Dagblaðið Vísir - DV - 11.03.1999, Síða 10
10
FIMMTUDAGUR 11. MARS 1999
Spurningin
Hvernig sérðu
2000-vandann fyrir þér?
Hulda Björk Sigurðardóttir: Ég
held það verði pólskipti.
Ásmundur Gilsson verslunar-
maður: Það verður enginn vandi.
Ég og vinir mínir í Voltron ætlum
að bjarga þessu.
Valgerður Einarsdóttir nemi:
Þetta verður ekkert spes. Ég held að
það verði meiri taugaveiklun en
tæknivandamál.
Ásbjörg Einarsdóttir, 8 ára: Ég
held að aliar tölvur stoppi.
María Björgvinsdóttir nemi: Tölv-
umar bila og allt fer í vaskinn.
Þorsteinn Kristjánsson lyftara-
maður: Ég held það verði lítið
vandamál hérlendis. Verður ekki
búið að fyrirbyggja þetta allt?
Lesendur
Breiðbandið, fjar-
skiptakerfi framtíðar
„Útsending sjónvarpsefnis í breiðvarpinu er aðeins fyrsta skrefið í þróun á
þjónustu um breiðbandið." - Frá opnun Breiðbands Landssíma íslands
snemma si. árs.
Ólafur Þ. Stephensen, forstöðmn.
upplýsinga- og kynningarmála
Landssíma íslands, skrifar:
Stefán Guðmundsson skrifar les-
endabréf í DV fostudaginn 26. febrú-
ar undir fyrirsögninni „Skugga-
baldrar Landssímans". Heldur Stef-
án því fram að forsvarsmenn Lands-
simans hafi í fjölmiðlum sagt ósatt
um rétt breiðvarpsins til að endur-
varpa norrænum sjónvarpsrásum.
Jafnframt segir hann Landssímann
brjóta viljandi á höfundarrétti „til
þess að geta réttlætt milljarða króna
fjárfestingu í Breiðbandinu og
Breiðvarpinu." Þessar ásakanir eru
fráleitar í alla staði.
í fyrsta lagi var samningur
Landssímans við Telenor Satellite
Services í Noregi um endurvarp
norrænna sjónvarpsstöðva yfirfar-
inn, m.a. hvað varðaði höfúndar-
rétt. Þennan samning gerði Lands-
síminn í góðri trú. Það voru samn-
ingar Telenor við norrænu stöðv-
amar sem ekki reyndust fullnægj-
andi, eins og fyrirtækið hefur sjálft
rakið í opinberri yfirlýsingu sem
send var íslenskum fjölmiðlum 12.
febrúar síðastliðinn. Landssiminn
braut ekki viljandi á höfundarrétti,
enda var endurvarpi norrænu
stöðvanna hætt tímabundið þegar
athugasemdir bárust frá stjómend-
um surnra stöðvanna vegna höfund-
arréttarmála.
í ööm lagi voru engar ósannar yf-
irlýsingar gefnar í fjölmiðlum um
stöðu málsins og frásögn Stefáns af
sjónvarpsviðtali við undirritaðan á
Stöð 2 er jafnfjarri sanni og aðrar
ásakanir bréfritara sem erfitt er aö
sjá hvaða tilgangi eiga að þjóna.
Samskipti Landssímans við nor-
rænu sjónvarpsstöðvamar hafa ver-
ið góð og em allir aðilar staðráðnir
í að tryggja að innan skamms fái ís-
lendingar að sjá norrænt sjónvarp
eins og aðrir Norðurlandabúar þeg-
ar álitamál vegna höfundarréttar
hafa verið leyst.
í þriðja lagi þarf Landssíminn
ekki á þvi að halda að réttlæta fjár-
festingu sina í breiðbandinu með
vafasömum aðferðum, eins og Stef-
án gefur í skyn. Breiðbandið er fjar-
skiptakerfi framtíðarinnar, enda fer
eftirspurn eftir bandbreidd sífellt
vaxandi.
Útsending sjónvarpsefnis í Breið-
varpinu er aðeins fyrsta skrefið í
þróun á þjónustu um breiðbandið,
því að í framtíðinni verður breið-
bandið eitt helsta gagnaflutnings-
kerfið fyrir sjónvarp, útvarp, tölvur
og síma, bæði myndsíma og talsíma.
