Dagblaðið Vísir - DV - 18.11.2002, Side 9

MÁNUDAGUR 18. NÓVEMBER 2002
25
DV
Haukar-Conversano 26-18
1-í), 5-2, 9-3, 12-5, 14-8, (15-10). 16-10, 20-13,
22-15, 24-17, 26-18.
Haukar:
Mörk/viti (skot/viti): Aron Kristjánsson 8
(15), Ásgeir Örn Hallgrímsson 4 (6), Halldór
Ingólfsson 4/1 (8/1), Róbertas Pauzoulis 3 (8),
Þorkell Magnússon 2 (3), Jón Karl Björnsson
2/2 (2/3), Pétur Magnússon 1 (1), Aliaksandr
Shamkuts 1 (1), Birkir ívar Guömundsson 1/1
(1/1).
Vítanýting: Skorað úr 4 af 5.
Fiskuö víti: Halldór 3, Shamkuts í, Þorkell 1.
Varin skot/víti (skot á sig): Birkir ívar Guö-
mundsson 12/1 (30/1, hélt 3.
Brottvisanir: 6 mínútur.
Dómarar (1-10):
Kenneth Abraham-
sen og Ame Kristi-
ansen, Noregi. (8)
Gϗi leiks
(1-10): 8.
Áhorfendur:
1100.
Maöur
Aron Kristjánsson, Haukum.
Aron Kristjánsson:
Frábær
varnarleikur
hjá okkur
Aron Kristjánsson var besti
maður vallarins og hann hafði
þetta að segja:
„Þetta var fráhær leikur hjá
okkur og þvílík vörn, bæði i
þessum leik og þeim fyrri.
Markvarslan var góð og við
vorum nokkuð skynsamir í
sóknarleiknum og þetta er allt
á réttri leið hjá okkur; allt
annað og betra tempó en við
höfum verið að sýna í deild-
inni hér heima, miklu meiri
læti og grimmd. Þeir eru með
virkilega fint lið en við vorum
staðráðnir í þvi að leggja þá
að velli og fengum bara blóð-
bragð í munninn að sjá þá í
FH-búningnum,“ sagði Aron
og hló, en Conversano leika í
sauðalitunum eins og
svart/hvítu hetjurnar frá
Kaplakrika. -SMS
Guömundur Hrafnkelsson:
Lélegasti
leikurinn
í vetur
Guðmundur Hrafnkelsson,
landsliðsmarkvörður og leik-
maður Conversano, var nið-
urlútur í leikslok, eins og gef-
ur að skilja en hann þarf ekk-
ert að skammast sín fyrir sína
frammistöðu:
„Við vorum líklega að spila
einn okkar lélegasta leik á
þessu tímabili og það var bara
til skammar að geta ekki sýnt
almennilegan
handbolta; þetta
gekk bara ekki
upp hjá okkur,
því miður. Við
náðum ekkert að
stilla upp fyrir
okkar aðalmenn,
við eigum flnar skyttur og
heimsklassa hornamann og
eftir þetta þurfum við að
skoða þennan leik vel og sjá
hvað er að. Haukarnir voru
hins vegar að spila virkilega
góða vörn og þeir voru skyn-
samir í sókninni og áttu bara
skilið að vinna þetta,“ sagði
Guðmundur Hrafnkelsson.
Úrslitin voru ítalska liðinu
mikið reiðarslag en Conversa-
no ætlaði sér stóra hluti í Evr-
ópukeppninni og batt góðar
vonir um að komast áfram eft-
ir að liðið dróst á móti Hauk-
um. Þær vonir urðu að engu
og liðið er úr leik.
-SMS
Sport
Evrópukeppni bikarhafa í handknattleik:
Haukarnir áfram
- eftir glæsilegan átta marka sigur á ítalska liðinu Conversano
Haukar eru komnir áfram í
fjórðu umferð Evrópukeppni bik-
arhafa í handknattleik eftir
glæsilegan sigur á ítalska liðinu
Conversano, 26-18, á laugardag-
inn var. Haukarnir fara því sam-
anlagt áifram með átta marka mun
því jafntefli varð í fyrri leiknum á
Ítalíu. Eftir frekar dapurt gengi í
deildinni hér heima er greinilegt
að deildar- og bikarmeistararnir
eru komnir á beinu brautina, það
sanna þessir tveir leikir á móti
Conversano, því þetta ítalska lið
er mjög vel mannað.
