Dagblaðið Vísir - DV - 22.10.2002, Blaðsíða 10

10
Neytendur
ÞRIÐJUDAGUR 22. OKTÓBER 2002
DV
Bílaumboðin kynna rekstrarleigu á bílum fyrir einstaklinga:
Rekstrarleiga vænleg-
ur kostur fyrir marga
- föst mánaðarleg greiðsla í stað útborgunar, lántökukostnaðar og affalla
„Síminn hefur ekki stoppaö. Ég hef
trú á því að rekstrarleiga fyrir einstak-
linga sé komin til að vera,“ sagði Pétur
Bjömsson, sölustjóri notaðra bíla hjá
Ingvari Helgasyni, í samtali við DV.
Bílaumboð era, í samvinnu við f]ár-
mögnunarfyrirtækin, byijuð að bjóða
rekstrarleigu á bílum fyrir einstaklinga,
nýjan valkost sem einstaklingum hefur
ekki boðist fyrr hér á landi en er vel
þekkt fyrirbæri erlendis. Hafa bæði
Toyota og Ingvar Helgason auglýst
rekstrarleigu fyrir einstaklinga undan-
farna daga.
í rekstrarleigu felst að viðkomandi
leigir einfaldlega bílinn af umboðinu í
tiltekinn tíma, t.d. 2 ár. I leiguverðinu er
innifalin reglubundin skoðun og allt
viðhald eða viðgerðir sem falla undir
ábyrgðarskilmála. Kostnaður vegna við-
halds á slitflötum eins og bremsukloss-
um fellur á eigandann sem og trygging-
ar en skylt er að tryggja bílinn í kaskó-
tryggingu. Iðgjöldin ráðast þá af þeim
kjörum sem hver og einn hefur hjá sínu
tryggingafélagi. Þá greiðir leigutakinn
einnig lögbundin bifreiðagjöld. Þurfi að
skoða bílinn lögbundinni skoðun á
leigutímabilinu greiðir leigutaki hana.
Engin útborgun
í fljótu bragði er kosturinn við þetta
form á „bflaeign" sá að útborgun er eng-
in, gíróseðill með mánaðarlegu leigu-
gjaldi berst inn um lúguna í næsta mán-
uði eftir að samningur hefur verið gerð-
ur. Leigutaki er ekki að taka lán til
kaupa á bil, er ekki að greiða lántöku-
kostnað og vexti og þarf ekki að bera af-
foll sem verða á verði bílsins. Við lok
leigutímans þarf að setja bílinn i sölu-
skoðun eins og um eigin bíl væri að
ræða og verður leigutaki að greiða við-
gerðir ef hann er beyglaður eða
skemmdur á annan hátt.
Einu skilyrðin fyrir rekstrarleigu-
samningi eru að leigutakinn þarf að
vera 30 ára eða eldri og vera skráður
fasteignaeigandi. Þá þarf umsækjandi á
aldrinum 25-30 ára að útvega einn
ábyrgðarmann sem er skráður fast-
eignaeigandi.
Fyrstu skrefin
Skúli Kr. Skúlason, framkvæmda-
stjóri sölusviðs hjá Toyota, sagði um-
boðin vera að taka fyrstu skrefm í
rekstrarleigu fyrir einstaklinga og byij-
unin lofaði góðu.
„Fólk er farið að átta sig á því að bíll
er eins og hver annar búnaður til heim-
ilisins eða nauðsynjavara. Það geti ver-
ið betra að leigja bílinn og vita nákvæm-
lega hvar maður stendur í stað þess að
kaupa kannski gamlan bil með tilheyr-
andi lántökukostnaði og affóllum. í
rekstrarleigu era kannski greiddar 22
þúsund krónur á mánuði og viðkom-
andi er alltaf á nýlegum bíl. Markaður-
inn hér er að færast í sama horf og ver-
ið hefur í Evrópu í mörg ár. Þetta er
góður kostur fyrir mjög marga. Fólki
fmnst þetta mjög eðlilegur kostur þegar
það hefur kynnt sér hann,“ sagði Skúli
við DV.