Með breiðbandinu mun í framtíð-
inni gefast kostur á gagnvirku sjón-
varpi, þáttasölusjónvarpi, heima-
bíói eftir pöntunum og annarri
þjónustu. Eingöngu hugmyndaflug
manna og hraði í tækniframfomm
setja breiðbandi framtíðarinnar
skorður.
Ogmundur og „nýi
krataflokkurinn"
Lára, félagi í BSRB skrifar:
Það er ýmislegt sem maður upp-
götvar þegar legið er í veikindum
heima að degi til. Þá horflr maður
m.a. á sjónvarp frá Alþingi. Ég vissi
t.d. ekki fyrr að formaður þeirra
samtaka sem ég er í, BSRB hefði sér-
staka andúð á okkur félögunum sem
eru og hafa alltaf verið kratar. Ég
hef hins vegar aldrei heyrt hann tala
nema hjá BSRB og þar segist hann
vera formaður okkar allra.
Nú horfði ég á formanninn tala á
hinum vinnustaðnum, Alþingi, þar
sem hann beinlínis bunaði úr sér
með mikilli fyrirlitningu, að mér
fannst, orðunum „nýi krataflokkur-
inn“ - og átti við Samfylkinguna. Ég
hélt að einu sinni hefði hann haft þá
skoðun að vinstri flokkarnir ættu að
sameinast. En það var kannski bara
á meðan hann var bara formaður
BSRB.
Ég studdi Ögmund Jónasson, en
ég vissi ekki að hann hefði einhverja
sérstaka andúð á mér sem félaga í
BSRB. En ég er krati og styð Sam-
fylkinguna. Ég trúi því að það sé
hagur okkar, launafólksins, að Sam-
fylkingin verði öflug. Það er því
skrýtið að forsvarsmaður launafólks
telji þetta nýja stjórnmálaafl helsta
andstæðing sinn. Eða kannski eru
það bara við, kratar. Okkar störf
hafa þó ekki verið afþökkuð innan
bandalagsins, frekar en annarra.
Unglingurinn er eins og hann er
Konráð Friðfinnsson skrifar:
Skilningur mannsins er takmark-
aður. Hver veit hvert lífsins vegur
liggur? Og vegna þess að maðurinn
er ekki alltaf skynsamur í vali fer
líka stundum illa. Ekki síst fyrir
þær sakir að mörgum reynist erfitt
að leita ráða hjá öðrum. - Ungling-
ur, sem til að mynda er farinn að
hugsa um of til hins „ljúfa lífs“, get-
ur meö öllu læknast af hugsana-
brengli sínu með þeirri einfóldu að-
ferð að leita til einhvers einstak-
lings sem reynslu hefur af málun-
um.
En unglingur er ávallt eins og
hann er. Og reynsluheimur hans er
yilÍÖ'íOGMi þjónusta
allan
i sima
5000
lli kl. 14 og 16
„Unglingurinn okkar á betra skilið en að lenda í klóm
vímuefna. Það verður því að fræða hann, og besti
kennarinn í þessu efni er maðurinn með reynsluna." -
Frá fundi um fíkniefnamál. Árni Einarsson leiðbein-
andl.
ekki stór. Að vísu hefur hann séð
drukkna karla og konur þar sem
þetta fólk situr, stundum skitugt og
illa til reika og allur glampi burt úr
augum þess. En að „svona“ geti
hent hann í eigin kringumstæðum,
það er fjarri
þankagangi ung-
lingsins. Hann
hefur nefnilega
dregið upp eigin
mynd af heimin-
um sem togar sí-
fellt fastar í hann.
Síðan lætur
hann undan löng-
un sinni, kemst
yfir áfengi og tek-
ur fyrsta sopann.
Unglingurinn hef-
ur tekið stefnuna
á bekkinn, og
meiri líkur en
ekki eru til að þar
lendi hann eftir
ákveðinn ára-
fjölda.
Hörmungarsaga
drykkjumannsins,
saga alkóhólist-
ans er saga ósigra
og óráðsíu í flestum hugsanlegum
myndum. En unglingurinn okkar á
betra skilið en að lenda í klóm
vímuefna. Það verður því að fræða
hann, og besti kennarinn í þessu
efni er maðurinn með reynsluna.
