Dagblaðið Vísir - DV - 14.12.2000, Blaðsíða 14

14
FIMMTUDAGUR 14. DESEMBER 2000
Skoðun
DV
Spurning dagsins
Kaupirðu þér jólaföt?
Inga María Siguröardóttir nemi:
Já, ég kaupi mér alltaf ný jólaföt.
Brynja Gunnlaugsdóttir nemi:
Já, ég geri þaö alltaf.
Theodór Eggertsson, starfsmaöur
Kringlunnar:
Nei, þaö geri ég ekki.
Ellen Magnúsdóttir nemi:
Já, ég kaupi alltaf ný jólaföt.
Hjörleifur Guömundsson nemi:
Ég er þúinn aö kaupa jólaföt. Ég
keypti mér nýtt frá toppi til táar.
Díana Yr Ölafsdóttir nemi:
Nei, ég á svo flottan jólakjól frá því í
fyrra aö mig langar til aö nota hann
aftur þessi jól.
Lokun Reykjanesbrautar
- lögbrot og dólgsháttur
Siguröur B.
skrifar:
Um nokkurra ára skeiö hefur
mikiö verið talað um nauösyn þess
aö breikka Reykjanesbrautina eða
Keflavíkurveginn eins og þessi
braut er kölluð í daglegu tali. Vísað
er til margra slysa sem orðið hafi á
veginum allt frá því hann var lagð-
ur bundnu slitlagi áriö 1965. Til þess
að koma sjónarmiðum sínum á
framfæri gripu Suðurnesjamenn til
þess að loka veginum nú á dögun-
um. Um var að ræða algjörlega ólög-
lega aðgerð sem kom mörgu fólki
mjög illa.
Ég var að aka fólki til Leifsstöðv-
ar þar sem það átti pantað flug og
hafði ég tal af einum mótmælandan-
um og sagði honum að við yrðum að
komast í gegn til að missa ekki af
fluginu. Hann sagði það ekki sitt
mál viö skyldum tala við stjómvöld.
Okkar flug væri ekki hans mál.
Ljóst er að í þessum aðgerðum
fóru ofvirkir skæruliðar offari í lög-
brotum og dólgshætti. Það var hlá-
„Það er athyglisvert að mun
fleiri bílarfara um aðra
vegi landsins án sérstakrar
slysahœttu. Má þar nefna
Vesturlandsveg og ékki síst
Suðurlandsveg þar sem ekið
er við mun verri aðstœður
en á Keflavíkurveginum. “
legt að sjá Kristján Pálsson alþingis-
mann ganga um sem „hrók alls
fagnaðar" í miðjum hópi þessara
lögbrjóta í sömu andrá og hann lýsti
því við fjölmiðla að hann styddi
ekki ólöglegar aðgerðir. Jafnvel
þingmaðurinn Ámi Johnsen hefði
ekki hagað sér með þessum hætti.
Það er athyglisvert að mun fleiri
bílar fara um aðra vegi landsins án
sérstakrar slysahættu. Má þar
nefna Vesturlandsveg og ekki sist
Suöurlandsveg þar sem ekiö er við
mun verri aðstæður en á Keflavík-
urveginum. Á Suðurlandsvegi er
yfir fjallveg að fara auk þess sem
veður eru að jafnaði vályndari held-
ur en á Reykjanesinu og meira um
krappa hnúta sem bílarnir eru að fá
á sig. Það er því fráleitt að kenna
megi Keflavíkurveginum um þau
slys sem þar hafa orðið enda um
góðan og greiðfæran veg að ræða
sem búið er lýsa upp enda á milli.
Það er spuming sem menn verða
að velta alvarlega fyrir sér hvort
ökukennsla á Suðurnesjum sé hugs-
anlega ekki með nógu góðum hætti,
því vegurinn stenst samanburð við
allt það besta sem þekkist í vega-
málum hér á landi.
Eðlilegt væri að breikka Vestur-
landsveg á milli Reykjavíkur og
Mosfellsbæjar áður en kemur að
breikkun Keflavíkurvegarins.
Sömuleiðis hlýtur lýsing Suður-
landsvegar allt til Selfoss að koma á
undan. - Alþingismenn skyldu var-
ast að slá keilur með því að ala á óá-
nægju fólks og hræðslu með því að
nota hörmuleg slys sér til fram-
dráttar.
Réttindalausir feöur
Sandra
skrifar:
Þegar tveir aðilar eignast saman
(les: búa til) barn og slíta síöan sam-
bandi eða sambúð, hvemig í ósköp-
unum getur þá bamsfaðirinn, þó
svo að um sameiginlegt forræði sé
að ræða, verið algjörlega réttinda-
laus gagnvart bami sínu? Hann hef-
ur ekki einu sinni rétt tfl að sjá það
detti bamsmóðurinni í hug einn
góðan veðurdag að vera svolítið
leiðinleg?
