Dagblaðið Vísir - DV - 21.06.1996, Blaðsíða 14
14
FÖSTUDAGUR 21. JÚNÍ 1996
Útgáfufélag: FRJÁLS FJÖLMIÐLUN HF.
Sflórnarformaður og útgáfustjóri: SVEINN R. EYJÓLFSSON
Framkvæmdastjóri og útgáfustjóri: EYJÓLFUR SVEINSSON
Ritstjóri: JÓNAS KRiSTJÁNSSON
Aðstoðarritstjóri: ELÍAS SNÆLAND JÓNSSON
Fréttastjóri: JÓNAS HARALDSSON
Auglýsingastjóri: PÁLL STEFÁNSSON
Ritstjórn, skrifstofur, auglýsingar, smáauglýsingar: ÞVERHOLTI11,
blaðaafgreiðsla, áskrift: ÞVERHOLTI14,105 RVÍK, SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999
GRÆN númer: Auglýsingar: 800 6272. Áskrift: 800 6270
Stafræn útgáfa: Heimasíða: http://www.skyrr.is/dv/
Ritstjórn: dvritst@centrum.is - Auglýsingar: dvaugl@centrum.is. - Dreifing: dvdreif@centrum.is
AKUREYRI: Strandgata 25, sími: 462 5013, blaðam.: 462 6613, fax: 4611605
Setning og umbrot:'FRJÁLS FJÖLMIÐLUN HF.
Filmu- og plötugerð: [SAFOLDARPRENTSMIÐJA HF. - Prentun: ÁRVAKUR HF.
Áskriftarverö á mánuði 1700 kr. m. vsk. Lausasöluverð 150 kr. m. vsk., helgarblað 200 kr. m. vsk.
DV áskilur sér rétt til að birta aðsent efni blaðsins í stafrænu formi og í gagnabönkum án endurgialds.
r
Otímabær ákvörðun
Guörún Pétursdóttir tók óvænta og einstæða ákvörð-
un í fyrradag er hún ákvað að draga framboð sitt til
embættis forseta íslands til baka. í yfirlýsingu, sem hún
afhenti við það tækifæri, sagði hún að kosningabaráttan
hefði tekið þá stefnu að í megindráttum hefði þjóðin þeg-
ar skipað sér í tvær fylkingar. Þar átti hún við stuðn-
ingsmenn Ólafs Ragnars Grímssonar annars vegar og
Péturs Hafsteins hins vegar.
Við lok framboðsfrests virtist ljóst hvert stefndi, að
sögn Guðrúnar. Hún vildi þó láta reyna á kynningu í út-
varpi og sjónvarpi. Staðan væri hins vegar lítt breytt að
lokinni þeirri kynningu.
Guðrún Pétursdóttir keppti að sigri en í þessum kosn-
ingum verður aðeins einn sigurvegari. Eins og málum er
komið telur Guðrún óraunhæft að halda baráttunni
áfram. Hún metur stöðu sína vonlausa, engar líkur á
sigri. Um leið og Guðrún dró sig í hlé bað hún menn að
virða ákvörðun sína, sem væri óvenjuleg en að sínu
mati rétt.
Sjálfsagt er að virða ákvörðun Guðrúnar Pétursdóttur.
Hún er án efa tekin að vel grunduðu máli. Hún segir
sjálf að aðdragandi ákvörðunarinnar hafi verið erfiður
en ekki ákvörðunin sjálf. Það er hins vegar efamál að
ákvörðun hennar sé rétt. Fimm frambjóðendur keppa
með það í huga að sigra. Ella væri ekki farið af stað. í
upphafi vita allir sem þátt taka að sigurvegari verður að-
eins einn. Aðrir tapa. En þeir falla með sæmd sé keppn-
in drengileg. Enginn hefur efast um það að Guðrún Pét-
ursdóttir var drengileg í sinni baráttu. Keppinautar
hennar eru sammála um það.
Um réttmæti ákvörðunarinnar má deila. Óumdeilt er
hins vegar og óheppilegt að tilkynning Guðrúnar kemur
afar seint fram eða tíu dögum fyrir kosningar. Kosning-
abaráttan er komin á lokastig. í rúman mánuð hafa
menn kosið utan kjörfundar. Kjósendur hafa rétt á að
kjósa á ný en atkvæði greidd Guðrúnu Pétursdóttur falla
ógild gerist það ekki. Nú er hafinn aðalorlofstími ársins
og fólk því á ferðalögum víða um heim. Margir geta ef-
laust breytt atkvæði sínu en ekki allir.
