Dagblaðið Vísir - DV - 05.04.2003, Page 52

56
Hefgarblacf DV LAUGARDAGUR 5. APRÍL 2003
Maðurinn
Sönqsveitin Fílharmónía ætlar að flqtja
Messías eftir Handel íLangholtskirkju á
sunnudaqinn. Það er Bernhard Wilkinson
sem heldur um tónsprotann eins oq hann
hefur qert undanfarin ár.
&
Sjálfsagt hafa allir velt því einhvern tímann
fyrir sér hvort hann sé algerlega nauðsynlegur
maðurinn sem stendur alltaf fyrir framan hljóm-
sveitina eða kórinn og veifar annaðhvort sprota
eða höndunum framan í tónlistarmennina. Allar
hugmyndir um að slíkir menn séu aðeins til
þess að skyggja á eru óþarfar því ef ekki væri
fyrir manninn með sprotann er hætt við aö
megnið af tónlistarflutningi færi út um þúfur ef
ekki algerlega í vaskinn.
Þetta sést hvergi betur en á tónleikum eins og
þeim sem söngsveitin Fílharmónía ætlar að
halda í Langholtskirkju sunnudaginn 5. apríl og
þriðjudaginn 8. apríl. Þar ætlar söngsveitin að
flytja Messías eftir Hándel sem hét reyndar fullu
nafni Georg Friedrich Handel og var þýskt tón-
með sprotann
skáld sem dvaldist reyndar langdvölum í Bret-
landi og hefur áreiðanlega orðið fyrir áhrifum
þar. Messías var frumfluttur í Dublin á írlandi
og hefur síðan verið fastur þáttur á efnisskrá
metnaðarfullra kóra víða rnn heim.
Þarna stíga tugir söngvara á svið, fjórir ein-
söngvarar og kammersveit sem Rut Ingólfsdóttir
leiðir ásamt völdum hópi hljóðfæraleikara. Það
er síðan Bernhard Wilkinsson sem heldur um
sprotann og stjórnar öllu saman. Hann er Breti
og telur þess vegna líklegt að Hándel hafi orðið
gott af dvölinni í Bretlandi.
Hándel og kóngurinn
„Hándel ferðaðist víða og hann vildi hafa það
gott og njóta lífsins og það þýddi meðal annars
að koma sér vel við konunga og hirðir. Hann
samdi t.d. Vatnasvítuna frægu um ensku vötnin
aðallega í þeim tilgangi að koma sér vel við
breska konunginn," segir Bernharður eða Benni
eins og hann er yfirleitt kallaður.
Messías er fyrst og fremst trúarleg tónlist,
dýrðaróður til Jesú Krists og rekur ævi hans í
meginatriðum. Verkið verður aö þessu sinni
flutt í nokkuð styttri útgáfu en í fullri lengd tek-
ur flutningurinn um tvo og hálfan tíma.
„Fyrri hlutinn fjallar um meyfæðinguna og
fæöingu Frelsarans og minnir um margt á jóla-
söguna. Síðan gerum við hlé og eftir hlé verða
fluttir þeir þættir sem minna miklu meira á at-
burði sem tengjast páskunum. Þar er krossfest-
ingin, hýðingin og hlátur og háð og spott.“
Fjórir einsöngvarar verða með söngsveitinni
Fílharmóníunni í flutningi þessa mikla verks.
Það eru þær Hulda Björk Garðarsdóttir og Sess-
elja Kristjánsdóttir sem eru án efa óperugestum
að góðu kunnar en þær syngja báðar við ís-
lensku óperuna. Síðan kemur Eyjólfur Eyjólfs-
son tenór og syngur í fyrsta sinn í svo stóru
verki á íslandi. En hver er þessi Eyjólfur?
„Hann er flautuleikari eins og ég,“ segir Benni
og hlær.
„Hann var í Hljómeyki sem ég stjórnaði og
þegar hann sótti um tónlistarskóla í London
vildu allir fá hann. Hann er i námi við Guildhall
School of Music. Hann er ekki búinn að læra en
mér finnst hann geysilega efnilegur og var
einmitt að syngja Messías fyrir skömmu."
Síðan er Ágúst Ólafsson einsöngvari sem er
eins og Eyjólfur að stíga sín fyrstu skref á
söngsviðinu. Hann hefur lokið námi í söng en er
staddur í Finnlandi um þessar mundir og kemur
þaðan til þess að taka þátt í flutningnum á Mess-
íasi.