ÖU þessi leiðindi, og það aðeins
út af því að einhverjir aðilar fyrir
áratugum síðan ákváðu að setja lög
um að móðirin væri rétthærri, hæf-
ari og mikUvægari en faðirinn! Eins
„Allir kannast við þá sögu,
að konan noti bam sitt
gegn karlinum, einungis í
þeim tilgangi að sœra
hann. Bamið er líka hluti
af föður sínum. “
og svo margir vita geta konur, rétt
eins og karlmenn, verið óhæfar sem
foreldri. AUir kannast við þá sögu
aö konan noti barn sitt gegn karlin-
um, einungis í þeim tilgangi að
særa hann. Bamið er hluti af föður
sínum líka og hvemig í ósköpunum
getur einhver utanaðkomandi bann-
að fóðurnum aö hitta barnið?
Fólk ætti að spá eUítið betur í
það hvemig tilfmning það er að tala
við aUa þá „fræðinga" sem tUtækir
eru og fá sömu svör frá þeim öUum:
„Nei, þú hefur engan rétt“. Maður
fer nú að hugsa í alvöru hvort virki-
lega enginn átti sig á hve mikU fjar-
stæða þetta allt er.
Viö vitum öU aö þetta er rangt.
Þetta er kúgun og þetta „lögfræði-
lega réttindaleysi" hlýtur að verða
tekið sérstaklega til lögfræðUegrar
meðferðar.
Hversu margir skyldu standa
akkúrat núna í þessum sporum?
Fróðlegt væri að heyra þeirra skoð-
un á málvmum. - Þessi mál verða að
fá meiri athygli.
Pagfari_________________________________________________________________________
Ólíkindalæti listamanna
Hann hefur árum saman skýlt stórbrot-
inni skáldagáfu bák við gerð ómerki-
legra gamanmynda um tvo vitleysinga
sem gera ékki annað en að skipta um
vinnu - en látið eigi blekkjast: í raun er
Þráinn Bertelsson þroskaður rithöfund-
ur og kvikmyndagerðarmaður
á heimsmœlikvarða.
Samt er eins og herrar Alþingis nái að
skUja það sem pöpuUinn skUur ekki og séu að
vakna tU vitundar um hið rétta eðli rithöfund-
anna; að fátt er þar sem sýnist. Þeir hafa líka
notað innsæi sitt tU að velja sanna listamenn
og tryggt að nokkrir þeirra detti ekki undir
hungurmörk það sem þeir eiga eftir ólifað.
Þráinn Bertelsson er einn þeirra sem
nefndarmenn á Alþingi hafa séð í gegnum
með ótrúlegri kænsku. Eins og áður hefur
komið fram dulbúa rithöfundar verk sín á
marga vegu en Þráinn Bertelsson er hvorki
meira né minna en dulbúinn rithöfundur.
Hann hefur árum saman skýlt stórbrotinni
skáldagáfu bak við gerð ómerkUegra gaman-
mynda um tvo vitleysinga sem gera ekki ann-
að en að skipta um vinnu - en látið eigi
blekkjast: 1 raun er Þráinn Bertelsson þroskaður
rithöfundur og kvikmyndagerðarmaður á heims-
mælikvarða.
Þráinn reynir lika að láta okkur halda að hann
hafi ekkert haft fyrir stafni síðustu árin annað
en að vinna fyrir Framsóknarflokkinn, en það er
áreiðanlega blekking. Listamenn af hans kalíberi
hljóta sífeUt að vera að skapa, þó að þeir vUji
ekki deUa því með öUum lýðnum. ^ n .
Dagfari er bókaormur hinn mesti og hefur
stungið sér tU sunds í jólabókaflóðinu. Eins
nærandi og sá sundsprettur er þá blöskrar Dag-
fara oft hversu rithöfundar geta verið mikU
ólíkindatól.
Ein þversögn flóðsins er endurminningabók
manns sem einmitt er frægur fyrir gleymsku
sína. „Ég bara man það ekki,“ sagði hann við
fréttamenn þegar hann var forsætisráðherra og
fólk hélt að hann væri með alzheimer og var
löngu hætt að nenna að spyrja hann að nokkru.
Síðan fær hann lækni tU að hjálpa sér að skrifa
meira en þúsund síður af endurminningum sín-
um! Gamlir samstarfsmenn hans úr pólitíkinni
kannast ekki við neitt úr sögimum og koma æ
ofan í æ af fjöllum. Minningamar eru því ekki
minningar heldur óminnisraus eða skáldsaga.
Og svo er það Einar Alheimsins. Bókin hans á
að vera skáldsaga - en er það aUs ekki. í viðtali
viðurkenndi sá meinti skáldsagnahöfundur að
hafa aUan skáldskapinn upp úr einhverjum göml-
um frændum sínum sem voru ekkert að skálda,
heldur að segja sannleikann. Án þess að skamm-
ast sín tekur Einar sannleikann og breytir honum
í skáldskap!
