Dagblaðið - 02.04.1979, Blaðsíða 36

36
DAGBLAÐIÐ. MÁNUDAGUR 2. APRÍL 1979.
Diskóiðnaðurinn íBandaríkjunum
veltir1500000000000krónumíár
Þær fréttir berast frá Bandaríkjun-
um að diskóiðnaðurinn þar í landi sé
«
TÍZKAN Á 54 — Gestir frægasta
diskóteks i heimi, Studio 54, eru
þekktir fyrir djarfan klæðnað. Útgang-
urinn á þeim hefur vafalaust mótandi
áhrif á hina svokölluðu diskó-fata-
tízku.
orðinn umfangsmeiri en bæði sjón-
varps- og kvikmyndaiðnaðurinn.
Sifellt fleiri og fleiri koma þessa
dagana auga á gróðavon i útgáfu
diskóplatna, framleiðslu diskófata,
rekstri diskóteka og smíði alls kyns
tækniútbúnaðar fyrir diskótekin.
Diskótek í Bandaríkjunum eru nú
orðin tuttugu þúsund talsins. Talið er
að þau og öll sú framleiðsla sem í
kringum þau þrífst eigi eftir að velta
upphæð sem nemur fimmtán
hundruð milljörðum islenzkra króna
á árinu.
Stærsta ástæðan fyrir örri þróun
diskóteka i Bandaríkjunum er kvik-
myndin Saturday Night Fever. Hún
er sögð hafa gert hið sama fyrir
diskóiðnaöinn og Elvis Presley gerði
fyrir rokktónlistina á sjötta áratugn-
um!
Or AFTONBLADET
Tina Tumer
ernú
einábáti
Hún vargiftlke Tumerísextánár
Eftir sextán ára hjónaband er
komið að kaflaskilum í lífi Tinu
Turner. Hún er skilin við tónlistar-
manninn og upptökustjórann Ike
Turner og farin að heiman. Á þessum
sextán árum eignuðust þau hjónin
fjóra syni og hljóðrituðu yfir þrjátíu
LP plötur saman. Þau gerðu nokkur
lög, sem náðu gifurlegum vinsæld-
um. Nægir þar að nefna lögin Nutbus
City Limits og River Deep, Mountain
High.
„Ég hef.engan fundið sem gæti
gert neitt fyrir mig sem ég gæti ekki
gert betur sjálf,” sagði Tina Turner
nýlega í viðtali, ,,og þess vegna hef ég
ákveðið að standa á eigin fótum í
framtíðinni.” Hláturinn sem fylgir
þessum orðum sannar að söng-
konan, sem af mörgum er talin sú
villtasta í rokkinu, hefur fundið
frelsið.
Þrátt fyrir að Ike og Tina Turner
hafi ávallt litið út fyrir að vera
óaðskiljanleg og mótmælt harðlega
öllum orðrómi um missætti sín í
milli, gekk lífið hjá þeim ekki alveg
eins rólega fyrir sig og ætla mætti.
Bezta sönnun þess er sú að einn dag-
inn pakkaði Tina niður helztu
nauðsynjum og kvaddi.
,,Ég var nú ekki alveg peningalaus,
þó að ég skildi allt eftir,” segir hún.
,,Ég tók dálitla upphæð með mér til
að skrimta.”
Kynntust
árið 1956
Kynni tókust með Ike og Tinu árið
1956 og það breytti lífi hennar gjör-
samlega. Hún var þá herbergisþerna
og hann óþekktur bluessöngvari í St.
Louis. Þau náðu frægð saman eftir
að þau hófu að vinna fyrir tónskáldið
og upptökustjórann Phil Spector.
Það var til dæmis hann, sem átti
stærstan þátt i að lagið River Deep,
Mountain High sló í gegn. Sagan
segir að Spector hafi borgað Ike
Turner fyrir að hafa ekki komið
nálægt því lagi, en látið það nægja að
Tina syngi lagið. — Síðan þá hefur
mikið vatn til sjávar runnið og Tina
Turner er nú orðin fertug.
TINA TURNER — Á þeim sextán
árum sem hún var gift Ike Turner
eignuðust þau hjón fjóra syni og
hljóðrituðu yfir þrjátiu hljómplötur.
Tina segist hafa gert sér grein fyrir
þvf strax i upphafi hjónabandsins að
það ætti ekki eftir að verða neitt
sældarbrauð.
Ekkert kyntákn
„Strax þegar við giftum okkur
gerði ég mér grein fyrir því að ég ætti
ekki eftir að verða ánægð í hjóna-
bandinu,” segir hún. „Ég reyndi þó
að sjálfsögðu að gera mitt bezta úr
því. Auðvitað áttum við okkar
ánægjustundir, en mestur hlutinn var
óttalega leiðinlegur.”
Þó að Tinu Turner hafi verið lýst
sem einu mesta kyntákni soultón-
listarinnar, er hún ekki á því að sam-
þykkja það.
,,í sannleika sagt finnst mér ég
ekki neitt meira aðlaðandi en flestar
aðrar aðlaðandi konur. Jú, ég reyni
að halda mér til og vona að það hafi
tekizt, en kyntákn, þá eru allar konur
kyntákn, sem á annað borð gefa
gaumaðútlitisínu.
Sviðsframkoma mtn hefur ekkert
með daglegt líferni mitt að gera. Ég
hreyfi mig aðeins eins og mér er eðli-
legt. Tónlistin sem ég syng býður upp
á það.”
Úr DAILY MIRROR
Söngvari Sweet segir upp
Brian Connolly söngvari hljóm-
sveitarinnar Sweet hefur nú sagt
skilið við félaga sína og hyggst hefja
feril sem sólósöngvari. Hann vinnur
um þessar mundir að breiðskífu sem
á að koma út í sumar. Ekki mun
verða ráðinn nýr söngvari í Sweet
heldur ætla þeir þrir sem eftir eru að
skipta söngnum á milli sín.
Connolly hefur afar viðkvæma
rödd og má ekkert reyna á hana að
ráði. Til dæmis má hann ekki tala
mikið og leyfir því blaðamönnum
yfirleitt ekki að taka við sig viðtöl.
Ástæðan til þessa er skemmdir á
barka söngvarans sem hann hlaut eitt
sinn í slagsmálum á knæpu.
Sweet flutti fyrr á árum mörg lög
sem náðu verulegum vinsældum.
Upp á síðkastið hefur þó verið hljótt
um hljómsveitina. Hún hefur sagt
skilið við þýzka aðdáendur og snúið
sér að Bandaríkjamarkaði. Þar í
landi varð lagið Love Is Like
Oxygene talsvert vinsælt með hljóm-
sveitinni á síðasta ári.
ÚrSOUNDS
— hyggst nú reyna fyrir sér sem sólósöngvari.