Dagblaðið - 02.04.1979, Blaðsíða 8

8
DAGBLAÐIÐ. MÁNUDAGUR 2. APRlL 1979.
Egyptaland:
Sadat tekur á móti
Begin i Kairó í dag
Menachem Begin forsætisráðherra
ísraels kemur í dag til Kairó í Egypta-
landi og verður þar með fyrsti forsætis-
ráðherra lands síns sem þangað kemur
i þrjátíu ára sögu þess. Ekki veröa þó
neinir aðrir leiðtogar eða fulltrúar
annarra arabaþjóða en Egypta, sem
fagna honum þar. Allir sendimenn
arabaríkja í Kairó verða farnir og
kemur brottför þeirra i kjölfar
samþykktar fundar leiötoga rikjanna i
Bagdad á dögunum. Þar var ákveðið
að hætta öllum samskiptum við
Egyptaland og jafnframt að hætta allri
efnahagsaðstoð og viöskiptum við
ríkið.
Þetta er þó ekki í fyrsta skipti, sem
Menachem Begin kemur til
Egyptalands. Hann kom til Ismailia
rétt við Suezskurðinn árið 1977. Það
var þó aðeins óformleg heimsókn en í
þetta skiptið verður tekið á móti
honum, sem þjóðhöfðingja sæmir.
Rauði dregillinn tekinn fram og sjón-
varpað frá móttökuathöfninni um allt
Egyptaland.
Miklar varúðarráðstafanir eru í
Kairóum þessar mundir. Mikill hópur
lögreglumanna gætir gistihússins þar
sem 158 ísraelskir opinberir starfsmenn
og blaðamenn dvelja en þeir komu til
Kairó í gær. Annar hópur og mun
stærri mun síðan fylgjast með
þjóðarleiðtogunum, bæði hinum
ísraelska og egypzka frá því að þeir
heilsast á Kairó flugvelli.
Erlendar
fréttir
REUTER
Ródesía:
Skutuá
flugvél Rauða
krossins
Skothríðin buldi á flugvél á vegum
ródesíska Rauða krossins, þegar hún
flaug yfir suðurhluta landsins í gær.
Enginn særðist í skothríðinni og vélin
komst klakklaust á áfangastað.
Anwar Sadat forseti Egyptalands var fagnað mjög þegar hann kom heim tii Kairó
eftir undirritun friðarsamninganna við ísrael, sem fram fór i Washington. Á myndinni
er hann ásamt konu sinni Jihan.
Róm:
Páfi reynir
sættir milli
Chile og
Argentínu
Fulltrúar ríkisstjórna Chile og
Argentínu eru nú komnir til Rómar þar
sem þeir munu sitja fundi með
Jóhannesi Páli páfa öðrum, sem tekið
hefur að sér að leita sátta í deilu
rikjanna. Er þar deilt um yfirráðin yfir
Beagle sundi suður af Suður-Ameriku.
Bæði ríkin krefjast sundsins og þriggja
eyjasem þar eru.
Ekki munu það þó vera eyjarnar eða
hafsvæðið í kringum þaö sem er aöalat-
riðið, heldur framtíðar yfirráð á hluta
Suðurskautslandsins sem falla mun í
skaut því ríkinu, sem eyjamar fær.
Deilur á milli Chile bg Argentinu hafa
staöiö langa hríð vegna þessa máls og lá
við styrjöld milli landanna á síöasta ári.
Buðust fulltrúar Vatikansins þá til
að leita sátta á milli hinna tveggja
kaþólsku landa og i janúar síðast-
liönum fóru ríkisstjómirnar tvær þess
formlega á leit við páfa sjálfan að hann
ieitaði sátta.
Uganda:
Taka Kampala-
borgar boðuð
Frelsissamtök Uganda, sem nú
virðast hafa tekið við opinberum
yfirlýsingum og stjórn aðgerða við
Kampala höfuðborg Uganda létu
hafa eftir sér í morgun að ekkert væri
hæft í þeim fregnum að hersveitir
þeirra hefðu verið hraktar frá borg-
inni. Hafði verið frá því skýrt í
Ugandaútvarpinu.
Fregnir hafa borizt af því að her-
sveitir frá Líbýu standi einkum fyrir
vörn Kampala en mikill flótti mun
vera kominn i hersveitir Uganda-
stjórnar.
Engar fregnir hafa borizt af Idi
Amin þjóðarleiðtoga sem nú virðist
vera að missa völdin. Síðast fréttist af
honum á leið til norðurhluta Uganda
en þaðan er hann ættaður.
Fjölskylda hans eiginkonur og börn
munu vera komin til Líbýu.
Sérstakur vinskapur hefur um hríð
verið með þeim Gaddafi leiðtoga
Líbýu og Amin.
Frelsissamtök Uganda hafa lýst því
yfir að nú líði að því að þau taki
Kampala en hingað til hefur verið
;agt að verið væri að gefa flóttafólki
færi á að forða sér.
Bretar og Frakkar
sverjaafsér
geislavirknihættu
Ekki er að sögn sérfræðinga nein
hætta á því að alvarleg bilun á kjarn-
orkuveri verði I Bretlandi af sömu or-
sökum og í Harrisburg i Banda-
rikjunum. Ástæðan er sögö sú aö í stað
vatns nota Bretar gas til kælingar.
Bilunin í kjamorkuverinu í Harrísburg
mun þó vekja mikið umtal I Bretlandi
þar sem brezkir visindamenn hafa verið
þess mjög fýsandi að taka upp banda-
rísku aðferðina. Segja þeir að sllk
breyting mundi auka mjög útflutnings-
möguleika á kjamaofnum frá
Bretlandi. Vatnskælingin er langal-
gengust i heiminum í dag.
Orkumálaráðherra Breta, Tony
Benn, hefur þó lýst því yfir að ákveöið
sé að halda sig við gaskælinguna og
ekki er líklegt að siðustu atburðir i
Harrisburg verði til að auka líkurnar á
að þeirri ákvörðun verði breytt.
Raymond Barre, forsætísráðherra
Frakka, sagði í gær að slys eins og varð
í Harrisburg getí ekki orðið í
Frakklandi. öryggiskerfi í frönskum
kjamorkustöðvum væri öðruvísi en hið
bandariska.