Dagblaðið Vísir - DV - 02.03.1996, Blaðsíða 16

ivwwvvwvvvw
16
3 daga tilboð
á barnaskóm
Dæmi
Verð áður 2.790
NÚ 1.490
St. 24-34
Telpnaskór
Litur: svartur
St. 25-34
Verð áður 2.990
NÚ 1.490
Allir inniskór á kr. 500
og restin af Tomy
Moonboots á kr. 990
smáskór
í bláu húsi við Fákafen
Sími 568 - 3919
Þúsundir
íslenskra póstkorta: Kaupstaöir, kirkjur, sveitabæir,
fólk, ár, fossar, brýr, vísnakort, jólakort ofl. Tilvalið
fyrir byggða- og átthagasöfn.
Kaupum eiitnig gömul póstkort
Hjá Magna
Laugavegi 15 • Sími 552 3011 • Fax 551 3011
(jULLHAMRAR er nýr og glæsilegur 150—250 manna
veislusalur í Húsi iðnaðarins. Hann hentar því vel
fyrir veglegar veislur eins og brúðkaupsveislur.
Hafið samband, skoðið salinn og matseðla með
tillögum að spennandi veitingum á hagstæðu verði.
Enn eru nokkrir laugardagar lausir í sumar.
GULLHAMRAR
veislusalur
í Húsi iðnaðarins • Hallveigarstíg 1 • Sími 552 4747 • Fax 552 4775
I beinu sambandi
allan sólarhringinn
•© 903 « 5670 »•
Aöeins 25 kr. mínútan. Sama verö fyrir alla landsmenn.
Skáklegt uppeldi systranna hefur tekið mið af því að þær tefldu á jafnréttisgrundvelli og létu hefðbundin kvennamót
ekki glepja sig af leið.
Bikarkeppni Norður-
landa hefst í dag
- Zsuzsa Polgar varð heimsmeistari kvenna
Sautjánda Reykjavíkurskákmótið hefst í dag í hús-
næði Taflfélags Reykjavíkur í Faxafeni 12. Mótið verður
jafnframt fyrsta bikarmót Norðurlánda í röð fimm sem
haldin verða á Norðurlöndunum. Góður árangur á
þremur úrtökumótum veitir keppnis-
rétt í lokamóti með myndarlegum
verðlaunapotti. Keppnin er haldin að
frumkvæði Skáksambands Norður-
landa en Visa International er aðal-
styrktaraðili mótanna.
Skákmenn hafa löngum deilt á nor-
ræna skákforystumenn fyrir að sinna lítt skákgyðjunni
og fækka tækifærum til taflmennsku fremur en fjölga.
Með bikarkeppninni, sem nú fer af stað, verður hér
ánægjuleg breyting á, sem skákmenn á Norðurlöndun-
um hljóta að fagna mjög. Einar S. Einarsson er forseti
norræna svæðisins og á mestan heiðurinn af þessari ný-
breytni. Hugmyndin er þó ekki ný af nálinni - einn
helsti hvatamaður keppninnar lengst af var norski
skákfrömuðurinn Arnold Eikrem, sem nú er nýlátinn.'
Úrtökumótin verða fimm eins og áður segir. Fyrsta
mótið verður hluti af Reykjavíkurskákmótinu; síðan
verður teflt 24. júní - 5. júlí í Kaupmannahöfn en vand-
að verður sérstaklega til þess umfram venju; þá verður
teflt í Gausdal í Noregi í ágúst, í Svíþjóð í lok árs og loks
í Finnlandi eða Færeyjum snemma á næsta ári. Vonir
standa til að úrslitakeppnin, þar sem 14 hlutskörpustu
skákmeistararnir úr úrtökumótunum leiða saman hesta
sína, verði haldin í Reykjavík haustið 1997.
