Dagblaðið Vísir - DV - 01.06.1999, Page 12

12
ÞRIÐJUDAGUR 1. JÚNÍ 1999
Spurningin
Hvernig tónlist líkar þér
best?
Davíð Svansson, 14 ára: Bara
svona eins og Kom.
Agnar Freyr Gunnarsson, 14 ára:
Mér finnst þungarokk best og er
hljómsveitin Kom í uppáhaldi.
Ninna Davíðsdóttir nemi: R og B
eða Rhythm and Blues.
Arna Huld Sigurðardóttir nemi:
Gömul tónlist. Útvarpsstöðin Gullið
er til dæmis fm.
Pétur Öm Gunnarsson, 12 ára:
Rapp og popp og R and B. Nas er í
uppáhaldi.
Daníel Arnar Guðjónsson, 13 ára:
Mér finnst rapp-tónlist best og eru
margar hljómsveitir í uppáhaldi.
Lesendur______________________
Fréttatengdar sjón-
varpsauglýsingar
- mismunur á samkeppnisaöstööu
:.
: SK *
. V áí•
m .. 4 .
■ íf ijá'- , t 'ííE&l:
% ir*’1
Bréfritari saknar þáttanna með David Lettermann sem Skjár 1 var neyddur
til að taka af dagskrá vegna þess að hann var ótextaður.
Gísli Jónsson skrifar:
Ég las grein í Mbl. fimmtudaginn
27. maí sl. með yfirskriftinni „Lokað á
David Letterman". Mér þótti það mið-
ur þegar sjónvarpsstöðin Skjár 1 var
neydd til að taka þennan þátt af dag-
skrá. Ég hef horft á nánast hvem þátt
og taldi hann eitt besta efni sem var í
boði i íslensku sjónvarpi og merkilegt
að það skuli vera á sjónvarpsstöð í
einkaeigu. Mér þótti allt í lagi að þátt-
ur þessi væri ótextaður, því betra
fannst mér að hafa nýja og ferska
þætti.
Samkvæmt ofannefndri grein var
þetta sama útsending og varnarliðið á
Keflavíkurflugvelli fékk og væntan-
lega margir aðrir um gjörvalla Evr-
ópu því annars hefði þurft að sýna
þáttinn um miðja nótt vegna tímamis-
munar. Fyrir mér er þetta bein út-
sending því þetta er sending frá
Bandaríkjunum. Að bera fyrir sig
þýðingarskyldu finnst mér hæpið í
þessu tilfeÚi þegar fjöldi sjónvarps-
stöðva á enskri tungu.er í boði hér á
landi.
Ég er sammála forsvarsmanni
Skjás 1 að þarna sé um að ræða mis-
mun á samkeppnisaðstöðu þar sem
stóru sjónvarpsstöðvunum leyfist það
sem hinum minni leyfist ekki. Hann
nefnir einnig að samkvæmt útvarps-
lögum megi ekki hafa auglýsingar í
fréttaþáttum eða fréttatengdu efni og
vitnar þar í 4. grein útvarpslaga.
Ég fletti þessum lögum upp á Net-
inu og þar segir í 4. grein: „Óheimilt
er að skjóta auglýsingum inn í útsend-
ingu á guðsþjónustu eða trúarlegri
dagskrá, fréttum eða fréttatengdum
dagskrárliðum eða dagskrá fyrir
börn.“ Því spyr ég: Er t.d. þátturinn
19>20 á Stöð 2 ekki fréttir eða frétta-
tengdur þáttur? í 19>20 eru a.m.k. 4
auglýsingatímar, auk veðurfrétta sem
eru kostaðar af símafyrirtæki. Eru
fréttatími Sjónvarps og veðurfrétta-
tíminn ekki einn og sami þátturinn?
Síðar í greininni í Mbl. er vitnað í
formann útvarpsréttarnefndar sem
segir lög ekki brotin í þessum frétta-
þáttum. Hann segir: „Það er heimilt
að hluta fréttatima í sundur með öðru
efni. Það hefur ekki verið talið að
þarna væri verið að rjúfa fréttaút-
sendingu með auglýsingum." Úr
þessu svari formannins get ég ekki
lesið annað en að hann sjái engar aug-
lýsingar í þessum fréttaþáttum og þar
af leiðandi sé þetta í lagi. En kannski
er þarna verið að vemda einhverja?
