Dagblaðið Vísir - DV - 01.06.1999, Qupperneq 6

6
ÞRIÐJUDAGUR 1. JÚNÍ 1999
Viðskipti
Þetta helst: ... Viðskipti á Verðbréfaþingi 1.245 m.kr. ... Húsbréfaviðskipti 530 m.kr. ... Bankavíxlar 477
m.kr. ... Mjög lítil hlutabréfaviðskipti á Verðbréfaþingi. ... Mest með bréf Samherja 20 m.kr.
...Tryggingamiðstöðvarinnar 9 m.kr. ... Gengi bréfa breytist lítið ... Úrvalsvísitala hækkar um 0,07%. ...
Hækkun bifreiðatrygginga hækkar neysluverðsvísitölu:
Neysluverðsvísitala
hækkar um 0,5%
ef spár rætast
Neysluverðsvísitala hækkar um
0,5% á ársgrundvelli vegna hækk-
unar á bifreiðatryggingum sem
tryggingafélögin kynntu fyrir helgi.
Þetta er byggt á lauslegu mati
þeirra sérfræðinga sem stunda
verðbólguspár og með því að skoða
hlutdeild bifreiðatrygginga í neyslu-
verðsvísitölunni. Ef þessi spá reyn-
ist rétt getur þetta haft víðtækar af-
leiðingar, þó svo að þær komi ekki
fram strax. Hagstofa íslands er
þessa dagana að gera neyslukönn-
um fyrir maí og þessi hækkun mun
ekki koma fram í henni. Því mun
áhrifa þessarar hækkunar ekki
gæta í vísitölutryggðum fjárskuld-
bindingum strax.
Vægi trygginga í heild sinni er
um 2,5% í neysluverðsvísitölunni
og bifreiðatryggingar vega þar um
1,6%.
Það þýðir að ef miðað er við 36%
hækkun bifreiðaiðgjalda fáum við
um 0,5% hækkun á vísitölu neyslu-
verðs. Gráa svæðið liggur í því
hvemig og hvenær þetta kemur inn
í vísitöluna.
Aukin verðbólga
Samkvæmt verðbólguspám Seðla-
bankans verður verðhólga á þessu
ári 2,8% frá ársbyrjun og 2,4% milli
ársmeðaltala. Inni í þeim tölum var
ekkert gert ráð fyrir neinni hækkun
á tryggingum. Hagfræðingar Seðla-
bankans sögðu í samtali við DV í
gær að að næsta verðbólguspá bank-
ans kæmi út í ágúst og þá yrðu
áhrif þessarar hækkunar komin
betur fram en þeir vildu að svo
stöddu ekki tjá sig frekar um málið.
íslandsbanki birti fyrir helgi nýja
verðbólguspá sem gerði ráð fyrir að
verðbólga á árinu yrði 3,4% og ykist
um 2,6% milli ársmeðaltala. Þetta
er nokkm hærra en Seðlabankinn
gerði ráð fyrir en þess ber að geta
að íslandsbanki gerði ráð fyrir
nokkurri hækkun á tryggingum þó
svo að þessi hækkun sé mun meiri.
Að sögn forsvarsmanna íslands-
banka er þessi hækkun meiri en
þeir áttu von á og líklegt sé að þeir
muni endurskoða verðbólguspána
fljótlega í ljósi þessara nýju tíðinda.
Neytendasamtökin hissa
Forsvarsmenn Neytendasamtak-
anna hafa lýst yfir miklum áhyggj-
um af þessum hækkunum. Jóhann-
es Gunnarsson formaður segist ótt-
ast að þessar hækkanir geti ýtt af
stað verðbólguhjólinu og að hækk-
animar geti orðið undanfari frekari
hækkana á öðmm sviðum.
Forsvarsmenn tryggingafélag-
anna taka allir í sama streng og
segja þessar hækkanir vera óljúfa
nauðsyn sem til sé komin vegna
nýrrar skaðabótalöggjafar. Enn
fremur hafa bílatryggingar gengið
frekar illa undanfarið og er hluti
hækkunarinnar til kominn vegna
þess.
Hins vegar verður að hafa ákveð-
inn fyrirvara á þeirri spá sem hér
er birt. Töluverð óvissa er fólgin í
þeim en þó em flestir sérfræðingar
sammála um að hækkun neyslu-
verðsvísitölunnar geti orðið í kring-
um 0,5%.
-BMG
Kaupfélagið
hreppti Brúar-
torgslóðina
DV, Borgarbyggð:
Bæjarstjóm Borgarbyggðar sam-
þykkti á aukafundi í fyrrakvöld að
ganga til viðræðna við Kaupfélag
Borgfirðinga um hyggingarsvæði
sunnan Brúartorgs í Borgamesi sam-
kvæmt fyrirliggjandi deiliskipulagstil-
lögu um það svæði og með fyrirvara
um nauðsynlegan kynningarferil skv.
skipulagslögum. Jafnframt samþykkti
bæjarstjóm að unnið verði að áfram-
haldandi skipulagi fyrir aðra þá aðila
sem sótt hafa um lóð á þessu svæði en
það em Baugur, Skeljungur, sem sótt
hefur um stækkun á lóð, Borgarverk
og hópur rekstraraðila í Borgarnesi.