Á þessu stigi er ekki hægt að segja til um hvert fylg-
ismenn Guðrúnar Pétursdóttur fara. Þeim kjósendum
skipar enginn fyrir verkum fremur en öðrum kjósend-
um. Guðrún átti sér ötula stuðningsmenn og líklegt er að
ákvörðun frambjóðandans valdi þeim vonbrigðum.
Guðrún Pétursdóttir segir kosningabaráttuna hafa
verið pólitískari en hún átti von á. Afstaða manna í póli-
tík er einn þáttur af mörgum þegar kemur að vali milli
frambjóðenda til embættis forseta íslands. Dæmin sanna
þó að flokkspólitískar línur riðlast í forsetakosningum
og munu gera það í þessum kosningum að einhverju
leyti eins og þeim fyrri. Því var ekki sérstök ástæða til
þess að hætta við framboð af þeim ástæðum.
Guðrún telur óheppilegt að velja forseta úr röðum
stjómmálamanna. Það var hins vegar vitað fyrir löngu
að tveir forsetaframbjóðendanna hafa stjórnmálareynslu
og fráleitt að meina fólki með þá reynslu að spreyta sig
í forsetakosningum. Kjósendur skera síðan úr.
Gúðrún Pétursdóttir var drengilegur og ágætur for-
setaframbjóðandi. Þótt kannanir hafi sýnt að dregið hafi
úr fylgi hennar var það ekki næg ástæða til þess að
hætta við á síðustu stundu. Guðrún hefði því átt að
hlaupa lokasprettinn með hinum og leggja sig og sinn
málstað í dóm þjóðarinnar og taka þeirri niðurstöðu.
Jónas Haraldsson
„Ríkisstjórn Sjálfstæðisflokks og Framsóknarflokks setti sér skýr efnahagsmarkmið í upphafi starfsferils síns,“
segir Friðrik m.a. í greininni.
Árangur
4. Atvinnuleysi fer
minnkandi og spáð er
að það verði rúmlega
4% af vinnuafli á þessu
ári. Atvinnuleysi í sam-
anburðarlöndum er
helmingi meira. Störf-
um mun fjölga um 2.500
í ár.
5. Viðskiptajöfnuður
hefur verið jákvæður sl.
þrjú ár í kjölfar sex ára
halla i viðskiptum við
útlönd. Viðskiptajöfnuð-
ur verður neikvæður í
ár, einungis vegna
stækkunar álversins.
6. Erlend skuldasöfnun
hefur verið stöðvuð. Er-
lendar skuldir þjóðar-
búsins í heild hafa
lækkað um 7% af VLF á
„Þjóðin er að uppskera árangur
þess samstarfs sem átt hefur sér
stað á undanförnum árum milli
stjórnvalda ogaðila vinnumarkað-
arins. Það samstarf er nú að skila
sér í batnandi lífskjörum þjóðar-
innar.“
Kjallarinn
Friðrik
Sophusson
fjármálaráðherra
Ríkisstjórn Sjálf-
stæðisflokks og
Framsóknarflokks
setti sér skýr efna-
hagsmarkmið í
upphafi starfsferils
síns. Meginverk-
efnið er að við-
halda stöðugleika í
efnahagsmálum,
skapa skilyrði fyrir
auknum hagvexti,
fjölga störfum og
stuðla að bættum
lífskjörum. Margt
forvitnilegt kemur
í ljós þegar farið er
yfir stöðuna nú og
árangurinn met-
inn:
1. Hagvöxtur er
hér á landi nú
meiri.en að meðal-
tali í OECD-rikjun-
um en það eru 25
auðugustu ríki
heims. Þetta eru
mikil umskipti frá
árunum 1987-1993
en á því 6 ára tíma-
bili var enginn
hagvöxtur hér á
iandi til jafnaðar.
2. Verðbólga er
hér á landi ein sú
minnsta í heimin-
um og sl. 5 ár hefur hún verið und-
ir meðaltali OECD- ríkjanna. Áður
var óðaverðbólga eitt helsta ein-
kenni íslensks efnahagslífs.
3. Kaupmáttur ráðstöfunartekna
á árunum 1995 og 1996 vex um
8-9% en til samanburðar má nefna
að kaupmátturinn rýrnaði um
20% á árunum 1988-1994, mest á
árunum 1988-1990.
síðustu þremur árum en á árun-
um 1987-93 óx skuldahlutfallið um
14% á sama mælikvarða.
