Dagblaðið Vísir - DV - 11.03.1999, Blaðsíða 6
6
FIMMTUDAGUR 11. MARS 1999
Fréttir
íslensku tónlistarverðlaunin afhent í kvöld:
Fólkið og fræðingarn-
ir fella sinn dóm
Mikil spenna er vegna íslensku tónlistarverðlaunanna sem afhent verða ■ kvöld. Hér má sjá fulltrúa hljómsveitanna Bang Gang, Skítamórals, Ný danskra og
Ensíma, auk Helga Björns, sem berjast um verðlaunin. DV-mynd Hilmar Þór
íslenskir tónlistarmenn og allt
áhugafólk um tónlist stendur á
öndinni í dag því í kvöld fer af-
hending íslensku tónlistarverð-
launanna fram við mikla viðhöfn á
Grand Hótel Reykjavík. Spennan
hefur jafnan verið mikil, enda
margir kallaðir en bara einn út-
valinn í hverjum flokki. Hópur
fræðinga hefur skilað inn atkvæð-
um sínum og músíkáhugafólk hef-
ur haft tækifæri til að kjósa bæði
á Netinu og með því að senda inn
atkvæðaseðla. Þátttakan hefur
verið frábær svo úrslitin verða
hvort tveggja val „fólksins" og
„fræðinganna".
Úrslit verða kunn í átján flokk-
um í kvöld. Þá skýrast línumar.
Verður poppið eða rokkið ofan á,
gamlir refir úr bransanum eða
glaðir nýliðar? Hverjir hreppa
gula kuðtmginn, verðlaunagripinn
eftirsótta? Verða úrslitin eftir bók-
inni eða óvænt og nýstárleg? Hvað
gerist? Þetta kemur allt í ljós í
kvöld.
Ólíkir listamenn
í flestum flokkum takast á ólik-
ir listamenn, rokkarar, popparar,
vanir harðjaxlar og blautir græn-
jaxlar. Flytjandi ársins getur ann-
aðhvort orðið Magga Stína eða
Móa - tvær vanar söngkonur sem
fóru nýjar leiðir á siðasta ári -
Björk, Bubbi eða Páll Óskar, fólk
sem lengi hefur baðað sig í kast-
ljósunum. Verður þetta sigur ný-
breytninnar eða reynslunnar?
Hljómsveit ársins getur orðið
Sóldögg, Stuðmenn, 200.000 nagl-
bítar, Ensími eða Botnleðja - allt
sveitir sem eiga titilinn vel skilinn
þótt þær séu vissulega ólíkar.
Hvað leiða úrslitin i ljós? Sigrar
skallapoppið eða hærðarokkið;
fágað poppið eða kraftmikið rokk-
ið? Það kemur í Ijós í kvöld.
Hver verður plata ársins? Svo
jafnar vora plöturnar í forvali að
ekki var hægt að skera þær bestu
niður í fimm tilnefningar heldur
urðu þær sjö. í þessum flokki er
nýja rokkbylgjan áberandi: 200.000
naglbítar, Lhooq, Sigurrós, Botn-
leðja og Ensími eru tilnefndar með
sínar plötur. Ferskur djass Jóels
Pálssonar fær einnig tilnefningu
og endurkoma Ný danskrar - sjö
plötur - og allt getur svo sannar-
lega gerst.
Hvaða lag verður talið hafa
skarað fram úr á árinu? Góðu lög-
in voru svo mörg að hér varð líka
að bjóða upp á sjö möguleika. Aft-
ur eru fimm ungar sveitir tilnefnd-
ar: Lhooq með Losing hand, Skíta-
mórall með Farinn, 200.000 nagl-
bítar með Brjótum það sem brotn-
ar, Bang gang með So Alone og
Ensími með Atari. Hinir reyndu fá
svo sínar tilnefningar líka: SSSól
fyrir lagið „Síðan hittumst við aft-
ur“ og Ný dönsk fyrir Húsmæðra-
garðinn.
Hverjir syngja best?
Sumir halda því fram að ekki sé
hægt að segja hver sé bestur í tón-
list. Það verði ekki mælt með
tommustokk eins og í langstökki.
