Dagblaðið Vísir - DV - 09.08.2002, Qupperneq 18

18
FÖSTUDAGUR 9. ÁGÚST 2002
Tilvera DV
ggg
Liberty Stands Still ★★
Vel undirbúin hefnd
í spennumyndinni
Liberty Stands Still er
sá sem hótar glæpnum
líkast til sá best inn-
rætti af öllum aðalper-
sónunum. Sá er i mikl-
um hefndarhug og
teygir sig nokkuð langt
tii að geta réttlætt
hefndina. Þegar myndin hefst er
vopnaframleiðandinn Liberty Wailace
(Linda Fiorentino) á leið til elskhuga
síns, leikara sem þegar er tengdur við
sprengju og er neyddur til aö leiða
Liberty í gildru i almenningsgarði.
Þar er henni sagt í símtali að hlekkja
sig við pylsuvagn einn. Sá sem hefur
haft fyrir því að setja þennan há-
dramatíska leikþátt á svið heitir Joe
(Wesley Snipes) og kennir hann
Liberty og eiginmanni hennar um
dauða dóttur sinnar sem var skotin til
bana. Joe telur réttilega að þau hjón
selji hverjum sem er vopn og skiptir
þá ekki máli hvort þau séu látin í
hendurnar á hættulegum morðingj-
um. Það sem Joe krefst er að lögum
verði breytt þannig að almenningur
geti ekki keypt skotvopn. Smám sam-
an vefur málið upp á sig, lögreglan
reynir að skerast í leikinn án árang-
urs, enda er Joe, sem er fyrrum leyni-
þjónustumaður, með alla hnúta
rammfasta. Þegar eiginmaður Liberty
(sem í raun er nokkuð sama hvað
verður um eiginkonu sína) mætir á
svæðið flækist málið enn frekar.
Það verður að segja Liberty Stands
Still til hróss að óvenjuleg er hún.
Sögusviðið er þröngt og hefði myndin
hæglega getað orðið eins og sviðsett
leikrit. Leikstjórinn, Kari Skogland,
leysir vel úr þessu vandamál. Á móti
kemur að sagan er öll hin ótrúverðug-
asta og leikarar oft ekki með á nótun-
um. -HK
Útgefandi: Myndform. Leikstjórl: Kari
Skogland. Bandaríkin 2001. Lengd: 92
mín. Leikarar: Wesley Snipes, Linda Fior-
entino og Oliver Platt. Bönnuð börnum
innan 16 ára.
Hard Cash ★i
Síðasta ránið
Sumum kvikmyndum
er ætlað mun meira en
að fara beint á mynd-
bandamarkaðinn. Þeir
sem stóðu að gerð Hard
Cash hafa örugglega
talið sig gulltryggða fyr-
ir slíkum örlögum með
Val Kilmer, Christian Slater og Daryl
Hannah innanborðs. En svo bregðast
krosstré sem önnur tré. Hard Cash er
mislukkuð og var að velkjast uppi í
hillum áður en hún var sett á markað-
inn.
Nú er það svo að Hard Cash er ekki
alslæm kvikmynd. Hún er harðsoðin
spennumynd um hóp af þjófum sem
eru alls ekki sammála um aðferðir og
þvi síður treysta þeir hver öðrum.
Einstaka atriði bera það með sér að
einhver metnaður var á bak við gerð
hennar en segja má að leikstjóri
myndarinnar sé ekki vandanum vax-
inn.
Christian Slater leikur aðalpersón-
una, Thomas Taylor, sem er foringi
glæpahóps. Þegar allt fer úrskeiðis við
rán eitt sem hann hefur skipulagt
fómar hann sér fyrir aöra og er sett-
ur í fangelsi. Þegar út kemur ákveður
hann eitt rán í viöbót og svo á að setj-
ast í helgan stein. Taylor hefði betur
strax sest í helgan stein því það er
ekki nóg að peningamir sem á að
ræna eru ekki það ránsfé sem hann
hélt heldur eru skúrkar innan lögregl-
unnar einnig á eftir peningafúlgunni
auk annarra glæpamanna. Það verður
því varla þverfótað fyrir ræningjum
sem reyna að bregða fæti hver fyrir
annan.
Þrátt fyrir allan hamaganginn er
spennan í lágmarki og stóru nöfnin
hafa öll gert mun betur. Er ég viss um
að þau munu vilja gleyma myndinni
sem fyrst. -HK
Útgefandi: Myndform. Leikstjóri: Predrag
Antonijevic. Bandaríkin 2001. Lengd: 90
mín. Leikarar: Christian Slater, Val Kilmer
og Daryl Hannah. Bönnuð börnum innan
16 ára.

