Dagblaðið Vísir - DV - 12.08.2000, Blaðsíða 8

8
Útlönd
LAUGARDAGUR 12. ÁGÚST 2000
DV
Niels Helveg Petersen
Danska utanríkisráðherranum líst
ekki nema mátulega á áform um
eldflaugavarnakerfi Bandaríkjanna.
Helveg vill sam-
þykki Rússa viö
eldflaugavörnum
Niels Helveg Petersen, utanríkis-
ráðherra Danmerkur, hefur varað
bandarísk stjórnvöld við því aö
koma upp eldflaugavarnarkerfi án
samþykkis Rússa.
„Gerist það óttast ég mjög afleið-
ingarnar," sagði utanríkisráðherr-
ann þegar hann hafði greint þing-
flokki vinstri radíkala frá áformum
Bandaríkjamanna sem snerta rat-
sjárstöðina í Thule á Grænlandi.
Mikil óánægja er meðal almennra
flokksmanna yfir því að þingflokk-
urinn skuli ekki fáanlegur til að
lýsa skýrt og skorinort yfir and-
stöðu sinni við flugskeytavarnimar.
Búist er við heitum umræðum á
fundi flokksstjórnarinnar eftir viku.
Breskir piltar fá
falleinkunn hjá
sendiherradóttur
Fimmtán ára dóttir bandaríska
sendiherrans í London er lítt hrifm
af breskum unglingspiltum, gefur
þeim reyndar falleinkunn.
„Ég er hrifin af enski sveit,
skosku Hálöndunum, kindunum í
Wales og umfram allt því að búa í
London. En þegar ég byrjaði að fara
út að skemmta mér komst ég að því
að breskir strákar eru algjörir aul-
ar,“ skrifar Mary-Catherine Lader í
grein í glanstímaritinu Tatler.
„Ég veit ekki hvort hægt er aö
eiga breskan strák að vini. Hann
spyr tveggja spuminga og finnst
hann þá eiga rétt á því að reka
tunguna í sér ofan í kok á manni."
Sprengingin í Moskvu
Rússneskt dagblað segir lögreglu
ekki útiloka að efhagsástæður liggi
að baki sprengjutilræðinu í vikunni.
Tilræðið í Moskvu:
Efnahagsástæður
ekki útilokaðar
Lögreglan í Moskvu útilokar ekki
að ástæður sprengjutilræðisins í
Moskvu, sem varð átta manns að
bana í Moskvu í vikunni, séu af
efnahagslegum toga. Dagblaðið
Kommersant sagði í gær, máli sinu
til stuðnings, að saksóknarinn, sem
færi með málið, rannsakaði alia
jafna efnahagsglæpi. Að sögn blaðs-
ins er hugsanlegt að baráttan um
verslanimar í fjölfömum undir-
göngunum sé ástæðan.
Lech Walesa hreinsaður fyrir rétti:
Njósnaði ekki
fýrir kommana
Lech Walesa, sem stofnaði verka-
lýðshreyfinguna Samstöðu sem bol-
aði kommúnistastjórninni í Pól-
landi frá völdum, var hreinsaður í
gær af öllum áburði um að hann
hefði njósnað fyrir leynilögreglu
gömlu fjandmannanna sinna.
Pólskur dómstóll úrskurðaði að
Walesa, sem varð fyrsti lýðræðis-
lega kjömi forseti Póllands, væri
ekki kjaftatífa. Walesa voru veitt
friðarverðlaun Nóbels fyrir baráttu
sína fyrir lýðræði í Póllandi. Walesa
gegndi forsetaembættinu á árunum
1990 til 1995.
Úrskurður dómstólsins fylgdi í
kjölfar uppljóstrana um samsæri
kommúnista um að varpa rýrð á
Walesa í augum nóbelnefndarinnar.
Hún gerir Walesa einnig kleift að
bjóða sig fram í forsetakosningun-
um sem verða haldnar í október.
Lech Walesa hreinsaður
Fyrrum forseti Póllands sést hér
meö lögmanni sínum fyrir rétti í Var-
sjá til að svara til saka um njósnir.
Hann nýtur þó lítillar lýðhylli nú.
„Ég haföi betur en þeir sem beittu
falsrökum og stunduðu falsanir.
Þetta var ótrúlegur og viðurstyggi-
legur leikur,“ sagði Walesa við
fréttamenn þegar hann yfirgaf rétt-
arsalinn.
Fulltrúar réttarins sögðu að þeir
hefðu undir höndum gögn úr innan-
ríkisráðuneytinu sem sýndu fram á
að leyniþjónusta kommúnistastjóm-
arinnar hefði átt við skjöl sín um
Walesa í þeim tilgangi að koma í
veg fyrir aö hann fengi friðarverð-
laun Nóbels.
Walesa, sem var rafvirki í skipa-
smíðastöðinni í Gdansk, fékk friðar-
verðlaunin árið 1983, ári síðar en
margir áttu von á. Hann stofnaöí
Samstöðu árið 1980 en hreyfingin
átti stærstan þátt í að hrekja komm-
únista frá völdum árið 1989.
Slegið á létta strengi á Kúbu
Kúbverski píanóleikarinn Ruben Gonzalez og söngvararnir Ibrahim Ferrer og Omara Fortuondo slá á létta strengi á
æfingu fyrir tónleika í Karl Marx-leikhúsinu í Havana á Kúbu. Tónieikarnir verða hinir fyrstu sem sveitin Buena Vista
Social Club heldur á Kúbu frá því samnefnd plata hennar fékk Grammy-verðlaunin í Bandaríkjunum.
