Dagblaðið Vísir - DV - 15.07.2000, Síða 43

LAUGARDAGUR 15. JÚLÍ 2000
DV
Tilvera
Maturinn tilbúinn
undir miðnætti
Það er Birna Þórðardóttir sem
ætlar að gefa okkur innsýn í mat-
arlist sína þessa vikuna. Eins og
lesendur DV vita þá var það Sig-
ríður Stefánsdóttir sem skoraði á
hana í síðustu viku.
„Mér þykir heldur bratt af Sig-
riði vinkonu minni Stefánsdóttur
að fá mig sem matgæðing fyrir
DV.
Það er greinilegt að Sigríður
hefur ekki verið mjög svöng þegar
hún tók þessa ákvörðun, því eins
og allir mínir matargestir vita,
veit hún mætavel að það má eiga
von á langri, langri bið eftir mat.
- Stundum meira að segja hættu-
lega langri. Ég veit ekki hvort það
er ástæðan fyrir því að maturinn
bragðast svona vel, allir séu ein-
faldlega aðframkomnir af hungri.
En á endanum kemur maturinn
og kvöldverður er á þeim tíma
sem hann er tilbúinn, hvorki fyrr
né seinna. Og þetta lærist, oft af
biturri reynslu," sagði Birna
Þórðardóttir, er blaðamaður hafði
samband við hana. Að eigin sögn
hefur hún lítið tímaskyn þegar
kemur að matargerð og þeir sem
hafa komið oftar en einu sinni í
mat til hennar fá sér snarl áður
en lagt er af stað í matarboðið,
því biðin geti oft verið löng en þó
vel þess virði.
„Ég gleymi til dæmis aldrei
svipnum á Norðmönnunum sem
vinkona mín ein bauð í mat til
mín. Þau spurðu hvenær þau
ættu að mæta og ég svaraði að
það væri í fmu lagi einhvern tím-
ann eftir átta. Nákvæmlega fimm
mínútum yfir átta bönkuðu hinir
norsku gestir og urðu heldur
langleitir þegar þeir sáu mig vera
að undirbúa lambalærin sem átti
eftir að setja á grillið, sem vel að
merkja átti einnig eftir að kveikja
upp i. Maturinn var tilbúinn und-
ir miðnætti og bragðaðist að sjálf-
sögðu dægilega", sagði Birna.
Portkonupasta
Italir hafa pasta yfirleitt sem
forrétt, en ég bregð út af þvi og
býð upp á portkonupasta í aðal-
rétt. Rétturinn kemur frá Napólí
og er eins og nafnið bendir til
kenndur við portkonur. Ástæðan
er sú að þær höfðu oft og tíðum
lítinn tíma til að sinna húsverk-
unum og þessi pastasósa hefur þá
meginkosti aö vera fljótleg og
geymast vel, þannig að hægt var
að eiga hana tilbúna og grípa til
þegar stund gafst á milli striða.
Við skulum nota spagettí þeirra
sunnanmanna en ekki eggjapa-
stað að norðan. Númer eitt, tvö og
þrjú, þarf að gæta þess að ofsjóða
ekki pasta. Best er að smakka það
einni til tveimur mínútum fyrir
uppgefinn suðutíma og sigta vatn-
ið frá þegar spagettíin eru enn
agnarögn hörð í miðjunni, þau
linast í gegn í sósunni.
Spagettí þarf að sjóða í stórum
potti og bullsjóða allan tlmann.
Vatnið er saltað og olíu hellt í til
að spagettíin festist ekki saman,
þau á að lempa ofan í vatnið,
aldrei aö brjóta þau, og lyfta þeim
ofurvarlega í vatninu til að að
losa sundur. Mér finnst gott með
þessari sósu að nota aðeins af
kryddolíunni af sólþurrkuðu
tómötunum út í vatnið. Spaget-
timagnið fer eftir því hve margir
eru í mat og hversu mikið menn
borða, aðalatriðið er að hafa nóg!
En þá er það sósan, því það er
sósan sem gerir útslagið, eins og
sannaðist í Steiktum grænum
tómötum.
Basilíka í glugganum, nægur hvítlaukur á borðl og tóbaksjárn til aö saxa - klikkar ekki.
Ólífubrauð með afbrigð-
um
Portkonusósa
Slatti af ólífuolíu
8-10 hvítlauksrif
1 dós ansjósuflök
2 dósir niðursoðnir, ítalskir
tómatar
bolli af svörtum ólífum
slatti af kapers
steinselja
Olían er hituð. Ansjósuflökin
marin út í og smátt saxaður hvít-
laukurinn, alls ekki pressa hann.
Það þarf að gæta þess vandlega að
olían ofhitni ekki. Þetta mallar í
smástund, tómatarnir maukaðir
og settir út í með safanum.
Kapersin söxuð smátt, ólífurnar
skornar niður og þessu bætt út í.
