Dagblaðið Vísir - DV - 21.06.1996, Blaðsíða 2
2
FÖSTUDAGUR 21. JÚNÍ 1996
Fréttir__________________________________________________________________________________pv
Öldrunarheimili óstarfhæft vegna deilu um skilgreiningar:
Heilabilaðir sitja heima
meðan stjórarnir rífast
- þetta er heilbrigðisþjónusta en ekki félagsmál, segja hjúkrunarfræðingar
„Gömlu konunni var boöið aö
skoða aðstæður í lok maí. Síðan hef-
ur ekkert gerst og heimilið er enn
lokað og það eina sem við fáum eru
afsakanir. Síðast var sagt að ekki
væri búið að kaupa í matinn," segir
aðstandandi gamallar konu sem
fengið hefur loforð fyrir vist á nýju
öldrunarheimili á vegum Reykja-
víkurborgar.
Um er að ræða dagvist fyrir heila-
bilaða að Lindargötu 59. Ekki hefur
tekist að opna deildina í vor vegna
þess að Félagsmálastofnun borgar-
innar og Félag íslenskra hjúkrunar-
fræðinga greinir á um hvort það
flokkast undir félagslega þjónustu
eða heilbrigðismál. Um 20 vistmenn
geta fengið inni á deildinni.
Ef heimilið fellur undir heilbrigð-
isþjónustu þarf m.a. að ráða að því
hjúkrunarforstjóra. Þess þarf ekki
ef um félagslega þjónustu er að
ræða. Ekki er hins vegar deilt um
hvaða þjónustu á að veita en veru-
legur munur er á rekstrarkostnaði
eftir því hvemig starfsemin er skil-
greind. Af hálfu borgarinnar hefur
verið ákveðið láta heimilið heyra
undir Félagsmálastofnun. Því vilja
hjúkrunarfræðingar ekki una.
„Gamla konan er heilabiluð og
ósjálfbjarga. Hún trúði þvi fyrst eft-
ir heimsóknina í vor að hún ætti að
fara á nýja heimilið en svo liðu da-
garnir án þess að nokkuð gerðist.
Nú er hún búin að gleyma öllu og
situr ein heima í íbúð sinni í reiði-
leysi,“ segir aðstandandi umræddr-
ar konu.
„Okkur finnst þetta mikið órétt-
læti gagnvart gömlu konunni og það
veldur okkur líka miklum vandræð-
um. Hún getur ekki séð um sig sjálf
og á hvergi inni. Nýja deildin tekur
20 vistmenn en starfsfólkið situr
bara þar og prjónar eða leggur kap-
al vegna þess að forstöðumaðurinn
á í launadeilu og vill ekki hefja
starfsemina," segir áðumefndur að-
standandi.
Hjá Félagsmálastofnun fengust
þær upplýsingar að loforð lægi fyrir
um að deildin yrði opnuð í dag,
fóstudag. Öll leyfi væru fyrir hendi,
sem og aðstaðan og því ekkert ann-
að að gera en að byrja að taka á
móti sjúklingum.
„Ef borgin opnar deildina á morg-
un þá brýtur hún lög. Þetta er heil-
brigðisstofnun og það höfum við
staðfest frá heilbrigðisráðuneytinu.
Rekstrarleyfið er fyrir heilbrigðis-
stofnun og borgin fær fjármagn í
samræmi við það.
Borgin rekur láglaunastefnu og
vill sjálfsagt spara sér þarna pen-
inga. Hjúkrunarfræðingar munu
ekki standa í vegi fyrir því að opn-
að verði en við krefjumst þess að
skilyrði laga verði uppfyllt," segir
Ásta Möller, formaður Félags ís-
lenskra hjúkrunarfræðinga.
-GK
Fjölmennt starfslið notaði óspart öflugt Ijósa- og hljóðkerfi til að búa til
stemningu áður en David Bowie var baðaður Ijósum og andrúmsloftið var
rafmagnað þegar hann hóf sönginn. DV-mynd ÞÖK
Tónleikar Bowies í höllinni:
Rúmlega 5500
aðdáendur
fylltu höllina
Rúmlega 5500 aðdáendur rokk-
stjörnunnar David Bowie fylltu
Laugardalshöllina í gærkvöldi og
voru vel með á nótunum á rúmlega
tveggja klukkustunda löngum tón-
leikum hans. íslenska hljómsveitin
Lhooq hitaði upp fyrir stórstjörn-
una frá klukkan 20.00, en Bowie,
sem auglýst hafði komu sína klukk-
an 21.00 á svið, lét bíða eftir sér í
tæpar 10 mínútur til þess að magna
upp stemninguna.
