn mögu-
leiki á að stöðva þá þróun sem hér
er rædd, hversu mjög sem Samtök
iðnaðarins hóta bændum og neyt-
endum. Hér er um að ræða aðferð
sem er viðurkennd í flestum lönd-
um Evrópu. Þar eru bændur sjálfir
ábyrgir fyrir gæðum og ástandi
sinnar framleiðslu. í Frakklandi,
helsta sælkeralandi Evrópu, eru af-
urðir bænda merktar hverju búi,
ásamt slátur- óg pökkunardegi.
Þróun í þessa átt verður ekki
stöðvuð á íslandi fremur en annars
staðar þar sem búvörur eru seldar
ferskar en ekki gaddfreðnar eða
frostþurrkaðar eftir mánaða-
geymslu í frystiklefum með áfölln-
um „geymslukostnaði" og álagningu
ýmissa milliliða. Samtök iðnaðarins
ættu frekar að bjóða bændum að-
stoð við áframhaldandi þróun í
slátrun, verkun og frágangi kjötvara
á heimavelli tilbúnum til sölu. Sú
samvinna myndi mæta skilningi
neytenda og lækka um leið útgjöld
þeirra til kaupa á frábærum íslensk-
um búvörum.
Tíminn snuprar samstarfsflokkinn
Jón Þórðarson skrifar:
Kannski er ég bara orðinn svona
viðkvæmur fyrir þjóðlífinu í öllum
erli þess og streitu (en ég fylgist tals-
vert með því sem gerist, einkum í
stjórnmálum og atvinnumálum) að
ég er farinn að sjá drauga í hverju
horni. En með því að lesa leiðara
blaðanna og greinaskrif um þjóðmál
má segja nokkuð til um veðrabrigði
í íslenskum stjórnmálum og tóninn
hjá hinum almenna borgara.
í dagblaðinu Tímanum hafa verið
nú í tvígang, tvo daga í röð, þ.e. sl.
fimmtudag og föstudag, leiðarar
sem glögglega bera þess merki að
einhver þar á bæ er ekki yfir sig
hrifinn að deila völdunum með sjálf-
stæðismönnum í ríkisstjórn. Raun-
ar sá ég ekki betur en þar væri ver-
ið að snupra samstarfsflokk Fram-
sóknar í ríkisstjórninni.
I leiðaranum hinum fyrri var ver-
ið að ræða ríkisfjármál og yfirlýst
markmið um að minnka hallann á
þeim um helming á næsta ári og ná
svo jafnvægi á því þar næsta. —
Þetta er ekki lítið verk og stjórnar-
flokkarnir taka pólitíska áhættu
með því að lýsa þessu yfir, sagði
leiðarahöfundur Tímans. Og bætti
svo við: ... ekki síst í ljósi þeirrar
snautlegu niðurstöðu sem varð í
ríkisfjármálum hjá síðustu rikis-
stjórn sem þó hafði uppi fogur fyrir-
heit. — Þarna er auðvitað ekki ráð-
ist á neinn annan en núverandi for-
sætisráðherra og fjármálaráöherra,
sem voru báðir í síðustu ríkisstjórn
og þeirri núverandi og í sömu emb-
ættum nú.
I leiöara Tímans daginn eftir bæt-
ir leiðarahöfundur um betur og seg-
ir málflutning forsætisráðherra út í
hött þegar hann ræddi mismunun
þjóðarsáttarstéttanna, eins og það
var orðað. Halldór Ásgrímsson hafi
hins vegar komið að kjarna málsins
í sinni ræðu. - Svona nokkuð, á síð-
um blaðs annars stjórnarflokksins
(en Tíminn hefur ávallt verið talið
flokksblað Framsóknarflokksins),
lýsir óánægju og eru snuprur í garð
samstarfsflokksins í ríkisstjórn. —
Hvað skyldi nú vera í uppsiglingu?
Zontasystur í sund í Arbænum
Margrét Magnúsdóttir skrifar:
Manni þykir nú skörin vera farin
að færast upp í bekkinn og á skjön
hjá borgaryfirvöldum þegar þau
leyfa sér að loka á almenna borgara
sem eiga að njóta aðgangs að opin-
berum sundstöðum. Ég á við atburð-'
inn þegar Zontasystur (var reyndar
sagt í fréttum að þar færu framá-
konur í viðskiptalífinu) leigðu sund-
laugina í Árbæ til einkanota. Ég hef
ekki enn heyrt um að aðrar sund-
laugar borgarinnar væru til leigu
fyrir sérhagsmunahópa á viðskipta-
sviðinu. Jafnvel ekki til góðgerðar-
mála.
