Dagblaðið - 02.04.1979, Blaðsíða 3

DAGBLAÐIÐ. MÁNUDAGUR 2. APRÍL 1979.
3
Svona gerum við
— er við látum skoða bílana okkar
Örn Smith i Svíþjóð skrifar:
Þeir eru líklega fáir bíleigendurnir í
Reykjavík sem ekki minnast
þjónustuhagkvæmni Bifreiðaeftirlits
ríkisins í Borgartúni þegar kom að
hinni lögboðnu bifreiðaskoðun. Að
stympast í kösinni framan við af-
greiðsluborðið og beita hörku við að
halda sínum stað i röðinni til þess
eins að vera svo vísað yfir að næsta
afgreiðsluborði með tilheyrandi ið-
andi kös, vegna þess að þar er tekið á
móti þeim sem ætla að láta skoða.
önnur tímafrek stimpingarlota i
þeirri kös. Og hafi maður verið svo
forsjáll að hafa borgað trygginguna
af bilnum, skattinn og útvarps-
afnotagjaldið, þá kom sú stund að
hægt var að ganga út i skúr skoð-
unnarmanna ,,úti á plani”, og fram-
vísa þar lítilli málmplötu með
ígreyptu númeri sem gaf til kynna
stöðu i einhverri röð. Og enn hefst
bið. Þvi að þarna í skúrnum stendur
mikið af fólki og handfjatlar og
hampar svipuðum plötum og biður
eftir lokaátakinu i hildarleiknum. En
þessi bið er léttari en hinar fyrri og
átakaminni vegna málmplötunnar
góðu. Guð blessi hana.
Skoðun bflsins
ÖIl bið tekur enda og nú hefst aðal-
gamanið. „Númer sjötíu og fimm”,
segir sloppklæddur, grimmilegur
maður og tekur við framréttri plöt-
unni.
„Hvar er bíllinn?”
„Hann er niðri i Skúlatúni, ég fékk
ekki stæði nær”. Og eigandinn
hleypur við fót eftir bílnum og fær
hann í hendur grimmilega mannin-
um. Sá grimmilegi reynir eftir megni
að halda reisn sinni meðan hann
skríður í forinni í kring um farartæk-
ið og gerir sínar athuganir með fing-
urnar eina verkfæra. Eigandinn tipl-
ar á eftir hálfboginn og lafhræddur
og spyr um ástand stýrisenda og
LESENDASÍÐUR ERU
EINNIG Á BLS. 4 í DAG.
Hringiö
hemla í ljúfum róm til þess að styggja
nú ekki þann grimmilega. Það sögðu
nefnilega illar tungur að það væri
varasamt að fara fruntalega að
þessum skoðunarmönnum. Að
hugsa sér að nokkrum skyldi detta
Nagra ord om
KONTROLL-
BESIKTNING
Í Sviþjóð eru gefnir út bæklingar til
þess að leiðbeina fólki um bifreiða-
skoðanir.
svoleiðis í hug. Nú, nú. Þessu er að
verða lokið og fulltrúi eftirlitsins á
bara eftir að aka einn hring umhverf-
is skúrinn og því lýkur hann léttilega
á tiu sekúndum með tilheyrandi spóli
og neyðarhemlunum. Og í þessu til-
felli er fulltrúinn svo ánægður með
spól og hemlunargetu farartækisins
aðhannlímir hvítan miða í framrúð-
una. Leiknum er lokið með sigri
kúnnans að þessu sinni og hann hefur
ekki tapað nema tveimur tímum frá
vinnu vegna þessarar athafnar.
Bifreiðaskoðanir
í Svíþjóð
Kveikjan að þessum óð til Borgar-
túns er sú, að nú nýlega fór ég með
bíl minn til skoðunar hér í sveit og
varð það til þess að hugurinn reikaði
til baka til Islands og „lögboðinnar
skoðunar bifreiða” þar.
Fyrirkomulag bifreiðaskoðunar
hér er með nokkuð öðrum hætti og
gæti sjálfsagt orðið til fyrirm>ndar ef
vilji væri fyrir hendi hjá isltn .4 um
yfirvöldum að notfæra ser að
minnsta kosti það besta úr reynslu
annarra þjóða. Má í þessu sambandi
fyrst nefna, að hér hafa menn
þrjá mánuði til þess að láta fram-
kvæma hina árlegu, lögboðnu
skoðun, og kostar það sjötíu krónur
sænskar, eða um fimm þús. ísl. fyrir
venjulega fólksbifreið. Færist við-
komandi bíll ekki til skoðunar á þeim
tíma þá hefur maður enn tvo
mánuði á hækkuðu gjaldi, eða sem
svarar hálfu áttunda þúsundi tsl.
