Dagblaðið Vísir - DV - 21.06.1996, Blaðsíða 5

FÖSTUDAGUR 21. JÚNÍ 1996
5
Fréttir
Leitað að gulli í Þormóðsdal:
Þarf tvö til
þrjú grömm í
hverju tonni
- til aö vinnsla borgi sig
Byrjað var á gullleit í Þormóðs-
dal í Mosfellsbæ í gær með því að
rannsóknarborinn Ýmir var ræstur
og byrjað að bora niður í jarðlögin
með 45 gráða halla. Gulls er að
vænta í gömlum jarðhitasvæðum og
svo háttar einmitt til í Þormóðsdal.
Frederik Ros, sænskur jarðeðlis-
fræðingur, stjórnar aðgerðum í Þor-
móðsdal og sagði hann í samtali við
DV að hann reiknaði ekki með því
að gullið yrði sjáanlegt í borkjörn-
unum, heldur kæmi í ljós þegar þeir
yrðu efnagreindir. Hann sagði að
þaö magn sem þyrfti að finnast til
að borgaði sig að vinna það væri 2-3
grömm í hverju tonni jarðvegs.
-SÁ
Rannsóknarborinn Ymir er notaður við leitina að gullinu í Þormóðsdal og er bornum beint niður í jarðlögin með 45
gráða halla. Guðmundur Ómar Friðleifsson stjórnar bornum. DV-mynd ÞÖK
Grímsey:
Kappreiðar á
heimskautsbaug
DV, Akureyri:
Hestamenn frá Akureyri standa
fyrir allsérstæðri uppákomu á flug-
vellinum í Grímsey nk. laugardag.
Þar verður efnt til keppni í skeiði og
mæta menn til eyjunnar með 6
vekringa sem munu reyna með sér.
Flugvöllurinn verður því vett-
vangur skeiðkeppni og endamarkið
verður heimskautsbaugurinn. Sex
hestar unnu sér keppnisrétt í sér-
stöku úrtökumóti og náðust þá mjög
góðir tímar; t.d. náði hesturinn
Sindri tímanum 13,9 sek. í 150 m
skeiði en íslandsmetið er 13,6 sek.
Uppselt er í sérstaka ferð sem far-
in verður frá Dalvík að morgni
laugardagsins með Sæfara frá Dal-
vík. Boðið verður upp á kaffihlað-
borð við komuna til Grímseyjar en
kappreiðarnar hefjast kl. 14. Slegið
verður upp gi'illveislu kl. 17 og síð-
an haldið heimleiðis um kvöldið
með Sæfara.
-gk
Hrísey:
Loks kom for-
setaframbjóðandi
- sá fyrsti frá byrjun
DV, Hrisey:
Þar kom að því að forsetafram-
bjóðandi heimsótti eyjuna. Pétur
Kr. Hafstein boðaði fund í frysti-
húsi KEA kl. 9.30 þann 13. júní.
Hann á heiður skilinn fyrir að
koma þótt fundartíminn væri
slæmur. Allir, lika þeir i frystihús-
inu, eru á sínum vinnustöðum á
þessum tíma. Svona samkomur
þurfa að vera á kvöldin.
Hingað til hefur enginn forseta-
frambjóöandi frá upphafi slitið
skóm sínum hér hjá okkur í Hrís-
ey. Þegar kosningaslagurinn 1980
var og hét fréttum við eyjabúar að
Vigdís hefði farið til Grímseyjar
en þá, eins og nú framan, af vissu
frambjóðendur ekki hvar Hrísey
er á landakortinu.
Hver veit nema nú verði breyt-
ing á, þegar Pétur er búinn að
brjóta ísinn, og hinir frambjóðend-
urnir sigli yfir sundið. Hér er um
þó nokkur atkvæði að tefla og sagt
að eitt atkvæði geti skipt sköpum.
Annars er mannlíf hér mjög gott
og næg atvinna. Margt farand-
verkafólk er hér í verbúðum og
svo er ferðafólkið farið að skila sér
en mikið er um það hér á sumrin.
-VÞ
E inkabílnúmer in
Þórarinn tannlæknir
með LAX-1
Frá og með 18. júní hefur skráð-
um eiganda bifreiðar eða bifhjóls
verið heimilt að nota sérstök skrán-
ingarmerki, svokölluð einkamerki, í
'stað almennra skráningarmerkja.
