Dagblaðið Vísir - DV - 09.12.2002, Side 3

MÁNUDAGUR 9. DESEMBER 2002
19
I>V
Sport
Enski bikarinn:
Chelsea mætir
Middlesbrough
í gær var dregið í þriðju um-
ferð ensku bikarkeppninnar en
annarri umferð lauk um helgina.
Margir athyglisverðir leikir eru
á dagskrá en í fjórum leikjum
mætast úrvalsdeildarlið inn-
byrðis. Chelsea tekur á móti
Middlesbrough á Stamford
Bridge, Liverpool sækir
Manchester City heim á Maine
Road, Aston Villa fær Blackburn
í heimsókn á Villa Park og
Tottenham heimsækir Sout-
hampton á St. Mary’s. Manchest-
er United mætir efsta liði 1.
deildarinnar Portsmouth á Old
Trafford og íslendingaliðið Stoke
fær Wigan í heimsókn á Britt-
ania-leikvanginn. Eftirtalin lið
drógust saman:
Leicester-Bristol City
Scunthorpe eða Carlisle-Leeds
Giliinghajn-Sheffleld Wed.
Chelsea-Middlesbrough
Ipswich-Morecambe
Preston-Bristol Rovers eða Rochdale
Man. City-Liverpool
Shrewsbury-Everton
Southend eða Bournemouth-Crewe
Plymouth-Dagenham
Cambridge eða Northampton-MiUwall
Bolton-Sunderland
Dariington-Famborough
WalsaU-Reading
Fulham-Birmingham
Stoke-Wigan
West Ham-Nott. Forest
Charlton-Exeter
Sheffl Utd-Cheltenham
Aston Villa-Blackburn
Cardiff-Coventry
Wolves-Newcastle
Southampton-Tottenham
Norwich-Brighton
Arsenal-Oxford
Grimsby-Burnley
West Brom-Bradford
Rotherham-Wimbledon
Brentford-Derby County
Blackpool-Crystal Palace
Man. Utd-Portsmouth
Macclesfield-Watford
Leikirnir munu fara fram
helgina 4.-5. janúar en ekki er
búið að ákveða hvaða leikir
verða spilaðir á laugardegi og
hvaða leikir verða spilaðir á
sunnudegi. -ósk
Nýjasta stjarnan í íslenska
íþróttaheiminum er 18 ára hnefa-
leikakappi frá Keflavík að nafni
Skúli Steinn Vilbergsson, oft nefnd-
ur Skúli „Tyson“ í höfuðið á hnefa-
leikamanninum fræga. Skúli vakti
mikla athygli á hnefaleikasýning-
unni í Höllinni á dögunum með líf-
legri framkomu sem og frábærri
frammistöðu í hringnum þar sem
hann útboxaði öflugan strák frá
Bandaríkjunum sem hafði aldrei
tapað áður á ferlinum. Það sem
gerði sigur Skúla enn áhugaverðari
var sú staðreynd að hann var ökkla-
brotinn og með slitið liðband. Þeir
eru ekki margir sem þekkja til
þessa drengs og því ákvað DV-Sport
að taka hann tali.
Treysti á sjálfan mig
Af hverju fórstu aö œfa hnefaleika
og hvað ertu búinn aó œfa lengi?
„Ég er búinn að æfa í þrjú ár en
ég mætti á mína fyrstu æfingu í des-
ember 1999. Ástæðan fyrir því að ég
valdi box er að þetta er flottari
íþrótt en aðrar, hún er meira töff.
Ég er ekki mikið fyrir að vera í hóp-
íþróttum en aftur á móti meira fyr-
ir einstaklingsíþróttir þar sem ég
þarf bara að treysta á sjálfan mig og
get ekki kennt öðrum um.“
Hverjar eru þínar fyrirmyndir í
boxinu og af hverju ertu kallaöur
Tyson?
„Tyson er augljóslega fyrirmynd
mín af því hann þorir að vera öðru-
vísi og það er ekki til sá boxari sem
sækir eins og hann. Hann er líka
svona vitleysingurinn í boxinu og
ég vona að ég sé það líka hérna
heima. Það verður alltaf að vera
einn vitleysingur á hverjum stað og
ég tók það bara að mér hérna
heima."
Hvernig var aö fá að taka þátt í
svona stóratburöi eins og í Höllinni
um daginn?
„Það var alveg geggjað. Þetta var
tvímælalaust besta kvöld sem ég hef
upplifað á minni ævi. Þetta verður
seint toppað og það var mikill heið-
ur að fá að vera með í fyrsta skipti
sem hnefaleikar eru á íslandi eftir
þetta langan tíma.“
Með bíladellu
Áttu þér önnur áhugamál en box-
iö?
„Það eru bílar, ég er algjör bíla-
kall. Mig hefm- tfl að mynda lengi
lcmgað að kaupa mér amerískan
dreka og gera hann upp. Það kemst
fátt annað að hjá mér en box, bílar
og kellingar."
Ertu í skóla eóa vinnu?
„Ég er í FS á náttúrufræði- og
íþróttabraut og er búinn að vera þar
síöustu þrjú ár. Ekkert planað hvað
ég geri eftir það og vissulega hefur
áhrif hvemig fer með boxið en ann-
ars hefur mig alltaf langað að fara í
flugmanninn og hver veit nema
maður fari í það í framtíðinni."
Hvaö ertu búinn aö keppa marga
bardaga ef svo mœtti kalla?
„Ég fór með í ferðina til Banda-
ríkjanna og það var í fyrsta skipti
sem ég keppti í alvöru þótt það hefði
ekki verið dæmdur neinn sigurveg-
ari í þeim bardögum. Svo keppti ég
í Danmörku en það var stutt gaman
þar sem gaurinn sem ég var að
keppa við fór úr axlarlið eftir tíu
sekúndur og því varð að stöðva bar-
dagann. Ég náði nú samt að landa
fimm höggum á hann. Hann fór úr
axlarlið er hann kýldi mig, ég stend
því undir nafni þar sem ég heiti
Skúli „Steinn".
Engan aumingjaskap
Er þaó satt aö þú hafir veriö
ökklabrotinn og meö slitiö liöband er
þú kepptir í höllinni?
„Ég missteig mig illa fiórum mán-
uðum fyrir bardagann og brotnaði
báöum megin á ökklanum og sleit
einnig liðband. Ég var engu að síð-
ur mættur á æfingu fiórum dögum
seinna með spelku. Ég beit bara á
jaxlinn því ég vildi ekki missa af
þessu. Það þýðir ekkert að vera með
neinn aumingjaskap, það er bara
harkan.“
Áttu þér drauma fyrir framtíöina?
„Ætli ég segi ekki bara að berja
Tyson, nei ég veit það ekki. Ætli ég
vilji ekki frekar lemja á Lewis. Ég á
séns í þá þegar þeir eru komnir í
hjólastól," sagði þessi skemmtilegi
og efnilegi hnefaleikamaður sem
vafalítið á eftir að skemmta landan-
um með tilþrifum sínum í hringn-
um á komandi árum. -HBG
Skúli tekur vel á því á æfingum þótt ökklabrotinn sé og hér sést hann eftir
góðu æfingu í Reykjanesbæ. DV-myndir Arnar Fells