Dagblaðið Vísir - DV - 24.05.1997, Page 30

38
LAUGARDAGUR 24. MAÍ 1997
Heimsklúbbur Ingólfs hefur und-
anfarin ár skipulagt ferðir víða um
heim á fjarlægar slóðir en í nóvem-
ber á þessu ári verður farið í viða-
mestu ferðina til þessa, 33 daga
heimsreisu. „Á þessari 33 daga ferð
verður komið við í öllum álfunum á
suðurhveli jarðar," segir Ingólfur
Guðbrandsson. Ingólfur leggur
mikla áherslu á að hótelin scm hóp-
urinn gistir í á leiðinni séu fyrsta
flokks.
Ingólfi var boðið á ferðakaupstefnu
arabalandanna í Dubai í fyrri hluta
maímánaðar vegna fyrirhugaðrar
ferðar á vegum Heimsklúbbsins sem
nefnist „Töfrar 1001 nætur“. „Ég
ákvað að „skreppa" til Sydney í leið-
inni til að skoða eitt hótelanna sem
80 manna hópur dvelur á í heimsrei-
sunni til þess að vera viss um að það
fullnægði kröfunum. Niðurstaðan
var sú að hótelið væri fullkomlega
boðlegt. Það þarf að vanda vel til alls
undirbúnings í ferðinni, ekki síst til
Ástralíu þar sem hótelverð hefur tvö-
faldast á síðustu þremur árum.
Ástæðu þess má meðal annars rekja
til væntanlegra Ólympíuleika í Syd-
ney,“ segir Ingólfur.
Móttaka íslendinga
Mikill áhugi var fyrir heims-
Óperuhúsiö í Sydney er engu líkt.
reisuferðinni. „Ferðin seldist upp á
tveimur dögum,“ segir Ingólfur.
Heimsreisa ferðaklúbbsins hefst 1.
nóvember, þegar flogið verður til
London, en þaðan verður tekið
beint flug til S-Afríku. „Við forum
alla leið á suðurströndina til
Höfðaborgar og ætlum okkur að
standa á Góðrarvonarhöfða þann 6.
nóvember. Frá S-Afríku verður
flogið þvert yfir Indlandshafið til
Perth í Ástralíu. Þar tekur stór
hópur íslendinga á móti okkur en
nokkur hundruð íslendingar búa á
þessu svæði,“ segir Ingólfur.
Dvalið verður í Perth í 3 daga og
í Sydney í 4 daga á fegursta tíma
ársins, mótum vors og sumars, að
sögn Ingólfs. Frá Ástralíu verður
haldið til Nýja-Sjálands þar sem
hópurinn verður í tæpa viku en
síðan tekur við fjögurra daga dvöl
á eyjunni Tahiti í S-Kyrrahafi.
Frá Tahiti verður farið til Santi-
ago í Chile, siðan til Buenos Aires
í Argentínu og meðal annars skoð-
aðir hinir frægu Iguazu-fossar á
landamærum þriggja landa. Síð-
ustu dögum nóvembermánaðar og
fyrstu dögum desember verður
varið í hinni ægifögru borg Brasil-
íu, Rio de Janeiro, á Cobacabana-
ströndinni. -ÍS
Stéttarfélagsverð á flugfargjöldum
Orlofsnefnd launþegahreyfingar-
innar í landinu vill hvetja til ferða-
laga innanlands í sumar og hefur í
því skyni samið við Flugleiðir - inn-
anlands og Flugfélag Norðurlands,
ijölda hótela um land allt, sérleyfis-
hafa innan BSÍ og Europcar - Bíla-
leigu Akureyrar og Norrænu um
mjög hagstætt verð á flugi, gistingu,
ferjusiglingum, rútuferðum og blla-
leigubílum. Stéttarfélagsverðin inni-
fela meðal annars 6030 króna flug-
verð til allra áfangastaða Flugleiða
innanlands og 5030 króna flugverð
til Vestmannaeyja. Margvíslegir
tengiflugsmöguleikar eru einnig hjá
Flugfélagi Norðurlands frá Akur-
eyri.
Fargjöldin eru seld á laugardög-
um á sölustöðum Flugleiða um allt
land, en aðeins á afgreiðslu Flug-
leiða á Reykjavíkurflugvelli á höfuð-
borgarsvæðinu. Hægt er að bóka
sæti í allar brottfarir, nema í ferðir
frá hádegi fram til miðnættis á
föstudögum.
