Dagblaðið Vísir - DV - 19.05.2001, Blaðsíða 8

8
_________________________________________________________________________________________________LAUGARDAGUR 19. MAÍ 2001
Útlönd DV
Utanríkisráöherra Rússa
ígor ívanov ræddi eldflaugaáætlun
Bush Bandaríkjaforseta.
ívanov og Powell
hittust í gær
Utanríkisráðherra Bandarikj-
anna, Colin Powell, átti í gær fund
með kollega sínum frá Rússlandi,
ígor ívanov. Fundurinn þótti takast
vel en hann er liður í undirbúningi
leiðtogafundar Bush Bandaríkjafor-
seta og Pútíns Rússlandsforseta í
júní næstkomandi.
„Þetta voru uppbyggilegar sam-
ræður og í umhverfi sem þessu get-
um viö rætt mikilvæg málefni,"
sagði ívanov að fundinum loknum.
Þetta er í fyrsta sinn sem ívanov
heimsækir Bandaríkin síðan Ge-
orge W. Bush tók við embætti í jan-
úar á þessu ári.
Rússar eru fullir tortryggni vegna
áforma Bandaríkjamanna um aö
setja upp eldflaugavarnarkerfi.
ívanov átti síðan að eiga fund með
Condoleezzu Rice öryggisráðgjafa
og þingmönnum á Bandaríkjaþingi.
Flóðavarnir í Kína:
Tímabært að
virkja grasrótina
DV, KlNA
Stjórnvöld i Bejing í Kína leggja
nú ofurkapp á að lög um flóðavam-
ir séu virk þar sem mesta flóðatíma-
bil ársins gengur senn í garð.
Flóðvarnargarðar borgarinnar,
sem voru reistir árið 1949, þarfnast
endurbóta hið fyrsta eigi þeir að
standa af sér stórflóð.
íbúar borgarinnar eru hvattir til
að gefa sig að skógrækt og gróður-
setja tré við varnargarðana. Tals-
maður stjórnvalda segir enda löngu
tímabært að virkja grasrótina og
gera fólki grein fyrir hættunni sem
að steðjar. -kip
Litlu stúlkunnar minnst
Ættingjar minnast litlu stúlkunnar,
Söruh Payne, sem var myrt á
hrottalegan hátt.
Kveðst saklaus
af morðinu
Roy Whiting sem grunaður er um
að hafa rænt og myrt Söruh Payne
lýsti í gær yfir sakleysi sínu. Whit-
ing, sem er 42 ára vélvirki, var
leiddur fyrir dómara í Sussex í gær.
Hann sagöi til nafns og kvaðst
saklaus af ákæruatriðum.
Breska þjóðin og heimsbyggðin
öll fylgdist með leitinni að Söruh
litlu Payne, sem hvarf frá heimili
sínu þann 16. júlí í fyrra. Sextán
dögum síðar fannst lík litlu
stúlkunnar og í kjölfariö var Whit-
ing handtekinn.
Réttarhöld yfir Whiting hefjast í
haust en lögreglurannsóknin hefur
þegar kostað rúmar 150 milljónir.
Átök og ofbeldi fara harðnandi í ísrael:
Þyrluárás í kjölfar
sjálfsmorðsárásar
Að minnsta kosti fimm Palestínu-
menn létu lífið i þyrluárás sem gerð
var á lögreglustöð í bænum Nablus
á Vesturbakkanum síðdegis í gær.
Nokkrir slösuöust í árásinni, þar á
meöal fangar í nærliggjandi fang-
elsi. Heimildir Reutersfréttastof-
unnar herma að israelski herinn
hafi staðið að árásinni. Talið er að
einn þeirra sem létust hafi verið líf-
vörður úr svokallaðri Force 17 líf-
varðasveit Arafats, leiðtoga Palest-
ínumanna.