mmmmm
Snæfell táknar
fegurð og tign
- segir Sigríður María Magnúsdóttir
Snæfell, sem er á hálendinu norðan Vatnajök-
uls og rís 1.833 metra yfír sjávarmál, er eftirlæt-
isfjall Sigríðar Mariu Magnúsdóttur, kennara við
Lundaskóla á Akureyri. Er Snæfell hæsta fjall
landsins utan jökla. „Ástæðan fyrir því að fjallið
skipar þennan heiðurssess hjá mér er sú að ég
gekk einu sinni á fjallið en tek fram að sökum
skýjahulu, sem lagðist yfir þegar stutt var eftir og
tindurinn blasti við lauk ég ekki upgöngunni.
Mín biður því það verkefni að reyna aftur við
Snæfell, hvenær sem það nú veröur," segir Sig-
ríður í spjalli við DV
Væntingar mínar brugöust ekki
Sigríður segir að sér sé fjallgangan minnis-
stæð, hún hafi verið löng og nokkuð ströng. „En
aðallega man ég eftir útsýninu sem er víðfeðmt
og ægifagurt. Norðausturhluti landsins liggur
fyrir fótum manns: Fjarðafjöllm, Lónsöræfm,
Ódáðahraun og Vatnajökull. Veðrabrigði geta
veriö snögg á leiðinni upp á fjallið og því er nauð-
synlegt að vera vel búinn. Hafa verður með sér
hlý föt og jafnvel mannbrodda því efst eru fannir
og raunar jökull," segir Sigríður.
Hún bætir því við að þegar hún fór í Snæfells-
göngu sína hafi hún aldrei áður komið á hálend-
ið norðan Vatnajökuls. Því séu sínar fyrstu minn-
ingar tengdar fjallinu úr þessari ferð
„í æsku hafði ég oft heyrst sögur um fegurð
þessa umhverfis og um margfrægar hreindýra-
slóðir sem eru í nágrenni Snæfells. Ég hafði því
löngu áður meðtekið virðingu fyrir Snæfelli og
ákveðið að þangað lægi leið mín. Væntingar mín-
ar brugðust ekki.“
Hamrar, fannir og jökulhetta
DV-MYND ÖK.
Fjallgöngukona og kennarl
„En aðallega man ég eftir útsýninu sem er víðfeömt og ægifagurt.
Norðausturhluti landsins liggur fyrir fótum manns. Fjarðafjöllin,
Lónsöræfin, Ódáðahraun og Vatnajökull," segir Sigríöur María
Magnúsdóttir.
Snæfell
Hæsta fjall á íslandi utan jökla. Áður
eldfjall sem af er afar víöfeömt út-
sýni.
Eldstöð
og ein-
stakt
gróðurfar
Snæfell er 1833 metrar á hæð,
hæsta fjall utan jökla á íslandi.
Fjallið sést víða að og útsýni þaðan
er afar víðfeðmt. Snæfefl er fomt
eldfjall en hefur ekki bært á sér síð-
ustu tíu þúsund árin. í fjallinu er
töluvert líparit og er það talið vera
lítfl megineldstöð. Snæfell er lang-
yngst eldstöðva á Austurlandi,
myndað seint á ísöld, en ísöld lauk
fyrir um tíu þúsund árum. Vegna
mikillar hæðar eru ávallt fannir i
tindi þess og ganga skriðjöklar nið-
ur hlíðamar. Fjölmargar gönguleið-
ir eru á Snæfell og nágrenni þess,
en þar er einstakt gróðurfar, sér-
stakt landslag og meginslóðir hrein-
dýra á íslandi sem vert er að gefa
gaum.
Að mati Sigríðar er Snæfell fyrir margra hluta
sakir merkilegt að öðru leyti en því að vera hæsta fjall
landsins utan jökla. Það sé til dæmis hægt að spá fyrir
um veður með því að líta til íjallsins. Á Fljótsdalshéraði
sé talið að ef bjart sé yfir Snæfelli að kvöldi boði það
gott veður að morgni. í þessu sambandi megi einnig
geta þess að fom munnmæli hermi að enginn mætti
ganga á fjáflið, yrði það gert yrði refsað fyrir þá of-
dirfsku með illviðri.
„Þetta er fjall fegurðar og tignar í mínum huga. Það
er mikil litadýrð efst i Snæfelli, ljósbleikt líparit ásamt
dökkum hömrum, fonnum og efst er hvít jökulhetta,"
segir Sigríður María. - Aðspurð um önnur fjöll segir
hún að löngum hafi Herðubreið heillað sig og í raun
skipi þessi tjöll sama sessinn í sínum huga. Draumur
Bíógngnrýni
sinn hafi löngum verið sá að ganga á þessa
drottningu íslenskra fjalla - og vonandi sé
ekki langt í að hann rætist.