Glímt við hið ómögulega á landsfundi demókrata:
Eiginkona og dóttir reyna
að mýkja ímynd Als Gores
Tvær konur, öðrum fremur, ætla
að leggja sitt af mörkum til að telja
bandarískum kjósendum trú um að
A1 Gore varaforseti sé besti kostur-
inn þegar kosið verður um forseta í
haust.
Eiginkona varaforsetans, Tipper
Gore, og elsta dóttir hans, Karenna
Gore Schiff, munu stíga fram fyrir
skjöldu á landsþingi demókrata í
Los Angeles eftir helgi og reyna að
mýkja aðeins ímynd Gores. Varafor-
setinn hefur annars orð á sér fyrir
að vera heldur stífur.
Karenna mun formlega leggja til
viö landsfundarfulltrúa að Gore
verði forsetaefni flokksins í ræðu
sem hún flytur á miðvikudagskvöld,
á besta tíma fyrir sjónvarpsstöðv-
arnar. Hér er nýnæmi á ferðinni þvi
Mjúkur maður, Al Gore
Tipper Gore, eiginkona bandaríska
varaforsetans, vill sýna þjóðinni að
maður hennar sé enginn spýtukall.
yfirleitt eru það aðsópsmiklir
bandamenn forsetaefnisins sem
stinga upp á því.
Karenna, sem er 26 ára og nýút-
skrifuð frá lagadeild Columbia há-
skóla, er að vísu einn helsti ráðgjafi
fóður síns.
Á fimmtudagskvöld mun Tipper
Gore syngja bónda sínum lof og
prís, ásamt öðrum úr fjölskyldunni
og vinum sem meðal annars kynnt-
ust Gore þegar hann kom heim til
Tennessee á sumrin.
„Stór hluti landsfundarins snýst
um að leyfa bandarísku þjóðinni að
kynnast frambjóðandanum. Það veit
á gott ef hún sér að hann á stórkost-
lega fjölskyldu, er vel kvæntur og er
fyrirmyndarforeldri,“ sagði Chris
Lehane, talsmaður Gores.
Stuttar fréttir
Auken þreyttur
Jafnaðarmaður-
inn Svend Auken,
umhverfis- og orku-
ráðherra Danmerk-
ur, er orðinn
þreyttur á þjóðarat-
kvæðagreiðslum.
Að sögn danska
blaðsins Politiken
vill Auken gjarnan að þjóðarat-
kvæðagreiðslan 28. september um
evruna, sameiginlegan gjaldmiðil
ESB, verði hin síðasta um ESB í
langan tíma.
Nýnasistar þögulir
Danskir nýnasistar vilja ekkert
segja um hvemig þeir ætli að halda
upp á dánardægur nasistaforingjans
Rudolfs Hess 19. ágúst. Norskum
nýnasistum hefur verið bannað að
ganga um miðborg Óslóar.
Veggjakrotarar í fangelsi
Dönsk yfirvöld taka nú mjög hart
á útlendingum sem koma til lands-
ins til að krota á danskar jámbraut-
arlestar. Ungir útlendingar hafa
verið dæmdir í fangelsi og til hárra
fjársekta fyrir uppátækið.
Vilja banna nýnasista
Nefnd þýskra embættismanna
kom saman í fyrsta sinn í gær til að
skoða hvort mæla eigi með því að
flokkur hægriöfgasinna verði bann-
aður með lögum.
Arafat fagnað í Moskvu
Rússneskir ráða-
menn tóku vel á
móti Yasser Arafat,
forseta Palestínu-
manna, í Moskvu í
gær en hvöttu hann
til að fara að öllu
með gát áður en
hann lýsti yfir
stofnun sjálfstæös ríkis. Afstaða
Rússa gerði að engu vonir Palest-
inumanna um stuöning Kremlverja,
hefðbundinna bandamanna Palest-
ínumárma.
Morðingi ófundinn
Lögreglan í Tailandi hefur engar
ákveðnar vísbendingar um hver
hafi myrt unga breska konu sem
var þar á ferðalagi.
Reynt að ná sáttum
Fulltrúar júgóslavneska hersins,
þar sem Serbar ráða lögum og lof-
um, og lögreglunnar í Svartfjalla-
landi hittust i gær til að reyna að
draga úr spennunni í Svartfjalla-
landi. Ráðamenn þar eru andstæð-
ingar Milosevics Júgóslavfuforseta.
Chavez kveður Saddam
Hugo Chavez, for-
seti Venesúela,
lauk heimsókn
sinni til Saddams
Husseins í írak í
gær. Bandarísk
stjórnvöld gagn-
rýndu Chavez harö-
lega fyrir heim-
sóknina og fordæmdi Saddam þau á
móti fyrir gagnrýni sína. Chavez
var fyrsti þjóðhöfðinginn til að
heimsækja Saddam frá þvi Flóabar-
daga lauk.
Bretum mistókst
Robert Mugabe, forseti Simb-
abves, sagði í gær að tilraunir Breta
til að einangra landið á alþjóðavett-
vangi vegna upptöku lands hvítra
bænda hefðu mistekist.