Dagblaðið Vísir - DV - 22.05.2002, Blaðsíða 4

4
MIÐVIKUDAGUR 22. MAÍ 2002
DV
Fréttir
Borgaryfirvöld hafa deilt hart um eignarnám í Norðlingaholti:
Atta ára stríð gamall-
ar konu virðist á enda
- skrifað undir samkomulag um afléttingu kvaða í gær
DV-MYND TEITDR
Ólafía Ólafsdóttir
Landiö sem deilt hefur verið um.
Sjötlu og fimm ára gömul kona,
Ólafía Ólafsdóttir, hefur átt í stríði við
Reykjavíkurborg í átta ár vegna sölu
á 8,2 hektara landi á Seláshletti 15A og
22A sem borgin hugðist nýta undir
nýtt hverfl í Norðlingaholti. Því striði
virðist nú loks vera að ljúka með sam-
komulagi sem undirritað var i gær.
Konan taldi sig vera í fjárhagslegri
gíslingu borgarinnar sem hafi komið i
veg fyrir að hún gæti gengið frá afsali
vegna sölu landsins. Borgaryfirvöld
hafi neitað að aflétta úr veðbókum
ákvæðum um eignamámssamkomu-
lag sem borgin hafði þó fallið frá 2.
október 1998. Það bar svo til tíðinda í
gær eftir að DV hafði spurst fyrir um
málið að skrifað var undir samkomu-
lag um að borgin falli frá öllu tilkalli
til umrædds lands.
I samkomulaginu sem gert var í
gær skrifar lögmaður borgarinnar
undir en án viðurkenningar á sjónar-
miðum gagnaðila. Eigi að síður er þar
tekið fram að með samkomulaginu
séu aðilar sammála um að ljúka mál-
inu með því að Reykjavíkurborg falli
frá öllu tilkalli til landspildnanna og
láti afmá allar kvaðir af landinu. Er
þetta gert með fyrirvara um samþykki
borgarráðs, en ekki tókst að leggja
þetta fyrir fund borgarráðs í gær.
Mál þetta hefur þótt í hæsta máta
vandræðalegt sem sjá má af viðbrögð-
um við fýrirspum DV fyrir og um
helgina. í skipulagsmálum Reykjavík-
ur er gert ráð fyrir mikilli uppbygg-
ingu nýrra hverfa, þar á meðal bygg-
ingu 1000 íbúða í Norðlingaholti rétt
neðan við Elliðavatn. Þótt búið sé að
teikna heilt hverfi í Norðlingaholti, þá
var svæðið samt ekki nema að hluta í
eigu borgarinnar.
Samkomulag um eignarnám
Forsaga málsins er sú að 1994 átti
Ólafia í viðræðum um að borgin
keypti af henni landið. Var gert sam-
komulag sem afgreitt var á fundi
borgarráös 14. júní 1994. Þar var
samið um að borgin tæki landið eign-
amámi á grundvelli matsgerðar. Sam-
kvæmt lögum má skjóta slíku mati til
dómstóla ef aðilar em ekki sáttir við
matsverðið. Sá réttur var hins vegar
takmarkaður í samkomulaginu án
þess að Ólafía gerði sér grein fyrir
þeirri réttarskerðingu. Matsnefnd
eignarnámsbóta reiknaði verðmæti
eignarinnar í heild á 17,5 milljónir
króna. Mótmælti eigandinn þeirri nið-
urstöðu og lét þinglýsa á eignina 8.
desember 1994 að hún myndi ekki una
þessari niðurstöðu. Þann 30. desem-
ber sama ár þinglýsti svo borgarlög-
maður samkomulagi eiganda og borg-
arinnar frá því um sumarið. Niður-
stöðu matsnefndarinnar var hins veg-
ar ekki þinglýst. í samkomulaginu
var ákvæði sem segir að samkomulag-
ið og eignarnámsmatið teljist ígildi
kaupsamnings. Reyndar er slíkt sam-
komulag jaflivel talið brot á lögum um
eignamám.
Borgaryfirvöld hafa síðan neitað að
viðurkenna rétt konunnar til að hafna
matsgerðinni og hafa horið fyrir sig
þinglýstu samkomulagi. Er það þrátt
fyrir að í undirmati 1996 hafi landið
verið metið á ríflega 56 milljónir
króna og í yfirmati 1998 á 51 milljón
króna.
Landiö selt
í ljósi þess að borgarlögmaður féll
síðan frá eignamáminu 2. október
1998, þar sem einnig var lýst yfir að
Reykjavíkurborg hefði ekki umráða-
rétt yfir viðkomandi landareignum,
var landið selt í september 1999 á 108
milljónir króna. Kaupendur voru
Guðmundur Kristinsson ehf. og fyrir-
tækið Eykt ehf. Borgaryfirvöld vom
ósátt við þessa sölu og vísuðu enn til
þinglýsta samkomulagsins frá 1994 og
kröfðust þess að sölunni yrði rift og
sú gjörð afmáð úr þinglýsingarbók-
um.