Mjólkursamlag KS:
Hagnaður 30 milljónir 1998
DV, Skagafiröi:
Mjög góð útkoma varð á rekstri
Mjólkursamlags Kaupfélags Skag-
firðinga á síðasta ári og Snorri Ev-
ertsson mjólkursamlagsstjóri segir
stöðu samlagsins sterka. Hagnað-
urinn varð um 30 milljónir og af
honum fá bændur greiddar tæp-
lega 20 milljónir í uppbót á innlegg
sín á síðasta ári, en þau voru þau
mestu í sögu Mjólkursamlag Skag-
firðinga, 9 milljónir, 638 þúsund
lítrar. Innleggið jókst um 6,11%
milli ára eða um 555 þúsund lítra.
Að sögn Snorra Evertssonar
mjólkursamlagsstjóra hefur búun-
um fækkað á síðustu árum en jafn-
framt hafa þau stækkað. Bændur
hafa verið að auka við sig í kvóta
og hefur kaupfélagið hvatt bændur
til að fara þessa leið til hagræðing-
ar og jafnframt aðstoðað þá að
hluta til við það.
Mjólkurframleiðsla á svæði
MKS hefur vaxið ár frá ári síðan
1992. Innleggjendur hjá Mjólkur-
samlagi KS í dag eru 96 talsins og
að sögn Snorra þar margir stórir,
en stærsta mjólkurbúið í firðinum
í dag mun vera Keldudalsbúið í
Hegranesi með 186.000 lítra kvóta.
Sem kunnugt er hafa afurða-
stöðvar hér í nágrenninu verið að
í viðræðum um samstarf, en KS
hefur ekki sýnt þeim viðræðum
áhuga. Aðspurður sagði Snorri Ev-
ertsson að það þýddi samt ekki
það að forráðamenn MKS væru
ekki að velta málum fyrir sér og
huga að framtíðinni, þó svo að
þeir sæju ekki hag í því að taka
þátt í viðræðum, SAH, KEA og KÞ.
-ÞÁ
viðslcipta-
molar
Breytt Úrvalsvísitala
Ný samsetning Úrvalsvísitölunn-
ar verður kynnt í síðasta lagi 10.
júní. Samkvæmt grófri áætlun sér-
fræðinga Kaupþings munu 5 ný fyr-
irtæki koma inn í vísitöluna en þau
eru Fjárfestingarbanki atvinnulífs-
ins, Landsbankinn, Búnaðarbank-
inn, Tryggingamiðstöðin og Olíufé-
lagið. Síldarvinnslan, Hraðfrystihús
Eskiíjarðar, Jámblendifélagið, SR-
mjöl og Vinnslustöðin munu í stað-
inn detta út úr vísitölunni.
Evran í sögulegu lágmarki
Evran er nú lægri en nokkm sinni
fyrr og hefur hún fallið um 11,4%
gagnvart dollar frá áramótum. Lækk-
unin nemur 4,5% gagnvart íslensku
krónunni. Hans Tietmeyer, banka-
stjóri Þýska seðlabankans, sagði að
gripið yrði til aðgerða til að styrkja
evrana en margir sérfræðingar telja
að svo verði ekki.
Stóraukin erlend verð-
bréfaviðskipti
Það sem af er þessu ári hafa
viðskipti með erlend verðbréf
aukist mjög hér á landi. Sérfræð-
ingar Kaupþings hf. benda á að á
fyrstu fjórum mánuðum ársins
hafi erlend verðbréfaviðskipti
numið 37 milljörðum króna. Það
er um 80% miðað við sama tíma-
bil í fyrra en þá námu viðskiptin
aðeins 20 milljörðum.
Níu milljóna tap
hjá Landmælingum
DV, Akranesi:
Níu milljónaa króna tap varð af
rekstri Landmælinga íslands á sið-
asta ári, samanborið við 5,3 millj-
óna króna hagnað árið 1997 og 10
milljóna króna tap árið 1996. Tekj-
ur af sölu korta minnkuðu um 6
milljónir á milli ára eða um 4,5%
og alls urðu tekjur stofnunarinnar
með framlagi ríkissjóðs 172 milljón-
ir. Framlag ríkissjóðs hækkaði úr
92 milljónum í 129 milljónir eða um
44%. Heildargjöld stofnunarinnar
voru 181 milljónir og var því
rekstrartap af starfseminni 8,9
milljónir. Laun og tengd gjöld
hækkuðu um 12 milljónir, húsnæð-
iskostnaður 12 milljónir, eignakaup
meðal annars vegna flutninga
stofnunarinnar upp á Akranes um
16 milljónir. Útistandandi við-
skiptakröfur voru 3,9 milljónir í
árslok. í reikningunum stofnunar-
innar er ekki tekið tillit til birgða
eða birgðabreytinga. -DVÓ