Furðuleg frétta-
stofa RÚV
Ari hringdi:
Ég held að fréttastofa Ríkisút-
varpsins, hljóðvarps, sé orðin yfir
sig slöpp í fréttaöflun, það tekur
því varla aö opna kl. 19 heldur bíða
bara eftir sjónvarpsfréttum á
tveimur stöðvum. Ég tek dæmi um
fréttir kl. 19 sl. mánudagskvöld. Þá
voru fyrstu fréttirnar tvær um slys.
Sú fyrri um nauðaómerkilegt slysa-
skot refaskyttu í fót á sjálfum sér.
Alvön refaskytta, sagði í fréttinni.
Sú síðari um mann sem fékk vír í
gegnum fótinn. Hún var jú alvar-
legri. En þetta eru nú ekki fréttir
til að setja sem fyrstu fréttir í aðal-
fréttatímanum. Eða er það? Og svo
eru það sunnudagsfréttir á morgn-
ana kl. 9 (kannski á laugardögum
líka?) þar er ekki ein einasta inn-
lend frétt lengur. Bara lesið af
„faxi“ eða öðrum strimli það sem
berst upp í hendumar!! - Þetta er
ekki fréttastofa lengur.
Veiðar á verð-
lausri vöru
Alfreð skrifar:
Nú er loönuvertíð og dágóð veiði.
En varan er verðlítil eða verðlaus.
Þeir einu sem fá eitthvað út úr
veiðunum eru sjómennimir sem
halda sínu. Útgerðir og þjóðarbúið
situr uppi með mjöl og lýsi, því er
bara pakkað og sekkjað og jafnvel
sent utan til geymslu þar til ein-
hver og einhvern tima hefði hug á
að bjóða í einhvem hluta birgð-
anna. Ég er kvíðinn vegna verð-
lækkana á loðnumjölinu og lýsinu.
Það verður ekki mikið um bílakaup
í ár ef loðnusala bregst. Heldur
ekki utanlandssiglingar né boð í
húseignir, hvorki í vestnrbænum
né í Breiðholtinu. Ég hvet stjórn-
völd að grípa nú þegar til neyðarúr-
ræða í efhahagsmálum með því t.d.
að skammta gjaldeyri eða leggja á
hann svo sem 20% aukaálag til að
stemma stigu við útstreymi hans.
Munur væri nú hefðum við okkar
mynt í dollumm eða evrunni. En
þetta gengur ekki lengur til svona.
Stækkun Leifs-
stöðvar óþörf
Björn Sigurðsson skrifar:
Ég er yfir mig undrandi á því að
enn skuli vera haldið áfram með
hugmyndina um stækkun Leifs-
stöðvar á Keflavíkurflugvelli.
Kaupa tillögur frá hinum og þess-
um (engin þeirra þó fyllilega hæf,
samkvæmt fréttum) og svo tvær
aukatillögur, bara upp á punt, aðra
frá fyrrverandi húsameistara rikis-
ins fyrir 500 inilljónir króna. Hvers
konar ráðslag er hér á ferðinni?
Það er engin þörf á stækkun Leifs-
stöðvar, þar er engin umferð
lengstan hluta sólarhringsins og
verður aldrei. Nema þá að innan-
landsflugið flytjist til Keflavíkur,
sem væri skynsamlegt. Þá skal ég
sem skattborgari samþykkja stækk-
un á flugstöðinni. Fyir ekki.
ÁTVR í fata-
hreinsun
Olga skrifar:
Nú hefur Fatahreinsunin Þernan
á Dalvík skotið öllum einkaversl-
unum landsins ref fyrir rass með
því að taka til sín útsölu ÁTVR á
öllum tegundum áfengis sem ann-
ars þykir vert að senda út á lands-
byggðina til sölu. Hvergi er eins
góð þjónusta viö þá sem vilja kaupa
áfengi í lausasölu og á Dalvík, og
reyndar á Ólafsfirði lika. íslenskir
ráðherrar og ríkisstjóm ásamt
heilagsandakúnni Alþingi, vilja
ekki fyrir nokkurn mun leyfa sölu
á léttvíni og áfengu öli í fullkomn-
ustu stórmörkuðum með matvæli á
höfuðborgarsvæðinu, en i fata-
hreinsun á Dalvík, í barnafata-
verslun á Húsavík (ef ég man rétt)
og í einhverri annarri verslun
óskyldri áfengi úti á landsbyggð-
inni má selja guðaveigar. Svei lýð-
ræðinu og fullveldinu á íslandi sem
birtist í svona óskapnaði. Nei, má
ég heldur biðja um að fara aftur
undir Dani.