Breytt viöhorf
Hér á landi er ekki hægt að rekstrar-
leigja bíl nema hann hafi verið í rekstr-
arleigu áður. Þar sem rekstrarleigu-
markaðurinn hér er ungur hefur ekki
verið mikið framboð af bílum sem upp-
fylla þessi skilyrði. En eftir að bílaleig-
ur uppgötvuðu rekstrarleiguna hefur
markaður fyrir rekstrarleigu til einstak-
linga smám saman verið að myndast.
Annaðhvort er um bílaleigubíla að ræða
eða bíla sem nýskráðir hafa verið sem
rekstrarleigubilar.
Þeir sem tekið hafa lán fyrir bílunum
sínum og hafa þurft að fá stóran hluta
bílverðsins að láni verða fljótt varir við
að lítil eignamyndun verður í bílnum.
Verðfallið getur verið hraðara en sem
nemur lækkun eftirstöðva lánsins. Þeg-
ar bíllinn er settur upp í annan blasir
verðfallið við og eftirstöðvar af gamla
láninu geta verið það miklar að fólk
kann að standa í sömu sporum eftir end-
umýjun og þegar eldri bíilinn var
keyptur. í slíkri stöðu kann einhver að
spyija sig hvort ekki sé skynsamlegra
að leigja einfaldlega bíl. Aka alltaf um á
nýlegum bíl. DV spurði bæði Pétur og
Skúla hvort rekstrarleiga til einstak-
linga færi ekki saman við breytt viðhorf
til bíla. Þetta væra einfaldlega nytja-
hlutir en ekki ijárfesting í hefðbundn-
um skilningi, eignamyndunin væri tak-
mörkuð. Fólk vildi einfaldlega farartæki
sem flytti það frá A til B. Tóku þeir und-
ir þetta en undirstrikuðu að þetta væri
þó mjög einstaklingsbundið. -hlh
Stór norræn matvælasýning í Danmörku:
Skagfirska kindakæfan
hlýtur enn eitt gullið
- og laxinn fékk silfur
Magnús Sverrisson, kjötiðnaðar-
maður á Sauðárkróki, fékk 1. verð-
laun fyrir Skagfirsku kindakæfuna
á stórri norrænni matvælasýningu i
Danmörku fyrir skömmu. Hann
fékk auk þess silfurverðlaun fyrir
reyktan lax. Á annað hundrað kjöt-
iðnaðarmenn alls staðar af Norður-
löndum tóku þátt í sýningunni.
Magnús sagði að ferðin hefði verið
afar ánægjuleg og vörumar sem
hann var með vöktu athygli.
„Þama voru stórar hallir fullar af
margvislegum kjötvörum og við
opnun sýningarinnar vora viðstadd-
ir 20-30 þúsund gestir, þannig að
þetta er klárlega góður vettvangur
til þess að kynna íslenskar landbún-
aðarvörur með útflutning á Evrópu-
markað í huga. En þess má geta að
sláturhús KS fékk nýverið leyfi til
útflutnings á lambakjöti á þann
markað. Ég tel að miðað við við-
brögð þarna eigum við mikla mögu-
leika á að ná markaði fyrir þessa
vöruflokka á Norðurlöndunum og
jafnvel víðar,“ sagði Magnús.
Þess má geta að þetta er ekki
fyrsta viðurkenningin sem Magnús
fær fyrir kjötvörur. í fagkeppni ís-
lenskra kjötiðnaðarmanna sem
haldin var sl. vor í Smáranum í
Kópavogi fékk Magnús gullverðlaun
fyrir kindakæfuna, auk þess var
hún valin sem besta afurðin í sínum
flokki, og silfurverðlaun fyrir
Haustskinku og Blóðpylsu en allt
eru þetta vörur sem kjötvinnsla KS
hefur framleitt.