Þetta sýður í nokkrar mínútur,
ekki of groddalega. Best er að
smakka sósuna til. ■
Um leið og pastað er soðið er
því hellt í stóra skál, sósunni
yfir, blandað varlega saman til að
kremja ekki spagettíin, nýrri
steinselju stráð yfir og rjúkandi
rétturinn borinn á borö. ítallr
nota aldrei parmesan með þess-
um rétti, en ef einhverjum þykir
hann of sterkur má svo sem gera
slíkt.
Brauð þetta er ættað frá Krít
og höfugt eftir því. Þessi upp-
skrift nægir í fjóra væna brauð-
hleifa.
500 g hvítt hveiti
500 g heilhveiti
100 g þurrger
2 tsk. salt
12 matskeiðar óiífuolía, helst
jómfrúar
400 g laukur, mjög fínt saxað-
ur
200 g saxaðar ólífur, fallegra
að hafa bæði svartar og græn-
ar
3 msk. saxað, ferskt rósmarín
nokkrir kryddlegnir, sól-
þurrkaðir tómatar, niður-
saxaðir
1 msk. kryddlegið jalapeno,
niðursaxað
Gerið er leyst upp í volgu
vatni, helmingurinn af mjölinu í
skál, saltinu bætt í, gerblöndunni
og helmingnum af ólífuolíunni og
5 dl af volgu vatni. Nú er deigið
hnoðað og hnoðað, afgangsmjölið
hnoðað saman við þangað til
deigið verður lungnamjúkt og
sexí. Blautur klútur lagður yfir
og deigið látið hefast á hlýjum
stað. Afgangurinn af ólifuolíunni
hitaður, laukurinn mýktur í olí-
unni, gæta þess vel að olían of-
hitni ekki. Það sem eftir er sett í
olíuna. Öllu blandað saman við
deigið og hnoðað vel aftur, svolít-
ið klipið og kjassað. Deiginu
skipt í hleifa eða mótaðar lengj-
ur. Sett á olíuborna plötu, klútur
yfir og látið hefast í um klukku-
tíma. Olía borin á brauðin og þau
bökuð í 190" heitum ofni í um 25
mínútur. Það má slá á botninn á
þeim, heyrist tómahljóð eru þau
bökuð.
Buon appetito!
„Ég skora á Einar Ólafsson
skáld sem næsta matgæðing. Ein-
ar er ótrúlega nettur í matseld-
inni, honum hefur meira að segja
tekist að lokka fram ljúffengasta
fífla- og ranfangssalat þegar allar
bjargir voru bannaðar utan garð-
ar nágrannanna,“ sagði Birna að
lokum.
- og gestirnir aðframkomnir af hungri
„Lúxus“-veisluforréttur þegar
bjóða á heim góðum gestum.
Fyrir fjóra
1 kg humar í skel
Hvítlaukssmjör
100 g smjör
1 msk. söxuð steinselja
2 hvítlauksgeirar, smátt saxaðir
Mango salat
1 mango
1/2 jöklasalat
1 lítil rauð paprika
1/4 agúrka
10 vínber
6 ólífur
Bræðið smjörið í potti, bætið
hvítlauk og steinselju í og látið
sjóða í 2 mín. Humarskelin klofin í
tvennt eftir endilöngu, humarinn er
settur í bakka með skelhliðina nið-
ur. Penslið humarinn vel með hvít-
laukssmjörinu og grillið á vel heitu
grilli í 6 mínútur og snúið af og til.
Mango salat
Jöklasalat, agúrka og paprika
skorin niður og látin í skál. Afhýðið
mangóið og skerið í sneiðar, skerið
vínberin í tvennt og takið steinana
úr, blandið þessu saman í skálinni
ásamt ólífunum.
Meðlæti
Mangosalat og hvitlauksbrauð:
penslið fjórar brauðsneiðar með
svolitlu af hvítlaukssmjöri og grillið
hæfilega.
Svínakjöt á teini
Með dags fyrirvara - það þarf
líka að borða vel á morgun.
Fyrir fjóra.
800 g beinlaust svínakjöt, skorið
í 3 sm bita
safi úr 1 sítrónu
1 dl matarolia
3 msk. tómatmauk (puré)
2 tsk. hunang
3-5 dropar Tabascosósa
20 perlulaukar
1 litil dós ananas í bitum
1 1/2 tsk. salt
Salat
2-3 græn eph, kjamhreinsuð og
skorin í bita
1/2 jöklasalat
2 dl sýrður rjómi
Sítrónusafanum, ananassafanum,
matarolíunni, tómatmaukinu, hun-
anginu og Tabascosósunni blandað
vel saman. Kjötið sett í skál og leg-
inum hellt yfir, látið standa í kæli
yfir nótt. Þræðið síðan kjöt, lauk og
ananasbita á tein og grillsteikið í
u.þ.b. 15 mínútur, snúið öðru hverju
á meðan grillað er.
Meðlæti
Eplabitar í sýrðum rjóma og
smátt skorið jöklasalat.
Nykaup
Þarsemferskleikiwi býr
Uppskriftirnar eru fengnar frá Nýkaupi -
þar sem allt hráefni í þær fæst.