Stefni á Súlur
„Þá vil ég einnig nefna Súlur sem eru
tveir tjallstindar sunnan og vestan við Ak-
ureyri. Það er vinsælt að ganga á Súlur og
fallegt útsýni af þeim. Ég stefni þangað upp
í sumar og hef þá í huga þær ljóðlínur
Tómasar Guðmundssonar að í fjallgöngum
er ekkert bratt, bara mismunandi flatt,"
segir Sigríður María að síðustu.
-sbs
Smárabíó/Regnboginn - The Sweetest Thing: ★ i
Meira súrt en sætt
Sif
Gunnarsdóttir
skrífar gagnrýni
um kvikmyndir.
The Sweetest Thlng
Christina (Diaz), Courtney (Applegate) og Jane (Blair) eru þrjár partíglaðar
stelpur sem finnst gaman að dansa og daöra og hafa engan áhuga á „aivöru
langtímasamböndum “ - eða það halda þær.
Christina (Diaz), Courtney (App-
legate) og Jane (Blair) eru þrjár
partíglaðar stelpur sem finnst gam-
an að dansa og daðra og hafa engan
áhuga á „alvöru langtimasambönd-
um“ - eða það halda þær. Þær virð-
ast búa saman í íbúð í San
Francisco og virðast vera í afar fm-
um vinnum en það er aukaatriði.
Hér skiptir aðeins máli hvað gerist
utan vinnutíma og það er sem sagt
partí partí partí og að leika sér við
sæta stráka. En í einu klúbbpartí-
inu hittir Diaz draumaprinsinn,
Peter (Thomas Jane). Þau rífast að
vísu en finna bæði að það er greini-
lega eitthvað meira á milli þeirra en
bara loft. Samt lætur hún hann
sleppa án þess að fá hjá honum
heimilisfang, símanúmer eða tölvu-
póstfang og eyðir því sem eftir er af
myndinni í að leita að honum. Sú
leit felur í sér eitt ferðalag og ótal
atriði með þeim Diaz og Applegate á
nærbuxunum.
Handritshöfundurinn Nancy M.
Pimental og leikstjórinn Roger
Kumble hafa hér ætlað að gera neð-
anbeltishúmormynd, ætlaða kven-
þjóðinni frekar en strákunum, en
notast við hinn fræga Farelly-
húmor: Allir líkamsvessar eru geð-
veikt fyndnir! Þaö er eins og þau
hafi viljað sanna það að stelpur geti
talað eins mikið um typpi og píkur,
fullnægingar, sáðlát og fjölmargt
fleira fróðlegt og skemmtilegt og
strákar. „Opinská" umræða um
kynlíf kvenna er jú m.a. það sem
gert hefur sjónvarpsþættina Sex in
the City vinsæla svo hvers vegna
ekki sjóða saman heila kvikmynd
þar sem þrjár sætar og lögulegar
leikkonur stunda kynlíf, tala um
það, dreymir um það og syngja um
það.
Ef það væri einhver söguþráður í
myndinni, eða ef einhver léki vel
eða ef það væri ekki alltaf verið að
reyna að reka brandarana ofan í
kok á manni, þá heföi hún ef til vill
getað orðið ágæt. En myndin er
bara samsettir sketsar (misfyndnir)
þannig að okkur er nokk sama um
persónumar og uppátæki þeirra og
gæti ekki verið meira sama þótt hin
berorða og daðrandi Christina væri
tilbúin til að leggja dansskóna og
töffaraskapinn á hilluna og ganga
inn í hinn eina sanna draum allra
góðra stúlkna um að gifta sig hvít-
klædd og jómfrúarleg góðum
manni. Diaz hefur oftar en ekki sýnt
að hún er prýðileg leikkona (t.d. frá-
bær í Being John Malkovich) en ég
þurfti verulega að minna mig á þá
staöreynd því hér fær hún ekkert að
gera nema að dilla laglegum bossan-
um og brosa hringinn. Sjónvarps-
leikkonan Applegate (Jessie) er
ósköp frosin og Blair (Legally
Blonde) sætir auðmýkingum sem
engin leikkona ætti aö þurfa að
þola. Handritið er einfaldlega þunnt
og leikstjómin vond.
Samt sem áður eru nokkur veru-
lega fyndin atriði sem koma manni
til að hlæja upphátt en of mörg eru
bara pinleg eða fara langt út yfir
landamæri hins fáránlega. Senni-
lega er best að fara á The Sweetest
Thing við skál með hóp af stelpum -
í gæsapartíi kannski?
Aöalleikarar: Cameron Diaz, Christina
Applegate, Thomas Jane, Selma Blair,
o.fl. Lelkstjóri: Roger Kumble Framleió-
andi: Cathy Konrad Handrit: Nancy M. Pi-
mental