Niðurstaða sýslumanns var að ekki
kæmi til greina að rifta þinglýsingu
kaupsamnings og að umrætt sam-
komulag frá 1994 sé sjálft ekki ígildi
kaupsamnings.
Er nú beðið staðfestingar pólitískra
fulltrúa Reykjavíkurborgar á sam-
komulaginu frá í gær. Ekki er ljóst
hvort slík staðfesting fæst fýrir kosn-
ingar. -HKr.
Hæstiréttur hafnar kröfu Eggerts Haukdals um endurupptöku:
Ætlar að halda áfram með málið
Skjálfandabyggð
eða Húsavíkurbær
Húsavíkurbær er eitt þeirra nafna
sem Ömefnanefnd fellst á að kosið
verði um á hinu nýja sveitarfélagi
sem verður til við sameiningu Húsa-
víkur og Reykjahrepps. Kosið verður
um nafnið samhliða sveitarstjómar-
kosningum og bárast fjölmargar til-
lögur um nöfn. Nafnanefnd vísaði
fjórum þeirra til Ömefnanefndar til
umsagnar og geta kjósendur valið á
milli Húsavíkurbæjar, Húsavíkur-
byggðar, Reykjabyggðar og Skjálf-
andabyggðar. Ihúi sem DV ræddi við
á Húsavík í gær taldi allar likur á að
Húsvíkingar myndu greiða Húsavík-
urbæ atkvæði sitt. -BÞ
„Ég gefst ekki upp og hef i höndum
góð gögn sem ég ætla að nota til að
halda áfram með málið þrátt fyrir
þetta," sagði Eggert Haukdal, fv. al-
þingismaður og oddviti Vestur-Land-
eyjahrepps, í samtali við DV í gær-
kvöld. Hæstiréttur hafnaði í gær
beiðni Eggerts um að mál hans yrði
tekið upp að nýju fyrir réttinum.
Fyrir um ári var hann dæmdur í
tveggja mánaða skilorðsbundið fang-
elsi.
Hæstiréttur segir að óhaggað standi
að skuld Eggerts við hreppssjóð hafi
verið jöfnuð út með ólögmætum
hætti. Hann vajr
Eggert Haukdal. Að svo hafi
verið dæmt segir
þingmaðurinn fyrrverandi að sé sök
tveggja löggiltra endurskoðenda
sem unnu fyrir sveitarfélagið.
Vinnubrögð þeirra hafi verið óeðli-
leg þannig að á sér hafi lent rangar
sakir.
„Það er búið að sýkna mig af fjár-
dráttarkröfum annars endurskoðand-
ans sem námu 1,7 milljónum króna.
Núna er ég að leita gagna sem geta
hreinsað mig af hinni kröfúnni sem
hinn endurskoðandinn kom á mig og
hún er upp á hálfa milljón króna,“
segir Eggert.
„Ég ætla að svara þessari dómsnið-
urstöðu. Ég tel mig sýknan saka og
það er sárt að uppkveðnir dómar fáist
ekki endurskoðaðir," sagði Eggert.
-sbs
Höfuðborgarsamtökin um Reykjavíkurflugvöll:
Segja engan samning til um
starfsemi flugvallarins
- aðeins bókun borgarstjóra og ráðherra
A-listinn, eða Höfuðborgarsamtökin
boðuðu til fjölmiðlafundar i gær þar
sem gagnrýnd var harðlega sú fullyrð-
ing R- og D- og F-lista um að gerður hafi
verið samningur um flugvallarstarfsemi
í Vatnsmýri til ársins 2016. Segja fulltrú-
ar A-lista þetta vera alrangt, því aðeins
hafi verið undirrituð bókun vegna
Reykjavíkurflugvallar 14. júní 1999, en
ekki samningur. Sú bókun skuldbindi
engan og sé ekki pappírsins virði.
Hafa fulltrúar Höfuðborgarasamtak-
anna lagt fram áðumefnda bókun máli
sínu til stuðnings. Undir hana rituðu
Ingibjörg Sólrún Gísladóttir borgar-
stjóri og Sturla Böðvarsson samgöngu-
ráðherra. Bókunin er í þrem liöum og
benda samtökin sérstaklega á lið a, en
þar segir:
„í samræmi við markaða stefhu í
Aðalskipulagi Reykjavíkur 1996-2016
þar sem kveðið er á um að Reykjavik-
Frá fundi Höfiöborgarsamtakanna
Guðjón Þór Erlendsson og Örn Sigurðsson á fundi A-listans í gær.
