Dagblaðið Vísir - DV - 25.05.1998, Blaðsíða 4

4
MÁNUDAGUR 25. MAÍ 1998
Fréttir
Vilhjálmur Vilhjálmsson:
Maður kemur í manns stað
- vona að flokksmenn verði sáttir við val á nýjum leiðtoga
„Þetta eru vissulega vonbrigði, ég
átti von á meiri stuðningi. En þetta
er lýðræðið og við virðum það,“
sagði Vilhjálmur Vilhjálmsson,
borgarfulltrúi sjáifstæðismanna,
þar sem hann var tekinn tali á kosn-
ingavöku sjálfstæðismanna
skömmu eftir að úrslit voru orðin
ljós í höfuðborginni.
- En eru það ekki slæm tíðindi að
tapa kosningunum og Árna Sigfús-
syni, leiðtoga sinum, sama kvöldið?
„Þetta er auðvitað verkefni sem
við þurfum að leysa, sjálfstæðis-
menn. En það er rétt að í þessum
kosningum eru margir sem kusu
bara um borgarstjóra, þetta virkaði
sem borgarstjórakosningar frekar
en borgarstjómarkosningar. Og það
hefur augljóslega haft áhrif á úrslit-
in. En þetta er ekkert erfíðara en
mörg önnur verkefni sem þarf að
takast á við í stjórnmálunum."
- En nú er Árni ungur leiðtogi
sem væntanlega á mikið eftir:
„Það fer ekki eftir aldri hverjir
eru leiðtogar. Hann hefur lýst því
yfír sjálfur að hann muni ekki leiða
listann í næstu kosningum og út af
fyrir sig þá eru það flokksmenn sem
munu ákveða hverjir leiða listann.
Þetta er verkefni sem ekki aðeins
borgarstjórnarflokkurinn þarf að
taka á heldur eru fleiri
flokksmenn sem koma þar að
máli.“
- Sérð þú einhvem fyrir
þér sem muni leysa Árna af
hólmi?
„Ég vil ekkert tjá mig um
það á þessu stigi en maður
kemur í manns stað.“
- Munt þú koma í stað
Áma?
„Mér finnst ekki rétt að ég
tjái mig um það nákvæmlega
á þessari stundu, hvorki um
sjálfan mig né aðra. Við
munum ræða þetta mál í
okkar hópi og ég vona að nið-
urstaðan, þegar hún verður
kunn, verði í sátt viö flokks-
menn.“
- Telur þú að umræðan
um Hrannar Arnarsson hafi
e.t.v. skaðað Sjálfstæðisflokk-
inn meira en Reykjavíkur-
listann?
„Nei, ég held að hún hafi
alls ekki skaðað okkur. Um-
ræðan hefur dregið fram
ákveðna grundvallarþætti
sem eru til umræðu í þjóðfé-
laginu um fjármálalegt sið-
ferði og það er út i hött að
við sjálfstæðismenn höfum
staðið að einhverri ófrægingar-
herferð. Það sem máli skiptir
er að ræða kjarna málsins
varðandi fjármálalegt siðferði
en ekki að reyna að búa til ein-
hvem pólitískan búning fyrir
slíkt. Það er ekki heppilegt fyr-
ir neinn að haga sér þannig.
Ég held að þetta mál og ýmis
önnur verði rædd áfram á
næstunni," sagði Vilhjálmur
Vilhjálmsson, annar maður á
lista sjálfstæðismanna.
-phh
„Maöur kemur í manns
staö,“ sagði Vilhjálmur Vil-
hjálmsson, annar maður á
lista sjálfstæðismanna, þeg-
ar Ijóst var að borgin var töp-
uö og Árni Sigfússon mundi
ekki leiða Sjálfstæðisfiokkinn
í næstu borgarstjórnarkosn-
ingum. Viihjálmur og Árni
takast hér innilega í hendur á
kosningavöku sjálfstæðis-
manna. „Ég vona að þegar
val á nýjum leiðtoga liggur
fyrir verði það í sátt við
flokksmenn," sagði Vilhjáim-
ur. DV-mynd Pjetur
Davíö Oddsson, formaður Sjálfstæðisflokksins, ásamt Hannesi Hólmsteini
Gissurarsyni og Páli Magnússyni á Stöð 2. Davíð var vígreifur þrátt fyrir tap
í höfuðborginni og spáir því að Reykjavíkurlistinn hverfi af vettvangi innan
fárra ára. DV-mynd Pjetur
Davíð Oddsson, formaður Sjálfstæðisflokksins:
R-listinn hverfur
innan fárra ára
- vonast til að njóta krafta Árna sem allra lengst
„Það er ljóst að A-flokkamir hafa
tapað gríðarlega um allt land,
þ.e.a.s. þar sem Framsóknarflokkur-
inn er ekki með þeim. Sameiginleg
framboð eru að hrynja, sama hvar á
þau er litið. í Reykjavík höfum við
verið á uppleið en ég lít á úrslitin í
Reykjavík sem stóran persónulegan
sigur fyrir Ingibjörgu Sólrúnu og
óska henni til hamingju. Mér finnst
Árni hafa staðið sig afar vel í kosn-
ingabaráttunni og ég vona að við
njótum krafta hans sem allra
lengst,“ sagði Davíð Oddsson, for-
maður Sjálfstæðisflokksins og for-
sætisráðherra, þegar úrslit borgar-
og sveitarstjómarkosninganna voru
orðin ljós sl. laugardagskvöld.