Það er ekki hægt aö treysta þessum rithöfund-
um.
Blómaverslun hverfur
Siguröur Einarsson skrifar:
Ég og konan
min komum á
Hótel Sögu tU að
hitta hjón sem
biðu okkar þar tU
að fara með í mat
einn daginn fyrir
stuttu. Við vildum
nota tækifærið og
kaupa nokkur
blóm tU að færa gestunum sem voru hér
tU stuttrar dvalar í borginni. En, æ,
hvað var nú þetta? Blómabúðin sem um
árabil hefur verið við innganginn á Hót-
el Sögu var horfm. Ég fór aö spyijast
fyrir um hana. Hún er komin á Eiðis-
torg var svar stúlku í móttökunni. Ekki
er við afgreiðslustúlkur hótelsins að
sakast. En ég undrast það að á sama
tíma og hótelið vex að umfangi (er nú
orðið Radisson SAS Hotel) þá minnkar
sjálfsögð þjónusta við gestina. Aukning
umfangs virðist mestmegnis fara í
stækkun skrifstofurýmis.
Radisson SAS
Saga Hotel.
- Þjónustan minnkar.
Samningar lágu niðri
Vegna viötals sem
birtist við Björgvin
Guðmundsson,
sendifulltrúa í sendi-
ráði Islands í Ósló,
þann 4. desember mn
lausn SmugudeU-
unnar viU hann taka
fram að þegar Krist-
inn F. Ámason
sendiherra kom að
Pistili frá
Björgvin
sss. 1»"“ «»""»
■—.... 1 höfðu samningafund-
ir norskra og íslenskra ráðamanna legið
niðri um hríð. Síðan segir í bréfi Björg-
vins: „Norskir ráðamenn töldu þýðing-
arlaust að halda samningafundi fyrir al-
þingiskosningamar 1999 þar eð máliö
væri svo viðkvæmt á íslandi. Þetta sjón-
armið kom fram hjá VoUebæk utanrikis-
ráðhema og öðrum norskum ráðamönn-
um þegar Kristinn F. Ámason, nýr
sendiherra í Ósló, ræddi við þá snemma
árs 1999. Kristinn lagði þá tU að haldnir
yrðu samningafundir, þrátt fyrir vænt-
anlegar alþingiskosningar á íslandi, og
látið yrði reyna á það hvort samkomu-
lag næðist. Sendiherrann hvatti tU þess
að haldnir yrðu samningafúndir þegar
menn vom vondaufir um árangur. Það
var gert og samningar tókust."
Hannes, Hannes
Guðbjórg Jónsdóttir skrifar:
Mér finnst vera kom-
inn aftur sá tími þegar
ÞjóðvUjinn heitinn og
Alþýðublaðið sáluga
vora talin með íslensk-
um blaðakosti. Þetta
marka ég á skrifum og
tUfaUandi greinum dag-
blaðsins Dags, sem virð-
ist málsvari vinstri
manna í pólitíkmni hér.
En þó aðaUega einstaka
þingmanna Samfylking-
arinnar. Meira að segja
dálkurinn „Fjölmiðlar" fer ekki varhluta
af þessari bakteríu. Þannig skrifar Björn
Þorláksson í Dag sl. þriðjudag um það
sem hann kaUar „RassskeUing Hannes-
ar“. Hannes Gissurarson virðist óþijót-
andi efniviður sumra skríbenta. Þarna
gladdist skriffinnur Dags ógurlega yfir
því sem hann nefndi að Mörður Árnason
hefði tekið Hannes „í nefið“ á einni sjón-
varpsstöðinni sl. laugardagskvöld.
„Hannes getur verið ágætis afþreying,
svona sambærUegur Simpson-Cölskyld-
unni,“ segir svo Björn. - En hann áttar
sig ekki á þvi að Simpson-fjölskyldan er
einn gagnrýnasti og um leið vinsælasti
sjónvarpsþáttur á Vesturlöndum. Það er
Hannes einmitt líka. Það svíður undan
Hannesi, þaö er rétt. Og hann er ljósárum
á undan flestum rýnum íslenskra fjöl-
miðla. Það þola þeir samfylkingarmenn
seint og Ula. Þess vegna hrópa þeir:
Hannes, Hannes, Hannes og reyta hár sitt
og skegg um leið og þeir lemja áróður
sinn gegn Hannesi á tölvuna.
Hannes
Hólmsteinn
Gissurarson.
- Skammtar
andstæöingum
sínum rausnar-
lega efnió.
IDV Lesendur
Lesendur geta hringt allan sólarhring-
inn í síma: 550 5035.
Eða sent tölvupóst á netfangiö:
gra@ff.is
Eöa sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.