Þetta staðfesti raunar Ágúst Andr-
ésson, framleiðslustjóri hjá Kjöt-
vinnslu KS á Sauðákróki, og bætti við
að vörur frá Kjötvinnslu KS hefðu
fengið góða dóma í fagkeppnum og
ekki síst hjá hinum almenna neyt-
anda. Kjötiðnaður er vaxandi at-
vinnugrein í Skagafirði en nú eru um
40 árs stöðugildi hjá kjötvinnslu KS
og þar af eru 9 faglærðir kjötiðnaðar-
menn. Nýlega var tekin í notkun
flæðilína fyrir úrbeiningu, í nýrri og
glæsilegri aðstöðu í kjötvinnslunni og
nýtist sú aðstaða vel við snyrtingu og
pökkun á fersku lambi fyrir ítaliu-
markað, en sú vinnsla er nú komin á
fullt og einnig er hafin útflutningur til
Færeyja. -ÖÞ
DV-MYND ÖRN ÞÓRARINSSON
Slgursæll
Magnús Sverrisson kjötiönaöarmaöur meö hluta af þeim verölaunum sem
hann hefur hlotiö á árinu.

DV-MYND GS
Frumkvöðull
Guöjón D. Gunnarsson í verksmiöju
á Reykhólum.
Frumkvöðull á Reykhólum:
Vítamín
úr þara
„Það era fjögur ár siðan ég byrj-
aði að þróa þessa vöru og fyrstu tvö
árin fóru eingöngu í að finna út rétt-
ar efnablöndur og mæla árangur á
lífríkið. Það er erfitt að byrja svona
framleiðslu vegna þess hvað efna-
greiningar eru dýrar en þær eru
óhjákvæmilegar við verkefni sem
þetta,“ segir Guðjón D. Gunnarsson
á Reykhólum við DV en hann fram-
leiðir Glæði, vítamín fyrir plöntur
og annan gróður sem unnið er úr
sjávarþangi.
Guðjón hefur um árabil starfað
við þörungaverksmiðjuna á staðn-
um og er þvi vel kunnugur þeim
möguleikum sem þangið býður upp
á. Glæðir hefur verið notaður með
góðum árangri jafnt á pottaplöntur
sem garðagróður og segir Guðjón
söluna hafa tvöfaldast í ár frá fyrra
ári sem er langt umfram væntingar.
„Stærstu pantanimar era á knatt-
spyrnu- og golfvelli auk þess sem
skógræktarmenn og gróðurhúsa-
bændur hafa notað vökvann með
góðum árangri. Helsti kostur efnis-
ins er að það styrkir rætur gróðurs-
ins og ver hann gegn sníkjudýrum."
Guðjón býður vítamínið í neyt-
endaumbúðum, í allt að 1000 lítra
einingum. -GS
Pepsi Blue á
markað
Nýr drykkur frá Pepsi, Pepsi
Blue, er kominn á markað á íslandi.
Pepsi Blue er blár drykkur með
fersku kólabragði. Þessi drykkur
fæst í hálfs lítra og tveggja lítra
plastflöskum. Fyrst um sinn verður
Pepsi Blue aðeins fáanlegt í tak-
mörkuðu magni.
Pepsi Blue kom fyrst á markað í
Bandaríkjunum í sumar eftir að
unnið hafði verið að þróun drykkj-
arins frá því í ágúst 2001. ísland er
eitt af fyrstu löndunum utan Banda-
ríkjanna þar sem Pepsi Blue kemur
á markað.
í grundvallaratriðum er formúlan
að Pepsi Blue hin sama og að Pepsi
nema hvað Pepsi Blue er blátt á lit-
inn. Kolsýruinnihald er aðeins
hærra en í Pepsi en sætuinnihald
lítið eitt lægra. Koffeinmagn Pepsi
Blue er hið sama og í Pepsi.