7. Vextir hafa lækkkað á undan-
fömum árum. Á árinu 1991 voru
raunvextir á spariskírteinum rúm
8% en eru nú 5 1/2%.
8. Ríkissjóðshallinn hefur
minnkað. Á þessu ári verður hann
helmingi minni en í fyrra. Ríkis-
stjórnin stefnir að því að leggja
fram hallalaust fjármálafrumvarp
þegar þing kemur saman næsta
haust.
9. Talið er að ríkisútgjöldin í ár
lækki um 3% að raungildi. Frá ár-
inu 1991 hafa ríkisútgjöld á mann
lækkað um 8% en á árunum
1986-1991 hækkuðu þau um tæp
20%.
10. Efnahagsárangurinn hefur
verið viðurkenndur af þeim er-
lendu fyrirtækjum sem meta láns-
hæfi íslands. Sú viðurkenning hef-
ur þegar skilað sér í hagstæðari
lánskjörum ríkissjóðs erlendis.
11. Árangurinn mælist einnig á
alþjóðlegum mælikvarða með því
að ísland er eitt af aðeins fjórum
Evrópuríkjum sem uppfylla öll
skilyrði um inngöngu í Mynt-
bandalag Evrópu.
Hvatning til stjórnvalda
Allar þessar staðreyndir sýna
þær miklu breytingar sem hafa
orðið í efnahagsmálum og bera
vitni um árangur ríkisstjórnar-
innar. Að sjálfsögðu eru þessi um-
skipti ekki eingöngu ríkisstjóm-
inni að þakka. Þjóðin er að upp-
skera árangur þess samstarfs sem
átt hefur sér stað á undanfömum
árum milli stjómvalda og aðila
vinnumarkaðarins. Það samstarf
er nú að skila sér í batnandi lífs-
kjörum þjóðarinnar.
Mikilvægasta verkefni næstu
mánaða er að tryggja áfram stöð-
ugleika og auka kaupmátt án þess
að verðbólgan taki völdin. Árang-
ur undanfarinna ára er hvatning
til stjórnvalda og aðila á vinnu-
markaði til að halda áfram á sömu
braut.
Friðrik Sophusson
Skoðanir annarra
Skilvirkt og
auöskiljanlegt
„Það stjómkerfi kirkjunnar, sem að lokum mun
vonandi takast sæmileg samstaða um, þarf að sjálf-
sögðu að vera þeim kostum búið að það sé öllum
auðskiljanlegt. Það þarf einnig að vera skilvirkt,
þannig að m.a. sé auðvelt að vinna eftir því og nið-
urstöður ákvarðana á mismunandi stjómunarstig-
um séu skýrar og tryggt sé að þeim verði framfylgt.
Umfram allt verður kerfið að vera traustvekjandi,
bæði „inn á við“, ef svo má að orði kveða, þ.e. gagn-
vart starfsmönnum kirkjunnar og öðrum virkum
þátttakendum í kirkjustarfi ...,“
Páll Sigurðsson í Morgunblaðinu 20. júní.
Sjómennska hættuleg
„Sjómennska hefur alla tíð verið hættulegt starf
og það hefur ekki breyst. Skip eru orðin traust og
öflug með sífellt öflugri og flóknari tækjabúnaði,
sem þarfnast kunnáttu og færni að fást við. Slys á
sjómönnum við vinnu sína em allt of tíð, og allir
þeir sem hlut eiga að máli þurfa að bregðast við
þeim vanda. Að meðaltali verður að minnsta kosti
eit slys á dag á sjó eftir því sem tölur sýna.“
Úr forystugrein Tímans 20. júnt.
Ástand Miðbæjar-
skólans
„Mikið hefur verið rætt um hina nýju Fræðslu-
miðstöð Reykjavíkur, og þá ákvörðun að setja hana
niður í gamla Miðbæjarskólann. Það er líka talað
um að verið sé að hrekja úr húsinu hinn einkarekna
Miðskóla. En er það svo?
Hvemig er þetta hús eftir rúmlega hundrað ára
notkun við kennslu ungmenna?
Það er ljóst að húsnæðið svara hvergi þeim kröf-
um sem í dag eru gerðar til skólahúsnæðis."
Pétur Jónsson 1 Alþýðublaðinu 20. júnl.