Tefldar verða níu umferðir á mótinu í Faxafeni á jafn
mörgum dögum. Von er á um þrjátíu erlendum meist-
urum og heimavarnarliðið verður trúlega eitthvað fjöl-
mennara. Alls hafa 65 skákmeistarar boðað þátttöku
sína. Þar af eru sautján stórmeistarar sem eru þessir í
Elo-stigaröð:
1. Predrag Nikolic (Bosníu) 2645 stig.
2. Curt Hansen (Danmörku) 2615 stig.
3. Boris Gulko (Bandaríkjunum) 2615 stig.
4. Eduard Rozentalis (Litháen) 2605 stig.
5. Simen Agdestein (Noregi) 2585 stig.
6. Margeir Pétursson, 2585 stig.
7. Jóhann Hjartarson, 2570 stig.
8. Stuart Conquest (Englandi) 2540 stig.
9. Hannes Hlífar Stefánsson, 2540 stig.
10. Paul van der Sterren (Hollandi) 2535 stig.
11. Jonny Hector (Svíþjóð) 2525 stig.
12. Einar Gausel (Noregi) 2515 stig.
13. Jonathan Tisdall (Noregi) 2510 stig.
14. Rune Djurhuus (Noregi) 2505 stig.
15. Helgi Ólafsson, 2485 stig.
16. David Bronstein (Rússlandi) 2455 stig.
17. Helgi Áss Grétarsson, 2450 stig.
Ekki kæmi á óvart þótt einhverjum þeirra mörgu
ungu og efnilegu íslensku skákmanna sem taka þátt í
mótinu tækist að krækja sér í áfanga að alþjóðlegum
meistaratitli. Þá verður ekki síður fylgst með Þresti
Þórhallssyni, sem skortir enn nokkur
stig upp á að uppfylla skilyrði þess að
verða útnefndur stórmeistari.
Það er athyglisvert að ef Litháinn
Eduard Rozentalis er undanskilinn
eru erlendu stórmeistararnir allir
gamlir kúnníngjar íslenskra skák-
unnennda. Sumir hafa verið hér tíðir gestir og kæmu
eflaust oftar ef þeir fengju tækifæri til. Þeir eiga það
sammerkt að hafa hrifist af landi og þjóð og ríkri skák-
hefð á íslandi.
Taflið hefst kl. 17 alla daga, einnig um helgar. Síðasta
umferðin hefst þó kl. 13 sunnudaginn 10. mars. Tíma-
mörk eru eftir ijögurra klukkustunda taflmennsku (40
leiki) og aftur eftir tvo tíma til viðbótar (60 leiki). Kapp-
arnir fá síðan 30 mínútur á mann til að ljúka skákinni.
Zsuzsa Polgar
heimsmeistari
Ungverska skákdrottningin Zsuzsa Polgar - elsta
Polgar-systirin - gerði sér lítið fyrir og lagði heims-
meistara kvenna, kínversku stúlkuna Xie Jun, að velli í
heimsmeistaraeinvígi þeirra á Spáni fyrir skemmstu.
Zsuzsa er þar með orðin heimsmeistari kvenna í skák,
26 ára gömul.
Þetta er enn ein skrautfjöðrin á ferli Polgar-systra en
fyrir nokkrum árum varð stefnubreyting hjá fjölskyld-
unni. Skáklegt uppeldi systranna hefur tekið mið af því
að þær tefldu á jafnréttisgrundvelli og létu hefðbundin
kvennamót ekki glepja sig af leið. Loks þegar þær tefla
við kynsystur sínar lætur árangurinn ekki á sér standa.
Yngsta systirin, Judit, er talsvert stigahærri en ný-
krýndur heimsmeistarinn, enda í 10. sæti á heimslistan-
um. Hver veit nema hún helli sér einnig út í kvenna-
baráttuna og að því komi að þær systur báðar tefli um
heimsmeistaratitilinn í setustofunni í Búdapest?
Leikar fóru svo að Zsuzsa hlaut 8,5 vinninga en Xie
Jun 4,5. Kínverska stúlkan' vann fyrstu skákina og síð-
an ekki söguna meir, þar til í 12. skákinni þegar úrslit-
in voru svo gott sem ráðin.
Skoðum 7. skákina, þar sem Zsuzsa réð léttilega fram
úr skemmtilegum taktískum flækjum.
Hvítt: Zsuzsa Polgar
Svart: Xie Jun
Skoskur leikur.
1. e4 e5 2. Rf3 Rc6 3. d4 exd4 4. Rxd4 Bc5 5. Rxc6
Umsjón
Jón L. Árnason