Þess má geta þegar litið er á verð-
skrár Stöðvar 2 og RÚV á Netinu eru
fréttaþættirnir eflaust stærstu liðirnir
í tekjuöflun þeirra, þótt ég geti hvorki
né vilji fullyrða það. En vilji menn
kynna sér útvarpslögin á Netinu er
slóðin http://www.media.is/ut-
varpsrn. Ég er viss um að mörgum
verða þau skemmtileg lesning.
Milliríkjaviðskipti með búvörur
- í klemmu hjá WTO
L.Á. skrifar:
Það er einkennilegt að nú á tím-
um skulum við íslendingar enn
sitja á bekk með þjóðum sem vara
við alfrjálsum viðskiptum með bú-
vörur. Á fundum Alþjóðaviðskipta-
stofnunarinnar (WTO) um milli-
ríkjaverslun með landbúnaðarvörur
eram við íslendingar í hópi þeirra
þjóða sem vilja höft og viðskipta-
hindranir í milliríkjaviðskiptum
með búvörur. Þetta tengist að sjálf-
sögðu hinni gjörónýtu hugmynd að
telja að íslenskar sveitir fari í eyði
og landbúnaður leggist af ef eitt-
hvað losnar um takmarkanir á inn-
flutningi búvara. Hvað þá væri
hann gefinn frjáls aö fullu.
Lönd eins og Nýja-Sjáland, Ástr-
alía, Kanada, Argentína og fleiri
vilja aflétta öllum höftum á verslun
með landbúnaðarafurðir. Það ætti
lika að vera stefna okkar íslend-
inga. Vonandi berum við gæfu til að
losna undan klafa hafta og skrifræð-
is á nýbyrjuðu kjörtímabili. Til þess
er horft af þorra þjóðarinnar.
Fjárfestar skila sér seint
Einu sinni var það ylrækt í Hveragerði þar sem hollensk fyrirtæki í blómarækt
kæmu með sína þekkingu en fjárfestarnir virðast skila sér seint og illa. - Líf-
ræn kynning hjá Garðyrkjuskólanum í Hveragerði.
Einar Ólafsson skrifar:
Hvað skyldi vera langt síðan að
farið var að ræða um það í alvöru -
af alvöru spekúlöntum í fjármálum
- að hingað til lands mætti að laða
erlenda fjárfesta sem nýttu land-
kosti (þ.m.t. jarðhita, vatnsorku,
o.íl.) og þá ekki sist „legu landsins"
(eins og það er enn orðað) tO að
setja hér niður fyrirtæki sín eða úti-
bú frá öflugum móöurfyrirtækjum í
heimalandi þeirra? Einu sinni var
það ylrækt í Hveragerði þar sem
hollensk fyrirtæki í blómarækt
kæmu með sína þekkingu, þá hótel-
keðjur sem ætluðu að setja upp úti-
bú hér og Japanar vildu setja hér
upp samsetningu á bílum sínum
sem átti svo að selja til Ameríku.
Það stóð hins vegar á fjárfestun-
um. Það hafa í raun engir komið
aðrir en þeir sem eiga í álverinu í
Straumsvík og tvö önnur stórfyrir-
tæki sem tengjast jámblendinu á
Grundartanga og kísilgúrnum úr
Mývatni. Og það stendur enn á fjár-
festunum. - Það mun taka mörg ár
að fá erlenda fjárfesta, segir fram-
kvæmdastjóri Verðbréfastofunnar á
fundi sem haldinn var hér nýlega
um verömat og skráningu fyrir-
tækja á Verðbréfaþingi.
Fyrirtæki hér á landi era lítil á
alþjóðlegan mælikvarða og því er
erfitt að fá erlenda fjárfesta til að
auka við hlut þeirra og færa út
starfsemina. Markaðurinn er mjög
„þunnur“ og lítið af bréfum í boði í
fyrirtækjunum, eins og fram-
kvæmdastjóri Verðbréfastofunnar
orðar það.
Og hvemig ætti annað að vera, í
landi með um 260 þúsund hræður.
Það lofar ekki góðu að koma inn á
markað fyrir svo fámennan hóp
neytenda. Sá tími kann að koma að
hér komi þó eitthvað verulega eftir-
sóknarvert sem erlendir fjárfestar
sækjast eftir að leggja fjármagn sitt
í. - Kannski verður olían okkur til
bjargar eins og Færeyingum sem
sjá nú fram á olíuvinnslu að
nokkrum áram liðnum.