Nægi þessi tími ekki, þá er viðkom-
andi bíll tekinn úr umferð með til-'
heyrandi sektum og leiðindum. Sjálf
skoðunin tekur ekki nema um fimm
mínútur að öllu jöfnu. Þarf einungis
að panta tíma símleiðis og er hægt að
notast við hvaða prófunarstöð „eftir-
litsins” sem er, en þær eru dreifðar
um allt land. Hef ég enn ekki lent í
því að vera ekki „tekinn inn” á því
klukkuslagi sem pantað var og gefur
það út af fyrir sig tilfinningu um að
kerfið vinni vel.
Prófunarstöðvar eru mjög hrein-
legar og vel búnar tækjum og eru
tveir menn um að skoða hvern bíl.
Gengur það eins og áður sagði undra
fljótt fyrir sig og þykir sjálfsagt að
eigandinn fái að fylgjast með því sem
fram fer. Finnist eitthvað athugavert
við bifreiðina, eitlhvað sem er talið
hættulegt öryggisins vegna er veittur
eins mánaðar frestur til lagfæringar
og siðan endurskoðunar á viðkom-
andi atriðum gegn rúml. þrjátíu
króna aukagjaldi. Líði aftur á móti
lengri tími en einn mánuður þar til
komið er til endurskoðunar, þá er
tekið fullt gjald á ný. Er vel hægt að
gera sér í hugarlund að þessar stig-
hækkandi greiðslur tryggi það
nokkuð vel að fólk trassi ekki að
koma með bílinn til skoðunar á
réttum tíma.
Ég vil að lokum aðeins taka fram
að ég hef ekki haft tækifæri til þess
að sjá hvernig eftirlitið hefur búið
um sig í nýja heimilinu ofan við
Elliðaár. Vel má vera að þar sé nú allt
orðið eins og það bezt gerist í henni
Ameríku sé svo, bið ég viðkomandi
að láta þessar línur sem vind um
eyrun þjóta.
isima
27022
milli kl.
13 og 15,
eöa skrifiö
Heimilis-
iæknir
Raddir lesenda taka við
skilaboðum til umsjónar-
manns þáttarins „Heimii-
islæknir svarar" í síma
27022, kl. 13-15 alla
virka daga.
eins og þú
óskar þér
hann...
í mótsetningu viðöll önnurstereo-heyrnar-
tæki getur þú á KOSS Technican/VFR stjórnað
hljómburðinum alveg eftir þínu höfði. ístaðinn
fyriraðþúhlustiráuppáhalds tónverkin eins og aðrir heyra þau, nýtur þú þess að geta
framkallað þann hljómburð sem er þér að skapi- aðeins með því að færa til VFR-stillinn.
Tæknilegar upplýsingar: 50 mm aflhátalarar • Mótstaða : 230 ohm/1 kHz
• Tíðnisvið: 10-22000 Hz • Næmleiki: 95 V-rms/1 kHz • Bjögun: Minni en 0,4%/1 kHz/100
dB SPL • Hljóðstyrkur við 1% bjögun: 108 dB/1 khlz • 3 metra gormlaga aðtaug
• „Pneumalite" eyrnapúðar. • Tenging fyrir gálgahljóðnema • Þyngd: 483 g (u/aðtaug)
FALKIN N
SUÐURLANDSBRAUT 8, SÍMI 84670
Hlj ómbur ðurinn
einmitt
Spurning
Ert þú fylgjandi
aðild íslands að
Atlantshafsbanda
laginu?
(Spurt í Menntaskólanum í Hamra-
hlfð)
Kjirtan Kárason: Já, ég held aö valda-
hlutföllin i heiminum geri það nauð-
synlegt.
Þóra Sigurjónsdóttir: Já, ég vil að við
séum i NATO. Ég tel að það skapi
aukið öryggi fyrir okkur.
Kristján Unnarsson: Það eru flestir
menntaskólanemar á móti þvi og þar á
meðal ég og a.m.k. þeir sem eitthvað
segja.
Benedikt Höskuldsson: Nei, það er ég
ekki. Ég tel hana hreint og beint út í
hött.
Ólafur Magnússon: Nei, ég er alls ekki
fylgjandi henni vegna þess að þetta eru
útverðir heimsvaldastefnu vesturveld-
anna. Ég er á móti allri heimsvalda-
stefnu.
Páll Valsson: Ég er eindregið á móti
veru íslands í NATO og ég tel það
grundvallarkröfu hverrar sjálfstæðrar
þjóðar að her sé ekki í landinu.