Þetta er kannski rétt en á íslensku
tónlistarverðlaununum í kvöld
kemur þó í ljós hverja fólkið og
fræðingarnir telja besta á sínu
sviði, eða eigum við frekar að
segja hverjir þykja „skara fram úr
á árinu“, til að særa engan. Enn og
aftur keppir reynslan við fersk-
leika nýjabrumsins, poppið við
rokkið.
Fimm söngvarar eiga möguleika
á að standa uppi á sviði í kvöld og
veifa kuðungnum í sigurvímu.
Páll Óskar Hjálmtýsson er sá eini
af þeim sem fengið hefur kuðung
(árið 1996) en aðrir sem eru til-
nefndir eru Egill Ólafsson, Stefán
Hilmarsson - sem algjör óþarfi er
að kynna, svo frægir og vinsælir
meðal þjóðarinnar eru þeir - popp-
hólkurinn Bergsveinn Árelíusson
úr Sóldögg og falsettumjónan Jón
Þór Birgisson úr Sigurrós.
Af söngkonunum fimm eru
þrjár vanar tilnefningum: Björk,
Andrea Gylfadóttir og Ellen Krist-
jánsdóttir. Af þeim hefur aðeins
Björk fengið kuðung, alls þrisvar.
í viðbót eru Magga Stina og Sara
Guðmundsdóttir úr Lhooq til-
nefndar. Fær Björk kuðung í safn-
ið í kvöld eða einhver hinna sinn
fyrsta kuðung? Við spyrjum að
leikslokum.
Ógjörningur að spá
í hljóðfæraleik er kosið í fimm
ílokkum: hljómborðs-, bassa-,
trommu-, gítar- og blásturshljóð-
færaleik. Á landinu er glás af góð-
um hljóðfæraleikurum og þeir
flmm sem tilnefndir eru í hvorn
flokk geta allir búist við að bera
stoltir heim kuðung eftir kvöldið.
Fimm lagahöfundar eru til-
nefndir: Jóhann Helgason, Gunnar
Hjálmarsson, Björn Jörundur
Friðbjörnsson, Jóel Pálsson og Vil-
helm Anton Jónsson - allir færir
menn og sigurstranglegir. Fimm
tilnefningar eru einnig í flokki
besta textahöfundarins: Megas,
Bubbi, Kristján Hreinsson, Stefán
Hilmarsson og dúettinn Súkkat.
Það er kannski erfitt að gera upp á
mflli þessara stórsnillinga en það
verður þó gert í kvöld og einhver
fær kuðung á náttborðið.
Hver skaraði fram úr á djass-
sviðinu og telst djassleikari árs-
ins? Hvaða klassíska plata var
best að mati fólks og fræðinga?
Hvað tónlistarviðburður verður
talinn hafa staðið upp úr? Hver
fær heiðursverðlaunin? Og síðast
en ekki síst: Hver verður talinn
vera bjartasta vonin? Þar stendur
hver silkihúfan upp af annarri og
ógjörningur að spá einhverju. Til
greina kemur rokk 200.000 nagl-
bíta frá Akureyri, fúnk Funkmast-
er 2000, tölvupopp Bang gang dúós-
ins, grunnskólapönk Ragnars Sól-
bergs og tölvurokk Ensíma. Ekki
kemur til greina að láta sig
dreyma um úrslitin í þessum
flokki. Það kemur í ljós á Grand
Hóteli i kvöld eins og öll hin úr-
slitin. Mundu bara: Allt getur
gerst! -glh
TÓNLISTARVERÐlALININ 1999
<V)
Dagskráin hefst ki. 19
Fordrykkur
Forréttur: ítölsk sjávarréttasúpa
Adairéttur: Fylltar kjúklingabringur
Eftirréttur: Súkkulaöitriffle
Veitt verða hin íslensku tónlistarverðlaun og gullplötur afhentar.
Margir af helstu tónlistarmönnum landsins koma fram.
I SJÓNVARFfÐl
Fylgist meö sjónvarpsþætti um verölaunahátiöina
í Sjónvarpinu á laugardagskvöld
Aðstandendur Islensku tónlistarverðlaunanna eru
itt mt
Islensku tónlistarverðlaunin njóta styrks íönaðar- og víðskiptaráóuneytis
Landsbanki íslands gefur verðlaunagripina.