Dagblaðið - 10.06.1980, Qupperneq 5

DAGBLAÐIÐ. ÞRIÐJUDAGUR 10. JONÍ 1980.
5
Magnús Magnússon grásleppukarl I Hafnarfirði: Maður fæddist ber og er þá ekki
bezt að deyja ber líka?
DB-myndir: Ragnar Th.
fgóðaveðrinuígær:
Með grásleppukörium, sóldýrk-
endum, beikoni og majonesi
Flatmagað á „Costa del Hafnarfjörður”: Mæðgurnar Helga, Ragnheiður og Þórdis
njóta Iffs og sólar.
„Dagurinn sem góða veðrið var”
hefur venjulega sýnt sig af náð og
miskunn á Suðurlandi einu sinni á
sumri á meðan Sunnlendingar hafa
heyrt sífelidar sögur af endurteknum
góðvirðisdögum norðanlands. Sumarið
f sumar virðist þó ætla að sjá svo um að
skiptingin verði öilu jafnari en verið
hefur. Blíðviðri hefur verið með ein-
dæmum á Suðurlandi undanfarna
daga og má glöggt sjá það á hörundslit
fólks. Ungar stúlkur eru að jafnaði
duglegastar að sleikja geisla sólarinnar
og fá brúnan lit á kroppinn en jafnvel
gamlir karlar standast ekki til lengdar
geisla sólarinnar. Því var í gær
nokkrum fyrirtækjum í höfuðborginni
lokað vegna veðurs og menn héldu á vit
sólar. DB menn brugðu sér út lika, i því
yfirskini að visu að þeir væru að vinna.
Grásleppa, ýsa
og Kanarí
Leiðin lá í þann rómantíska og
fallega bæ Hafnarfjörð. Við smábáta-
bryggjuna lágu nokkur horn sem voru
nýkomin inn með grásleppu og menn
stóðu við að skera úr henni hrognin.
Afgangnum henda þeir svo þegar lítið
bera á.
Magnús Magnússon á bátnumKrist-
ínu sagði okkur að heldur væri aflinn
dræmur núna. Því þó logn væri inni i
höfn væri drjúgur veltingur úti fyrir og
erfitt að athafna sig við veiðar. Hann
var þó með um tunnu af hrognum eftir
nóttina að því er annar grásleppukarl,
Kristján Jónsson á Berki sló á.
Þeir Magnús og Kristján voru báðir
heitir út í þá sóun verðmæta, sem það
óumdeiianlega er, að henda grá-
sleppunni. „En það þýðir ósköp lítið
að verka hana hérna fyrir sunnan, það
vill enginn éta hana,” sagði Kristján.
Hann hefur gert nokkuð af því að salta
og hengja upp grásleppu sem hann
síðar sendir vinum sínum, sem búa
fyriraustanfjall. Þeir senda honum svo
kjöt í staðinn. Skipti sem eru hagkvæm
fyrir báða aðila og allir eru ánægðir.
„Grásleppan er tilvaiið skepnufóður,
og bændur eru vitlausir í hana. En það
vantar einhvern til að taka að sér
verkunina,” sögðu grásleppukarlarnir.
En í sólinni hélzt enginn lengi við
svona alvarlegt umræðuefni. Magnús
sagðist ætla á ýsu að grásleppunni
lokinni en síðan sagðist hann fara til
Kanarí. Þangað hefði hann farið
undanfarna fjóra vetur og líkaði vel.
,,Maður á ekki að vera að safna í kistu
utan á sjálfan sig. Maður fæddist ber
og er þá ekki bezt að deyja ber líka,”
sagði þessi aldni heimspekingur. Nokk-
uð til í því.
Costa del
Hafnarfjörður
Sunnan undir húsvegg í Hafnar-
firðinum hittum við þrjár mæðgur sem
lágu marflatar og sóluðu sig. Sú
yngsta, Helga.sem var bara fimm ára
sat þó uppi og fékk sér öðru hverju
smáhlaupasprett til að kæla sig.
Mamma hennar Ragnheiður, og systir-
in Þórdís rótuðu sér hins vegar varla tii
þess að ræða við blaðamenn sem rudd-
ust svona inn í einkaparadís þeirra.