Ég hélt að sú borgarstjórn sem nú
ræður ríkjum í borginni væri
hlynntari hinni félagslegu þjónustu
en svo að hún léti viðgangast að
loka helstu afþreyingarmiðstöð
heils bæjarhverfis eins og sundlaug-
inni í Árbænum. Mér finnst að
borgarfulltrúi sá sem fer með mál
íþrótta og útivistar borgarinnar ætti
að biðjast afsökunar á þessum mis-
tökum. En mistök eru þetta, vægt til
orða tekið.
Sundlaugin í Árbæjarhverfi. - Vildu Zontasystur vera einar um hituna?
Orð í tíma töluð
Gyða Guðmundsdóttir skrifar:
Ég er mjög sammála leiðara
DV 2. október sl. þar sem segir
að ætla mætti að Þjóðvaki nyti
þess að harðar skoðanir fólks
fari saman við afstöðu flokksins
í atkvæðagreiðslu á Alþingi um
ósvífna lagasetningu um launa-
kjör þingmanna. En það var al-
deilis ekki því aö eini flokkurinn
sem tekur undir með fólkinu,
Þjóðvaki, missir mikið fylgi í
skoðanakönnunum á meðan
stuðningur við stjómmálaflokka,
sem stóðu að þessum illræmda
verknaði, eykst. Er ekki kominn
timi til að þjóðin veiti gömlu
flokkunum, málssvörum há-
launafólksins, meira aðhald?
Greinilega er dómgreind fólks,
sem svarar í skoöanakönnunum,
ekki treystandi.
Bókmennta-
verðlaunum
frestað
Halldór Sigurðsson skrifar:
Er bókmenntaþjóðin að úr-
kynjast?
Ég las frétt um aö bókaútgáfan
Vaka-Helgafell hefði ákveðið að
hætta við veitingu bókmennta-
verðlauna Halldórs Laxness í ár!
En til verðlaunanna var stofnað
i samráði við fjölskyldu skálds-
ins. Er hér um að ræða nokkur
hundruð þúsund krónur. Ekkert
af þeim tugum handrita, sem
skilað var inn, verðskuldaöi
verðlaun að mati dómnefndar!
En hver veit hvaöa hljóð verður
í strokknum hjá Vöku-Helgafelli
á næsta ári eða fjölskyldu
nóbelskáldsins, sem er samráðs-
aðili að bókmenntaverðlaunun-
um?
Góður „Al-
mannarómur"
Ragnar skrifar:
Ég þakka Stöð 2- og Stefáni
Jóni Hafstein fyrir prýðilegan og
fróðlegan „Almannaróm" sl.
fimmtudag. Stefán Jón er orðinn
einn besti ef ekki besti þátta-
stjórnandi sjónvarpsstöðvanna.
Skýr, röggsamur, greindur og
kemur vel fyrir sig orði. Fróðlegt
var að sjá og heyra hvernig fólk
svaraði spurningunni um hvort
það vildi meira afgerandi forseta
I embætti hér en tíðkast hefur. í
sjónvarpssal svöruðu flestir nei
en meirihluti áhorfenda heima
sögðu já. Hvað táknar þetta? Hér
er bara íslenska heimóttin upp-
máluð. í margmenni i sjónvarps-
sal vill enginn fara út af „spor-
inu“, láta það vitnast að hann
vilji breytingu. Heima eru menn
frjálsir, líkt og í kjörklefanum.
Enginn lítur yfir öxlina.
Tilmæli um
sálmakennslu
J.H. hringdi:
Ég vildi eindregið koma þeim
tilmælum á framfæri við biskup
Islands að hann hvetti presta til
að hefja sálmana til meiri vegs
og virðingar en nú er raunin.
Ein leiðin væri sú að kenna
fermingarbörnum a.m.k. algeng-
ustu sálmana sem hér hafa verið
notaðir við guðsþjónustur. Þeir
eru flestir fallegir og vel ortir. í
æsku læröi ég flesta sálmana og
lögin við þá. Þeir eru nú mestu
uppáhaldsminningar mínar.
Ekki koma allir dagar í böggli og
fyrr eða síðar á lífsleiðinni verð-
ur manni þessi lærdómur afar
kær. Þetta er mín reynsla og
margra annarra sem ég þekki.
Tilboð í
kindaslátrun
Gunnar hringdi:
Ég skora á bændur að bindast
samtökum um að láta sláturhús-
in gera sér tilboð um slátrun
kinda sinna og sjá hvort þeir
geta ekki komist að hagstæðari
samningum en gerast í dag. Og
öllum til hagsbóta.