Óhætt er að segja að það hafi tek-
ist. Fjölmennt starfslið notaði
óspart öflugt ljósa- og hljóðkerfi til
að búa til stemningu áður en goöið
var baðað ljósum og andrúmsloftið
var rafmagnað þegar hann hóf söng-
inn. Þrátt fyrir aö stemningin hefði
verið góð meðal gestanna, bar lítið á
ölvun og öðrum vímugjöfum og
áhorfendur voru í alla staði til fyrir-
myndar. Þeir sem keyptu sig inn á
tónleikana voru á ölium aldri og
greinilegt að Bowie höfðar ekki síð-
ur til ungs fólks en þeirra sem voru
að öðlast tónlistarvitund á áttunda
áratugnum. Bowie hélt af landi
brott í morgun til tónleikahalds i
Þýskalandi. -ÍS
Björk með tónleika á listahátíð í kvöld:
Hissa en ánægð að fólk nenni að hlusta á mig
- er ekki að reyna að geðjast öðrum en sjálfri mér, segir Björk
„Ég mun aðallega fiytja lög af
plötunum Debut og Post. En þar
sem ég er með nýja hljómsveit þá
verða útsetningamar töluvert öðru-
vísi. Mér hefur alltaf fundist það
dapurlegt að vera með „live“ tón-
leika og vera að herma eftir plötum
og öfugt. Það er alltaf spennandi
með tónleika aö maður veit aldrei
hvað gerist nákvæmlega þvi engir
tónleikar eru eins,“ sagði Björk
Guðmundsdóttir söngkona á blaða-
mannafundi í gær, en hún mun
halda tónleika á Listahátíð í Reykja-
vík í kvöld. Tvö ár eru liðin síðan
Björk hélt síðast stórtónleika á ís-
landi.
„Mér líst annars ágætlega á tón-
leikana og mun auðvitað gera mitt
besta til að skemmta áhorfendum.
Ég ætla að sjálfsögðu að syngja á ís-
lensku. Lögin eru samin á íslensku
og það væri kjánalegt að syngja á
ensku fyrir íslendinga. Ég er eigin-
lega hissa en mjög ánægð að fólk
skuli nenna að hlusta á mig enn þá.
Ég er ekki að reyna að geðjast öðr-
um en sjálfri mér og hef alltaf reynt
að standa mig fyrir mig sjálfa og
engan annan. Mér finnst auðveldara
að koma til íslands nú en þegar ég
kom um síðustu jól. Þá gekk ég nið-
ur Laugaveginn og fólk var hrein-
lega geðveikt en nú er allt miklu ró-
legra og ágangur fólks ekki eins
mikill," sagði Björk en hún hefur
heldur betur fengið nýtt útlit þar
sem svarta hárið er farið og ljósir
lokkar kómnir í staðinn.
Á tónleikunum. í kvöld mun
breska hljómsveitin Plaid ríða á
vaðið en hún er skipuð fyrrum
hljómsveitarmeðlimum Black Dog.
Björk mun síðan koma fram og á
eftir henni kemur Goldie, unnusti
Bjarkar, fram ásamt hljómsveit
sinni. Þess má geta að Björk kom til
íslands í gærmorgun beint af tón-
leikum í San Francisco sem voru
styrktartónleikar fyrir sjálfstæðis-
haráttu Tibetbúa. -RR
Björk á blaðamannafundi í gær.
Þú getur svaraö þessari spurningu
með því aö hringja í síma 904 1996.
39,90 kr. mínútan
1 Ástþór Magnússon
2 Gubrún Agnarsdóttir
3 Ólafur Ragnar Grímsson 4
4 Pétur Hafstein
904 1996
Hvaða frambjóðanda vilt þú
sem forseta íslands?
Þetta er dagleg atkvæöagreiösla en ekki skoðanakönnun
Gott árferði
í sjónum
Niðurstöður úr vorleiðangri
Hafrannsóknastofnunar um ís-
landsmið sýna að yfirleitt er gott
árferði í sjónum umhverfis land-
ið og miklu betrá en var vorið
1995 sem var hið kaldasta sem
sögur fara af.
Helstu niðurstöður eru þær að
hitastig sjávar og seltmnagn er
víðast hvar í meðallagi. Gróður
var þegar á heildina er litið litill
allt umhverfis landið nema þá
helst djúpt út af Vesturlandi og
Norðvesturlandi. Gróðurfarið
sýnir að vorkoman hefur verið
fyrr á ferðinni en venjulega.
Átumagn í sjónum reyndist
um eða yfir meðallagi alls staðar
við landið nema út af Suðurlandi
og að venju var það mest i kalda
sjónum djúptnorðaustur af land-
inu. -SÁ
Stuttar fréttir
Básafell kaupir Rit
Rækjuverksmiðjan Básafell á
ísafirði hefur gert tilboð í öll
hlutabréf rækjuverksmiðjunnar
Rits á sama staö. Samkvæmt
RÚV er þetta liður í hugsanlegri
sameiningu fimm sjávarútvegs-
fyrirtækja á Vestfjörðum.
Tveir kýlaveikislaxar
Tveir kýlaveikir hoplaxar
fundust í Elliðaánum þegar Ár-
bæjarstíflan var opnuð í maí.
RÚV greindi frá þessu.
Aukið samstarf
Margrét Frímannsdóttir, för-
maður Alþýðubandalagsins, hef-
ur sent forráðamönnum annarra
stjórnarandstöðuflokka bréf þar
sem farið er fram á viðræður um
aukið samstarf flokkanna.
Skattfé í tjaldstæði
Grindavíkurbær má kosta
rekstur tjaldstæðis af skattfé,
samkvæmt úrskurði áfrýjunar-
nefndar samkeppnismála.
Konur flughræddari
Mun fleiri konur en karlar
þjást af flughræðslu samkvæmt
athugun yfirsálfræðings á geð-
deild Landspítalans. Þetta kom
fram í Mbl.
Auknar skuldir
Skuldir Reykjavíkurborgar
jukust um rúmar 1.500 milljónir
króna á síðasta ári samkvæmt
ársreikningum borgarinnar sem
lagðir voru fram á fundi borgar-
stjómar í gær til fyrri umræðu.
-bjb