Davíð sagði einnig að fjölmiðla-
dýrkun á R-listanum undanfarin
fjögur ár hefði verið með ólíkind-
um. „Það hefur enginn flokkur feng-
ið slíkt og ég efast um að svo verði
áfram. Reyndar er fyrirsjáanlegt að
mínu mati að það verði enginn R-
listi til hér eftir nokkur ár,“ sagði
Davíð Oddsson.
-phh
Árni Sigfusson:
Hættur sem leiðtogi
- annar mun leiöa Sjálfstæðisflokkinn í Reykjavík næst og fer ekki á þing
„Ég hef sagt að ég sé reiðubúinn
að leggja pólitíska framtíð mína að
veði og ég hef alltaf lagt áherslu á að
standa við orð mín og það gildir í
þessu. Ég er hins vegar oddviti list-
ans, sem þýðir að mér ber skylda að
fylgja málum eftir, en ég mun hins
vegar leggja það til þegar þar að
kemur að annar einstaklingur leiði
baráttuna fyrir borginni eftir fjögur
ár. Ég lít á þessi úrslit þannig að
það sé komið að öðrum að leiða
sjálfstæðismenn í Reykjavík," sagði
Ámi Sigfússon, aðeins örfáum mín-
útum eftir að fyrstu tölur höfðu
birst í borgarstjómarkosningum í
Ráðhúsi Reykjavíkur.
Aðspurður um hvort þetta þýddi
að hann væri hættur öllum pólitísk-
um afskiptum, sagði Árni að hann
„hefði ekki hug á að sækjast eftir
störfum á Alþingi. Þannig að það er
í sjálfu sér um litiö annað að ræða.
Ég er hins vegar sjálfstæðismaður
og mun alltaf styðja sjálfstæðisstefn-
una og Sjálfstæðisflokkinn og það
góða fólk sem þar er.“
Um það hvort sjálfstæðismenn
hefðu haft rangar áherslur í kosn-
ingabaráttunni sagði Árni að þetta
hefðu verið „sínar áherslur, sín
málefni. Ég er hugsjónamaður og
trúi enn á okkar málefni og hug-
myndir, en það er ljóst að meiri-
hluti Reykjavíkur hefur valið ann-
að.“
- En hvað með mál Hrannars sem
baráttan gekk öðrum þræði út á,
„Niöurstööur eru Ijósar. En sam-
kvæmt þessum úrslitum er ég vara-
maöur og við erum sterk í Grafar-
vogi. Ég er aldeilis ekki hættur, ég er
rétt að byrja. Mér finnst það leitt að
Árni skuli ætla aö hætta, hann er
mjög hæfur maöur. En þaö kemur
maður í manns stað,“ sagði Snorri
Hjartarson, frambjóöandi Sjálfstæð-
isflokksins, eftir að úrslit voru Ijós á
laugardagskvöldið. DV-mynd Pjetur
áttir þú þátt í þeim áherslum?
„Við höfum ítrekað sagt að við er-
um ekki upphafsmenn að því. Við
kynntum okkar málefni, en R-list-
inn hafði aðeins eitt mál á dagskrá
og það var Ingibjörg Sólrún Gísla-
dóttir. Og þeirra aðferð skilaði sér.
Við áttum ekki upphafið að málum
Hrannars, en við höfum hins vegar
krafist svara. Margt af því er komið
upp á yfirborðið, sem við teljum lýð-
ræðislega skyldu okkar til að liggi
skýrt fyrir," sagði Ámi Sigfússon að
lokum. . phh
Samkvæmt skoöanakönnunum haföi dregiö saman með Reykjavíkurlistan-
um og Sjáffstæðisflokknum í Reykjavík síðustu dagana fyrir kosningar og
báöir forystumenn flokkanna höfðu lagt höfuð sitt að veöi. Fylgisaukning
Sjálfstæðisflokks á síðustu stundu gat því sveiflað Ingibjörgu Sólrúnu út og
Árna Sigfússyni inn. Spennan var því mikil þegar myndin var tekin, augna-
bliki áður en fyrstu tölurnar birtust á skjánum. DV-mynd Pjetur