Staðinn sögðu þær himneskan, enda
væri að jafnaði margt fólk úr blokk-
inni í sólbaði siðdegis. Costa del Hafn-
arfjörður sögðu þær réttnefni á stað-
inn.
Beikon og
majones
Fyrir utan fyrirtækið Gunnars-
Majones lágu stúlkur á öllum aldri i
hrúgum í sólbaði. Hinum megin við
hornið sátu svo kappklæddir drengir
frá Síld og fisk og fylgdust með hverri
hreyfingu stúlknanna. Sýnt var að
stúlkunum var mun heitara en drengj-
unum því þær kældu hver aðra rneð
köldu vatni úrglasi og voruþóhálf-
berar. Strákarnir voru aluir á móti
fullklæddir og litu ekki við svala-
drykkjum. Þeim leizt ekki meiren svoá
athæfi stúlknanna. ,,Maj rnesið
verður kekkjótt i dag,” sögðu þeir. En
þeir töldu sýnilega ekki ástæðu til þess
að óttast neitt um beikonið sem þeir
sjálfir sáu um. -DS.
„Majones-liðið” hjá Gunnari: Þær kældu hver aðra með vatni.
Æskulýðsráð vígir Þróttheima:
Greiddu 87 milljónir
f leigu ókominna ára
—Tónabæ
breytt
ífélags-
miðstöð
Æskulýðsráð Reykjavikur tók i
síðustu viku í notkun nýja
félagsmiðstöð, Þróttheima, við
Sæviðarsund. Félagsmiðstöð þessi er
byggð í samráði við íþróttafélagið
Þrótt og leigir æskulýðsráð efri hæð'
hússins, 431 fm, af Þrótti. For-
stöðumaður Þróttheima hefur verið
ráðinn Skúli Jóhann Björnsson.
Við vígsluathöfnina fluttu ávörp
Sjöfn Sigurbjörnsdóttir formaður
æskulýðsráðs, Magnús Óskarsson,
formaður Þróttar og Ómar Einarsson
framkvæmdastjóri Æskulýðsráðs. í
ávarpi sínu gat Sjöfn þess að á næsta
ári yrði tekin i notkun ný félags-
miðstöð í Arbæjarhverfi sem væri
hönnuð með tilliti til fatlaðra. Þá
kom fram í máli hennar að ákveðið
hefur verið að breyta Tónabæ i
félagsmiðstöð þar sem íbúum
nærliggjandi hverfa mun fjölga
verulega á næstu árum.
Magnús Óskarsson þakkaði
Aðstandendur Þrótthcima fyrir utan
félagsmiðstöðina. Frá vinstri: Óskar
Pétursson, verndari hússins, Friðrik
Kristjánsson, en hann' er I stjórn
Þróttar, Magnús Óskarsson, for-
maður Þróttar, Sjöfn Sigurbjörns-
dóttir, formaður Æskulýðsráðs,
Skúli J. Björnsson, forstöðumaður
Þróttheima og Ómar Einarsson fram-
kvæmdastjóri Æskulýðsráðs.
DB-mynd Bj.Bj.
Reykjavíkurborg veittan stuðning í
máli þessu. Sagði hann að með
samvinnu Æskulýðsráðs og íþróttafé-
lagsins hefði verið brotiö blað, það
væri alveg nýtt að þessir aðilar sam-
einuðust um byggingu húsnæði.
Taldi Magnús báða hafa haft
ávinning af samstarfinu.
Ómar Einarsson rakti
aðdragandann að samstarfinu, en
það var í ársbyrjun 1977 að Æsku-
’lýðsráð og borgarráð samþykktu
það. Síðan þá hefur Reykjavíkurborg
lagt 87 milljónir til byggingar
íhússins, en áætlaður kostnaður er um
200 milljónir. Framlag borgarinnar
gengur upp í leigu ókominna ára.
Félagsmiðstöðin skiptist í einn stóran
sal, sem hægt er að hólfa í tvennt og
önnur minni tómstundaherbergi.
Umsjón með starfi miðstöðvarinnar
hefur fimm manna samstarfsnefnd.
Félagsmiðstöðin var opin
almenningi til sýnis á sunnudag,
frá kl. 14—17 og var þar margt um
manninn.
-SA.