Dagblaðið - 10.06.1980, Blaðsíða 7

DAGBLAÐIÐ. ÞRIÐJUDAGUR 10. JÚNÍ 1980
7
EG STYÐ REAGAN
Gerald Ford fyrrum Bandarikjaforseti,
sem tapaði fyrir Jimmy Carter í siðuslu
kosningum, hefur nú lýst yfir fullum
stuðningi við Ronald Reagan, fram-
bjóðanda repúblikana í forsetakosn-
ingunum i nóvember næstkomandi.
Segist Ford óður og uppvægur vilja að-
stoða Reagan eftir mætti í kosninga-
baráttunni. Myndin sýnir þá félaga
ræða við fréttamenn fyrir utan heimili
Fords í Kaliforniu.
Ósamkomulag
á OPEC-fundi
Fulltrúar Saudi Arabíu á fundi
OPEC ríkjanna —13 helztu oliuút-
flutningsríkjanna — áttu undir högg að
sækja í gær. Mikið var lagt að þeim á
fundinum sem fram fór í Alsír að sam-
þykkja verulega hækkun á verði hrá-
oliu á heimsmarkaði.
í viðtölum sem fréttamenn áttu við
Yamanai, olíumálaráðherra Saudi
Araba, kom hins vegar fram að hann
hygðist ekki ganga að hækkunarkröf-
um nema því aðeins að hinir aðgangs-
hörðustu af þjóðunum i OPEC
samtökunum drægju úr kröfum sínum
um hærra olíuverð.
írak hefur lagt fram málamiðlunar-
tillögu þar sem gert er ráð fyrir að
grundvallarverð fyrir fatið af hráoliu
verði 32 dollarar. Er það fjórum
dollurum hærra en verð Saudi Arabíu
og þrem dollurum lægra en krafa írans
og Alsír sem vilja sigla mest í olíuverð-
lagningunni.
Kennedy-böm
liúka skóla
Þau luku prófi á dögunum bræöra-
börnin Michael Kennedy sonur
Roberts Kennedy fyrrum dómsmála-
ráðherra Bandaríkjanna og Caroline
Kennedy dóttir John F. Kennedy
fyrrum forseta Bandaríkjanna. Báðir
feður þeirra féllu fyrir byssukúlu
morðingja. Michael lauk prófi frá
Harvard en Caroline frá Radcliffe.
Þykja þetta með fínustu skólum
vestra en þeir eru í Massachusetts,
heimaríki Kennedyanna. Við skóla-
slitin flutti hinn þekkti sjónvarps-
fréttamaður Walter Cronkite ávarp.
Miami Flórída:
Dósirogbaul
mætti forseta
Bandaríkjanna
Reiðir svertingjar bauluðu á
Jimmy Carter Bandaríkjaforseta,
þegar hann kom í heimsókn í hverfi í
Miami þar sem fjórtán manns létust í
óeirðum í fyrra mánuði. Nokkrum
bjórdósum var einnir hent að bifreið
forsetans. Carter sakaði ekki en þetta
eru þó alvariegustu mótmælaaðgerð-
irnar sem hann hefur lent í síðan árið
'11 er hann tók við embætti. Hópur
fólks brauzt í gegnum raðir lögreglu-
manna og hljóp meðfram bifreiða
lestinni sem fylgdi forsetabifreiðinni
er hann var á leið út á Miami flug-
völl. Var ferð Carters heitið til Seattle
í Washington ríki.
Fólkið rak upp alls konar gól og
gaul þegar forsetinn fór framhjá. Var
hann að koma af fundi með ýmsum
yfirmönnum héraðsmála á Miami.
Rætt var um hve mikla aðstoð þyrfti
að veita frá stjórnvöldum í Washing-
ton vegna tjóns af óeirðunum á dög-
unum. Tjónið er metið á eitt hundrað
milljónir dollara.
Upphaf óeirðanna í Miami var það
að fjórir hvitir lögreglumenn voru
sýknaðir af ákærum um að hafa
lamið svartan tryggingasölumann tii
dauða.
Jody Powell, blaðafulltrúi Carters
Bandarikjaforseta, sagðist i gær-
kvöldi vera undrandi á hve mann-
fjöldanum hefði verið heimilað að
koma nærri brautinni þar sem for-
setinn ók frá fundarstað sínum og
yfirmanna héraðsmála í Miami.
Eina svar mannfjöldans þegar
Carter veifaði í kveðjuskyni við
brottförina, var að gaulað var á hann
og öskrað og bjórdós lenti á bit'reið
hans rétt í þann mund sem hann sté
inn í hana.