Haukarnir tóku hins vegar eng-
um vettlingatökum á þeim og
þeir sýndu flestar sínar bestu
hliðar en sérstaklega var varnar-
leikurinn sterkur og þá var Birk-
ir ívar Guðmundsson góður í
markinu. Þeir stilltu upp í 3-3
vörn sem gekk frábærlega upp því
gestirnir náðu aldrei almennilega
að stilla upp fyrir helstu kanónur
sinar, menn eins og Zvonimir Bil-
ic, Igor Vori og svo holdgerving
sjálfrar Svíagrýlunnar, hinn frá-
bæra hornamann, Pierre Thor-
son, sem fékk úr litlu að moða.
Þarna sannaðist enn einu sinni að
stærðin skiptir ekki öllu máli því
gestirnir voru flestir talsvert
hærri en heimamenn en hjarta
Haukanna sló svo sannarlega í
rétta taktinum og það skiptir
mestu.
Hvað sóknina varðar voru þeir
tilbúnir og þeir tóku frumkvæðið
strax í byrjun og létu það aldrei af
hendi. Einbeitingin og leikgleðin
skein úr andlitum leikmanna sem
skoruðu mörk af flestum gerðum.
Fimm marka munur var í hálf-
leik, 15-10, en eftir sex mínútna
leik í síðari hálfleik var hann
kominn í sjö mörk, 18-11. Gestun-
um tókst aðeins einu sinni að
minnka muninn í fimm mörk, 22-
17, sjö mínútum fyrir leikslok en
Haukarnir gáfu þá bara í á nýjan
leik og uppskáru frábæran sigur.
Vörnin grunnurinn að
sigrinum
Eins og áður sagði var það
varnarleikurinn sem lagði
grunninn að sigrinum en í heild-
ina séð spilaði liðið allt einfald-
lega vel og allir leikmenn eiga
hrós skilið. Þar fór þó fremstur
Aron Kristjánsson og þeir Ásgeir
Örn Hallgrímsson og Halldór Ing-
ólfsson voru mjög góðir. Hjá Con-
versano var Guðmundur „okkar“
Hrafnkelsson traustur í markinu
og var besti leikmaður liðsins,
sem spilaði í heildina séð eins og
höfuðlaus her og átti engan mögu-
leika í Haukana.
Þjálfari þeirra, Viggó Sigurðs-
son, var mjög ánægður með sína
menn þegar DV-Sport kom að
máli við hann eftir leik:
Tveir bestu leikir okkar á
tímabilinu
„Þetta var glæsilegur sigur og
vörnin var frábær og markvarsl-
an góð og hraðaupphlaupin tókust
mjög vel og þessir þættir gerðu
gæfumuninn. Þeir eru með mjög
góðan mannskap en voru illa
skipulagðir og leikstjórnin var lé-
leg hjá þeim. Þeir spila svona
týpískan Júggahandbolta, treysta
á einstaklingsframtakið og þegar
það klikkar þá fer oft allt í hnút
og við einfaldlega klipptum út
lykilmenn þeirra, sóknarleikur-
inn gekk síöan alveg ágætlega
þrátt fyrir talsvert mörg mistök.