Stéttarfélagsfargjöldin innihalda
tilboð tveggja manna herbergja á
verði eins manns á 33 hótelum um
land allt. Eftirtalin hótel gera félags-
mönnum launþegahreyfingarinnar
þetta boð í sumar: Hótel Loftleiðir,
Hótel Esja, Grand Hotel, Hótel Lind,
Hótel Reykjavík, Hótel Leifur Ei-
ríksson, Cabin hótel, Hótel Garður,
City Hótel, Hótel Vik, Hótel Kefla-
vík, Hótel Borgarnes, Hótel Stykkis-
hólmur, Hótel ísafjörður, Hótel
Valaskjálf, Hótel Bláfell, Hótel Höfn,
Hótel Bræðraborg, Hótel Nesbúð,
Hótel Örk, Hótel Norðurland, Hótel
Valhöll, Hótel Edda Reykholti -
Laugum - Núpi - Laugarbakka -
Þelamörk - Eiðum og Laugarvatni.
Allt sem þarf er að framvisa fé-
lagsskírteininu og greiða fyrir eins
manns herbergi. Sérstakur afsláttur
er í boði fyrir einstaklinga - misjafn
eftir gististöðum. Bókunarfyrirvari
er ýmist 24 klst. eða 48 klst.
Stéttarfélagsverðin í sumar inni-
halda einnig tilboð á bílaleigubílum
Europcar, Bílaleigu Akureyrar og
sérverð á nokkrum ferðum með
Norrænu í júní í sumar. Einnig til-
boð sérleyfishafa BSÍ í háfjallaferð-
ir. Farið verður með kunnugum bíl-
sfjóra/leiðsögumanni í rútu inn á
hálendið. Um er að ræða dagsferðir
eða lengri ferðir með gistingu eða
án, í fjöldum eða skálum. í sumum
tilfellum er fæði innifalið í ferðinni.
Þeir sem hafa áhuga á þessum ferð-
um ættu að hafa samband við Ferða-
þjónustu BSÍ í sima 552 2300 eða
þjónustuaðilana á hverjum stað.
Aðilar að þessu samstarfi eru: Al-
þýðusamband íslands, Bandalag há-
skólamanna, Bandalag starfsmanna
ríkis og bæja, Bændasamtök ís-
lands, Farmanna- og fiskimanna-
samband íslands, Samband ís-
lenskra bankamanna, Félag ís-
lenskra hjúknmarfræðinga, Blaða-
mannafélag íslands, Kennarasam-
band íslands, Vélstjórafélag íslands,
Kjarafélag Tæknifræðingafélags ís-
lands, Stéttarfélag verkfræðinga, Fé-
lag bókagerðarmanna, Verkstjóra-
samband íslands, Prestafélag ís-
lands, Félag íslenskra lyfjafræðinga,
Félag aðstoðarfólks tannlækna og
Landssamband aldraðra.
-ÍS
Fulltrúar félaganna og samtakanna við undirritun samningsins.
Flug er öruggasti
ferðamátinn
- öryggismálin í brennidepli
Flug er enn þá öruggasti ferða-
máti sem býðst og yfirleitt einnig sá
þægilegasti. Fjölmörg ríki heims
halda nákvæma tölfræði yfir fjölda
slysa sem kemur að gagni þegar
meta skal öryggi ferðamátans. Meðal
þeirra rikja eru Bandaríkin. Á síð-
asta ári létu 40.000 manns lífið í um-
ferðinni í landinu en „aðeins" 380
létu lífið í flugi. Samanburðurinn, þó
óhugnanlegur sé, er tvímælalaust
fluginu í hag, en þó eru blikur á
lofti. Þessi tala, 380 manns, er hæsta
tala látinna í flugslysum í Bandaríkj-
unum á síðastliðnum áratug.
Flugumferð hefur aukist gífurlega
á undanfornum áratug og því er
nauðsynlegt að vera á varðbergi til
að afstýra slysum og hafa öryggis-
málin í lagi. Ef þessi tala heldur
áfram að hækka verður árið 2015
eitt mannskætt flugslys í heiminum
í hverri viku. Þær tölur eru byggðar
á útreikningum Boeing-flugfélags-
ins. Það þýðir þó ekki að flugslysum
hafi fjölgað, miðað við höfðatölu.
Tala látinna í flugi hefur haldist
nokkum veginn í hendur við fjölda
farþega frá sjöunda áratugnum.