DV-MUND HARI
urflugvöllur skuli vera miðstöð innan-
landsflugs á skipulagstímanum, sam-
þykkir Reykjavíkurborg breytingar á
aðalskipulagi og deiliskipulagi Reykja-
víkurflugvallar.“
Fulltrúar A-lista benda á að þessi
bókun geti ekki verið bindandi fyrir
borgarbúa varðandi nýtingu flugvallar-
svæðisins. Auk þess sem bókunin sé í
sjálfu sér marklaust plagg, þá sé borgar-
yfirvöldum skylt samkvæmt skiplags-
lögum að endurskoða aðalskipulag á
fjögurra ára ffesti. Þvi sé fráleitt að
Reykvíkingar geti verið bundnir af veru
ReykjavíkurflugvaUar í Vatnsmýri til
2016. Telja Höfuðborgarsamtökin að full-
trúar R-, D- og F-lista séu að taka af-
stöðu gegn meginhagsmunum höfuð-
borgarsamfélagsins. Það geri þeir ann-
aðhvort að yfirlögðu ráði með sértæka
einka- og flokkshagsmuni að leiðarljósi
eða af hreinum aulaskap. -HKr.
Sérfræðingar í rústabjörgun
Hópurinn sem mun næstu daga
kenna rústabjörgun hér á landi.
Bandarísk rústa-
björgunarsveit
stödd hér á landi
Tíu manna hópur frá bandarísku
alþjóðasveitinni í Fairfax í Virginíu
er staddur hér á landi og mun á
næstu dögum halda fyrirlestra og
námskeið í rústabjörgun. Heimsókn
þessi er liður í samstarfi Slysa-
vamafélagsins Landsbjargar, Al-
mannavama rikisins, Brunamála-
stofnunar, slökkviliðs höfuðborgar-
svæðisins, sendiráðs Bandarikjanna
á íslandi og bandarísku alþjóða-
stofnunarinnar Office for Foreign
Disaster Assistance.
Margvísleg námskeið og fyrir-
lestrar munu fara fram í þessari
viku og byrjun þeirrar næstu. Helst
ber þar að nefna stórt námskeið í
rústabjörgun að Malarhöfða 6 sem
nú stendur yfir og mun standa fram
á laugardag. Þá mun hluti hópsins
halda fyrirlestur á Grand Hótel á
sunnudag, kl. 14, um aðgerðir i New
York og Pentagon eftir hryðjuverka-
árásimar 11. september.
Markmiðið með þessu samstarfi
er að efla þekkingu í rústabjörgun á
íslandi, efla samstarf þeirra hópa
sem hana stunda og auðvelda sam-
starf við öfluga alþjóða rústabjörg-
unarsveit ef kalla þyrfti á erlenda
aðstoð hingað til lands. -HI
Mikil ásókn í
hestaferðir
Vel gengur að bóka í hestaferðir
sumarsins samkvæmt upplýsingum
frá íshestum. Lengri ferðir ganga sér-
staklega vel og er nú svo komið að
uppselt er í margar slíkar ferðir í
sumar.
Starfsmenn íshesta merkja all-
nokkra aukningu frá því í fyrra, sem
skýrist sennilega helst af því að
Landsmót hestamanna fer ffarn í sum-
ar en þau ár sem þetta mót fer ffarn
eru hestaferðimar yfirleitt vinsælli.
Ásóknin er að aukast mest hjá Norð-
urlandabúum og Bretum og þá er Am-
eríkumarkaðurinn að hjama við eftir
lægðina sem þar varð í haust.
Það má því búast við góðu hesta-
sumri í sumar. -HI
Húmanistar:
Vilja stöðva
Silfur
Húmanistahreyf-
ingin hefur krafist
þess að yfirkjör-
stjóm Reykjavíkur,
Sýslumaðurinn í
Reykjavík og út-
varpsréttamefhd
stöðvi án tafar
væntanlega útsend-
ingu á þættinum
Silfur Egils á Skjá-
Einum. Þátturinn
er á dagskrá í kvöld. í yfirlýsingu ffá
Methúsalem Þórissyni, talsmanni
Húmanista, segir að í auglýsingum
vegna þáttarins sé sagt að leiðtogar
framboðanna í Reykjavík muni sitja á
palli í síðari hluta þáttarins og svara
spumingum. „Þetta er hins vegar ekki
rétt þvi Húmanistum í Reykjavík hefur
verið synjað um þátttöku í þessum pall-
borðsumræðum. Með þessu háttemi er
þáttarstjómandi Siifurs Egils og Skjár 1
að grafa undan lýðræðinu í landinu og
á beinan hátt uppi með tilburði til að
hafa áhrif á úrslit kosninganna í
Reykjavík," segir í yfirlýsingunni.
Húmanistar íhuga nú að kæra úrslit
kosninganna og fara með málið fyrir
Mannréttindadómstól Evrópu, þ.e. verði
þeim ekki gefinn tími til jafns við önn-
ur ffamboð í sjónvarpi. -aþ
Egils
Methúsalem
Þórisson.