DV
Viðeyjarferðir
hefjast
- engin veröskrá
Ómar hringdi:
í fréttatilkynningu um Viðeyjar-
ferðir mátti lesa um sumaráætiun
Viðeyjaiferjunnar og eins tíma-
setningu brottfarar úr Sundahöfn
og úr Viðey. Einnig mátti lesa um
að veitingahúsið í Viðey opnaði
um helgina og þar mætti kaupa
síðdegiskaffi alla daga og jafn-
framt væri opið á kvöldin um helg-
ar. Það sem ég saknaði að'sjá ekki
í þessari fréttatilkynningu var
verðið. Fargjöldin með Viðeyjar-
ferjunni, því ég geri ekki ráð fyrir
að ferðirnar séu fríar. Eins mátti
geta þess hvað staðarskoðun með
leiðsögn kostar ef um það er að
ræða og jafnvel síðdegiskaffi. Það
eru ekki allir tilbúnir að fara með
fjölskyldunni, jafnvel þótt ekki sé
lengra en út i Viðey, án þess að
vita hver útgjöldin verða. Þetta er
mikið atriði og ætti að geta verðs
hvar og hvað sem auglýst er. Á
þessu er mikill skortur hér á
landi.
Samfylkingin
virðist mát
ÞórhaUur hringdi:
Ég tek undir lesendabréf
Hjartar í DV sl. fóstudag um
Samfylkinguna sem virðist gjör-
samlega mát eftir kosningarnar.
Frá henni heyrist hvorki hósti
né stuna og það er eins og þessi
stjómmálasamtök eigi heldur
ekki neina talsmenn lengm-. Ég
býð ekki í málflutning hennar í
stjómarandstöðu á komandi
þingi ef þetta er merki þess sem
koma skal frá Samfylkingunni.
Auðvitað er lítið hægt að tina til
í stjómarandsstöðu þessa dag-
ana þegar allir viröast ánægðir
með stöðu þjóðmálanna. Kvótinn
er útræddur og gagnagrannur-
inn samþykktur og viðurkennd-
ur af alíflestum Islendingum.
Þetta, ásamt ýmsu fleira, gerir
Samfylkinguna vissulega mát.
Fáir ráðherrar
landsbyggðar
GlsU skrifar:
Einhverjir furða sig líklega á
því hve fáir ráðherrar koma í
hlut landsbyggðarinnar, einkum
af hálfu Sjálfstæðisflokksins. En
þetta er í raun afar eðlilegt og
endurspeglar tímans rás. Það er
óeðlUegt að hlaða inn ráðherrum
fyrir landshyggðarkjördæmin
þar sem minni hluti landsmanna
býr. Eðlilegt er að Framsóknar-
flokkurinn hafi þama yfirburði
með landbúnaðarmálin að leið-
arljósi og stefnu sína í byggða-
stefnunni. En þróunin verður
ekki stöðvuð. Flóttinn frá lands-
byggðinni heldpr áfram og fleiri
eða færri ráðherrar breyta því
ekki. Ekki heldur úrelt og óvirk
byggðastefna. Fólkið vill í þétt-
býlið, það verður ekki þvingaö
til kyrrsetu í fásinninu.
Ekið úr Reykja-
vík í austurátt
Steindór Einarsson skrifar:
Ég fór frá Reykjavík laugard.
22. maí sem leið lá til Hvolsvallar
og er ekki í frásögur færandi
nema fyrir það að fjöldinn allur af
bílum ók fram úr mér og var ég
þó á milli 90 og 100 km hraða.
Ekki var einn einasta lögreglubíl
að sjá alla leiðina. Þetta fannst
mér furðulegt. Annað sem sló mig
þegar ég var á Miklubrautinni á
leið úr borginni voru tré sem eru
flestöll dauð. Þau ætti að höggva
niður sem fyrst. Þarna er um að
kenna mengun frá bílum sem aka
eftir brautinni. Setja mætti önnur
tré í staðinn, t.d. aspir eða ein-
hverja aðra tegund sem þolir
mengun betur. Víöa má sjá tré
meðfram fjölíomum ökuleiðum
sem era við það að drepast af
sömu orsökum.