Árekstrarvörn
Sérfræðingar telja reyndar að hægt
sé að gera miklu betur í öryggismál-
um til að afstýra slysum. Mikið hefur
áunnist í þeim efnum. Flestar flugvél-
ar í Bandaríkjunum eru nú með
árekstrarvöm sem varar flugmenn
við ef annað flugfar kemur hættulega
nálægt. Einnig hafa verið gerðar ráð-
stafanir til að bæta mjög afísingar-
búnað flugvéla, eftir fjölda slysa þar
sem ísing hefur verið orsökin (meðal
annars flugslys sem kostaði 27 manns
lífið 1992 á La Guardia). Einnig hefur
verið gert átak til að reyna að tryggja
öryggi farþega í flugvélum að yfir-
stöðnu slysi.
Rannsóknir hafa sýnt að um
helmingur farþega lifir að jafnaði
flugslysin af, en fjölmargir láta lífið
eftir á vegna reykeitrunar eða elds.
Flugfélög hafa því lagt áherslu á að
fjarlægja úr farþegarými flest sem
brunnið getur eða skapað hættuleg-
ar eiturgufur. Einnig hafa verið sett-
ar reglur um að -einungis fullorðnir
megi sitja nálægt neyðarútgöngum
sem er mikið öryggisatriði.
Bandaríkjamenn hyggjast gera
stórátak til að bæta öryggi í flugi.
Samkvæmt metnaðarfullri áætlun
varaforseta Bandaríkjanna, „Gore
Report", á að reyna að fækka síysum
í flugi um 4/5. Framtíðin ein sker úr
um það hvort sú áætlun stenst.
Þýtt og endursagt úr Condé Nast
Traveler
-ÍS
Áframhald
Ekkert lát er á verkfallsað-
gerðum í Frakklandi. Fjölmörg
verkalýðsfélög í samgöngumál-
um hafa undanfarnar vikur
staðið í stöðugum skærum og
verkfollum til að leggja áherslu
á kaupkröfur sínar. Verkfollin
hafa aðallega komið niður á
lestakerfi og áætlunarflugi
landsins.
Lá við árekstri
Lítil nokkurra manna far-
þegaþota var nærri því búin að
valda mannskæðu flugslysi á
ótilgreindum flugvelli í Banda-
ríkjunum fyrr i þessum mánuði
þegar hún flaug í 30 metra fjar-
lægð frá 37 manna farþegaþotu
USAir flugfélagsins sem var að
hefja sig á loft. Tilfellum, þar
sem legið hefur við árekstri í
flugi í Bandarikjunum, hefur
fjölgað mjög á undanförnum
árum.
Ruslahrúgur
Aþena í Grikklandi er ein
mengaðasta borg Evrópu.
Ástandið þar í borg er
óvenjuslæmt þessa dagana því
að sorptæknar borgarinnar eru
í verkfalli og hafa ekki sinnt
störfum sínum undanfarna
daga. Ruslið hleðst upp með
viðeigandi óþef, borgarbúum og
ferðamálayfirvöldum til mikill-
ar gremju.
Strandgæði
Evrópusambandið gaf nýver-
ið út skýrslu um ástandið á
baðströndum Evrópu. Evrópu-
sambandið hefur gefið út
staðla um þær kröfur sem
gerðar eru um hreinlæti og að-
stöðu á baðströndum land-
anna. Samkvæmt því fá grísk-
ar strendur bestu einkunnina
og fullnægja um 19 af hverjum
20 ströndum landsins kröfum
Evrópusambandsins. Strendur
Danmerkur koma þar á eftir,
en Belgía var neðst á listanum,
aðeins um 15% af baðströndum
þar uppfulla kröfur sambands-
ins.
Gagnaðgerðir
Rekstraraðilar finnska flug-
félagsins Finnair eru búnir að
fá sig fullsadda á skrílslátum
flugfarþega sinna. Á síðasta
ári eru skráð 150 tilfelli um
farþega sem brutu allar hegð-
unarreglur, oftast nær undir
áhrifum áfengis eða lyfja. Fjöl-
margir óróaseggjanna neituðu
að virða reglur um bann við
reykingum, aðrir beittu of-
beldi gegn starfsfólki og einn
reyndi að kyrkja eina flug-
freyjuna. Finnair hefur sett
reglur sem gefa þeim vald til
þess að handjárna óróasegg-
ina, afturkalla flugmiða þeirra
og krefja þá um háar skaða-
bætur.