Þyrluárásin kom í kjölfar sjálfs-
morðsárásar í gærmorgun þar sem
sjö manns létu lífið og tugir manna
slösuðust. Sú árás átti sér stað í
verslunarmiðstöð i Netanya í Norð-
ur-ísrael og lýstu Hamas-
skæruliðasamtökin ábyrgð á
hendur sér. Sjálfsmorðsárásin er sú
mannskæðasta um langan tíma.
Gissin, talsmaður Sharons
forsætisráöherra, fordæmdi sjálfs-
morðsárásina og sagði hana bera
Ganga með Hamas
Palestínskar stúlkur ganga meö
Hamas-skæruliöum um Gaza í gær.
vott um hatursáróður Arafats sem
komið hefði fram í ræðu hins síðar-
nefnda þann 15. maí sl. en á þeim
degi minnast Palestínumenn þeirra
„hörmungar" að Ísraelsríki var
stofnað árið 1948. Arafat sagði í
ræðu sinni aö ísraelar fremdu glæpi
gegn mannkyni og að flóttamenn og
landlausir hefðu rétt á að snúa
heim.
Átökin í ísrael virðast færast í
aukana. Um hádegisbil i gær var
kona af gyðingaættum skotin til
bana þar sem hún sat í bíl sínum.
Árásarmennirnir voru Palestínu-
menn og átti atvikið sér stað nærri
Ramalla.
Forseti Bandaríkjanna, George
W. Bush, lýsti yfir áhyggjum af vax-
andi ofbeldi fyrir botni Miðjarðar-
hafs og sagði brýnt að leiðtogar á
svæðinu kæmu til viöræðna og
gerðu tilraun til pólitískrar lausnar.
Binda yrði enda á ofbeldisverk og
stríðsástand í ísrael.
Hellakönnuðir komast í hann krappan
Ættingjar hellakönnuöanna átta, sem týndust í helli í Gouomois í Austur-Frakkiandi fyrir tveimur dögum, fá fregnir um
aö allir séu á lífi. Nokkur hundruö björgunarsveitarmenn frá Frakklandi og Sviss unnu aö þvi hörðum höndum í allan
gærdag að ná fólkinu, fimm körlum og þremur konum, upp. Dæla þurfti upp miklu vatni úr hellunum en í gærkvöld
haföi ekki veriö staöfest hvort búiö væri aö bjarga fólkinu.
Kjarnorkuúrgangur í jörðu
Paavo Lipponen
og stjórn hans sam-
þykkti í gær áætlun
um að koma upp
„ruslahaug" á 500
metra dýpi fyrir úr-
gang úr kjarnorku-
verum landsins.
Áætlunin hefur ver-
ið mjög umdeild i mörg ár en var
samþykkt með miklum meirihluta á
finnska þinginu í gær. Fjögur kjarn-
orkuver eru í Finnlandi og fyrir-
hugað að reisa það fimmta vegna
orkuskorts í landinu.
Múgur leitar apamanns
Æstur múgur sjálfboðaliða leitar
nú „apamanns" á götum Nýju Delhi,
höfuðborgar Indlands. Apamaður-
inn er talinn hafa ráðist á og bitið
tugi manna.
Njósnaflugmenn fá orðu
Áhöfn njósnavélarinnar sem
rakst á kínverska orrustuþotu suð-
ur af Kína í síðasta mánuði verður
veitt orða bandaríska flughersins
fyrir hetjuskap. Flugmaður kín-
versku vélarinnar lést en hefur ver-
ið lýstur hetja og píslarvottur í
heimalandinu.
Kanar kaupi kjöt
Evrópusambandið hvetur Banda-
ríkjamenn til að aflétta innflutn-
ingsbanni á evrópskar kjötvörur
sem sett var í kjölfar gin- og klaufa-
veikifaraldursins. Forsvarsmenn
ESB segja ekki ástæðu til að við-
halda banni á ósýkt lönd.
Afmæli páfa
aafmælisdegi sínum
i gær. Hann tók sér
þó ekki frí heldur
inni dagskrá, tók á
móti fólki og hélt
ræðu. Jóhannes
Páll hefur gegnt páfadómi í 22 ár.