Þannig geta bílar nú borið númer
sem eru samsett af 2-6 bókstöfum
og/eða tölustöfum að vali eigandans.
Ekki er þó hægt að nota samsetn-
ingu þá sem er í fastnúmerakerflnu,
þ.e. tveir bókstafu og þrír tölustaflr.
Áletrunin má ekki brjóta í bága við
íslenskt málfar né geta valdið
hneykslan. Úthlutun einkamerkj-
anna fer fram hjá Bifreiðaskoðun ís-
lands og er farið eftir röð umsækj-
anda á þann hátt að sá sem fyrstur
sækir skriflega um áletrun hlýtur
réttinn til að nota hana. Greiða þarf
fyrir afnotaréttinn kr. 25.000 og
rennur sú fjárhæð til Umferðarráðs.
Parið af skráningarmerkjunum
kostar svo kr. 3.750. Greiðsluna þarf
að inna af hendi um leið og umsókn
er skilað inn til Bifreiðaskoðunar ís-
lands hf. Fjölmargar umsóknir og
fyrirspumir bárust Bifreiðaskoðun-
inni um leið og umræður um þetta
hófust fyrr í vetur. Fyrir skömmu
fengu svo þessir aðilar send sérstök
umsóknareyðublöð og hafa nokkrar
umsóknir nú þegar skilað sér.
Hugsanir fólks á skráningarmerki
Nú er ljóst að málefni sem brenna
á hugum manna munu veröa vinsæl
á bílnúmerum. Fyrsta einkanúmer-
ið, „ísland", var afhent Árna John-
sen á miðvikudaginn. Ámi hefur
líka sótt um númerið „Eyjar“. Núm-
eraplata á bíl Þórarins Sigþórssonar
tannlæknis og laxveiðimanns hefur
verið útbúinn með áletruninni „Lax
1“. Einhver númer í framtíðinni
munu þó verða torskildari, s.s. „BJ
7239“, „1966“ og „44 MK“. „My Toy“
áletrun fyrir mótorhjól þótti ekki
brjóta í bága íslenska málfar enda
var ákveðið að túlka það skilyrði
fyrir einkanúmeri rúmt.
-saa
Söfnuðu fyrir
Danmerkurferö
DV, Búðardal:
Ellefu nemendur 10. bekkjar
Laugaskóla í Dalasýslu fara í viku-.
ferð til Danmerkur í júní - ferð sem
þéir söfnuðu fyrir að öllu leyti sjálf-
ir. Eiga þeir fyrir flugfari, gistingu
og auk þess svolitla vasapeninga.
Unglingarnir öfluðu fjár með
ýmsu móti. Sviðu kindalappir og
seldu. Fóru í hús með eldhúsrúllur
og klósettpappír. Héldu páskabingó
og félagsvist og gáfu út skólablað
með styrktarauglýsingum, sem
dreift var á öll heimili í Dalasýslu
og Bæjarhreppi og Broddaneshreppi
í Strandásýslu.
Ágóði árshátíðar Laugaskóla
rann í ferðasjóðinn. Þeir þrifu
íþróttahúsið einu sinni í viku í vet-
ur og þreyttu áheitasund í sund-
lauginni á Laugum. Af þessari upp-
talningu sést að þeir hafa aldeilis
ekki verið iðjulausir í vetur og sýn-
ir einstakan dugnað og samtaka-
mátt þessa unga fólks. Það sannast
hér enn og aftur að ef viljinn er fyr-
ir hendi er margt hægt að gera.
-MB
Nemendur 10. bekkjar að loknu áheitasundi. Frá vinstri, Jón Atli, Óskar,
Linda, Eggert, Stefanía, Barbara, Sigrún, Ólöf Inga, Hlynur Þór og Guðjón. Á
myndina vantar Önnu Halldórsdóttur. DV-mynd MB
EITTHVAÐ
meS grillinu
• Cerjun tvær vikur
* Felling tvær vikur
Styrkleiki 12%
10 lítrar
CaSernet rauðvín
CharcConnay fivítvín
LieBfraumiCcfi fivítvín
ChíoseC fivítvín
1 Vatn
É Gerjun
% Drekkið beint af krana
(ÞaS gerist allt í boxinu)
Sendum í póstkröfu
Opið laugardag 10-14 í Rvík
PLÚ1
fillt til víngerdar
SuSurlandsbraut 22 - Reykjavík - sími 553 1080
Hafnargötu 25 - Keflavík - sími 421 1432