Við spiluðum mjög agað og höfð-
um þetta í hendi okkar og þetta
var verðskuldað hjá okkur og
þessir tveir leikir eru þeir bestu
hjá okkur á tímabilinu og koma á
réttum tíma og nú förum við að
standa undir þeim kröfum sem
gerðar eru til liðsins," sagði
Viggó Sigurðsson. -SMS
ítalirnir tóku Róbertas Pauzoulis engum vettlingatökum en hann leikur mikilvægt hlutverk í Haukaliöinu. Robertas
skoraði þrjú mörk í leik liðanna að Ásvöllum á laugardag. Haukarnir eru komnir áfram en ítalska liðið situr eftir með
sárt ennið. DV-mynd PÖK
Áskorendakeppni Evrópu í handknattleik:
Stoltur af strákunum
- Grótta/KR komið áfram eftir tvo frábæra sigra í Portúgal um helgina
Grótta/KR er komið i 16-liða úr-
slit í áskorendakeppni Evrópu í
handknattleik eftir frábæran sig-
ur, 22-19, á portúgalska liðinu
Francisco de Holanda I síðari leik
liðanna í Portúgal. í hálfleik var
staðan, 13-11, fyrir Gróttu/KR sem
byrjaði leikinn af miklum krafti
og komst um tíma í fyrri hálfleik
í 9-3.
Fyrri leikurinn fór fram í
Portúgal á laugardag og þar fór
Grótta/KR einnig með glæstan
sigur af hólmi. Grótta/KR tók
mikla áhættu að leika báða leik-
ina í Portúgal en portúgalska lið-
ið er mjög sterkt og er í öðru sæt-
inu í deildarkeppninni þar í landi.
Ágúst Jóhannsson, þjálfari
Gróttu/KR, sagðist í samtali við
DV í gærkvöld vera í skýjunum
með uppskeru helgarinnar. Hann
sagði að varnarleikur og mark-
varsla hefði lagt grunninn að
þessum tveimur frábæru sigrum.
Á engan óskamótherja í
næstu umferð
„Það léku allir framúrskarandi
vel og viö vorum tvimælalaust aö
leika okkar bestu leiki i vetur.
Þeir gátu varla komið á betri
tíma. Við gerðum Portúgölunum
mikla skráveifu með því að vinna
þá í fyrri leiknum og fyrir vikið
þurftu þeir að taka nokkra áhættu
í síðari leiknum. Ég er mjög stolt-
ur af strákunum og þeir sýndu
mikinn kartakter í báðum leikj-
unum um helgina. Ég á enga sér-
staka óskamótherja í næstu um-
ferð, vona bara aö við þurfum
ekki að ferðast langt og við mun-
um stefna að því að leika okkar
heimaleik í 16-liða úrslitunum,"
sagði Ágúst.
Mörk Gróttu/KR í seinni
leiknum: Alexanders Peterson 9,
Dainis Rusko 7, Davíð Ólafsson 3,
Alfreð Finnsson 2, Sverrir Pálma-
son 1. Hlynur Mortens varði 21
skot.
Grótta/KR vann góðan sigur í
fyrri leiknum, 24-21, og kom sá
sigur verulega á óvart því portú-
galska liðið hefur þótt mjög erfitt
heim að sækja. Grótta/KR kom
Portúgölunum í opna skjöldu með
geysilega öflugum vamarleik og
við honum áttu heimamenn ekk-
ert svar. Markvarslan var sömu-
leiðis góð hjá Hlyn Mortens og
sagði Ágúst Jóhannsson þjálfari
að þetta hefði verið besti leikur
liðsins fram að þessu í vetur.
Mörk Gróttu/KR í fyrri
leiknum: Alexanders Petersons 7,
Davíö Ólafsson 5, Dainis Rusko 4,
Magnús Agnar Magnússon 3, Ingi-
mar Jónsson 2, Sverrir B. Pálma-
son 2, Alfreð Örn Finnsson 1.
Hlynur Mortens varði 18 skot í
markinu og Guðmundur Jóhanns-
son kom inn á til að verja tvö víta-
köst.
Fylgst meö Petersons
Lettinn Alexanders Petersons
lék mjög vel með Gróttu/KR um
helgina og vakti framganga hans
mikla athygli. Útsendarar liða frá
Spáni og Portúgal fylgdust með
honum í leikjunum og hrifust
enda fór leikmaðurinn á kostum á
köflum og réðu leikmenn
Francisco de Holanda stundum
ekkert við hann. -JKS