Hann stríðir við parkinson-sjúk-
dóminn en aðstoðarmenn hans
segja hann andlega hressan þótt
hann þreytist fyrr en áður.
Tólf létust í rútuslysi
Tólf manns létu lífið í rútuslysi í
Nepal í gær. Rútan lenti utan vegar
og hafnaði úti í á, um 150 kílómetra
frá Katmandu. Tildrög slyssins eru
ókunn.
Hague boðar nýja tíma í
málefnum innflytjenda
Kosningabaráttan í Bretlandi
verður fjörugri með hverjum degin-
um. I gær gerði William Hague, leið-
togi breskra íhaldsmanna, málefni
innflytjenda aö umtalsefni í kosn-
ingaræðu sem hann hélt í Dover.
Á síðasta ári sóttu 110 þúsund
innflytjendur um landvistarleyfi í
Bretlandi og hefur fjöldinn ekki ver-
ið meiri í annan tíma. Líklegt þykir
að umæða um þessi mál eigi eftir að
verða að heit í kosningaslagnum
sem fram undan er.
Hague var harðorður í ræðu
sinni og sagði Verkamannaflokkinn
hafa sýnt allt of mikla linkind í mál-
efnum innflytjenda. Kerfið væri
ruglingslegt og til þess fallið aö laða
að glæpamenn sem hefðu hag af því
aö flytja fólk heimshoma á milli og
koma því til Bretlands.
Hague boöaði nýja tima ef íhalds-
menn kæmust til valda á ný. Hann
hét því meðal annars að koma upp
neti innflytjendaskrifstofa með það
William Hague
Var í miklum ham þegar hann tók á
málefnum innflytjenda.
að markmiði að Bretland yrði örugg
höfn fyrir þá innflytjendur sem
hefðu gilda ástæðu fyrir að flýja
heimaland sitt - hinir yrðu sendir
heim. „Núverandi kerfi kemur nið-
ur á því fólki sem þarfnast landvist-
arleyfis strax,“ sagði Hague og bætti
við að umsóknarferlinu yrði öllu
hraðað.
Frjálslyndir demókratar og liðs-
menn Verkamannaflokksins andæfa
áformum íhaldsmanna í málefnum
innflytjenda.
Þeir benda meðal annars á að
hugmyndir íhaldsmanna um skatta-
lækkanir yrðu til þess að starfs-
mönnum viö innflytjendaeftirlit
myndi fækka um 3000.
Niðurstööur skoðanakönnunar
The Economist, sem birtar voru í
gær, gáfu til kynna að Verkamanna-
flokkurinn hlyti 54 prósent atkvæða
á móti 25% íhaldsfiokksins. Frjáls-
lyndir demókratar hlutu 14 prósent
atkvæða samkvæmt könnuninni.
Walesa í megrun
Lech Walesa er hættur að borða
kjöt og ætlar að láta grænmetið
duga í framtíðinni. Hann segist allt
of þungur og vonast til að ná af sér
aukakílóum með breyttu mataræði.
Friðarumleitanir
Joseph Kabila, forseti Kongó, á
nú í viðræðum við
sendinefnd Ör-
yggisráðs SÞ um
hvernig megi binda
enda á stríðið í
Kongó. Forsetinn
segir frið einungis
komast á ef
Rúanda, Úganda og
Búrundí kalla
hersveitir sinar heim frá Kongó. Þá
hefur Kabila afnumið bann við
pólitísku starfi í heimalandinu.
Kabila tók við forsetaembætti af
fóður sinum, Laurent Kabila, fyrr á
þessu ári.
Flóðin þau verstu í öld
Rússneskar herflugvélar reyndu í
gær að sprengja risavaxna ísjaka
sem stífla ár í Austur-Síberíu.
Stíflurnar hafa valdið mestu flóðum
í eina öld og hafa rúmlega 20
þúsund manns þurft að yfirgefa
heimili sín.