Dagblaðið - 27.10.1981, Blaðsíða 27

DAGBLAÐIÐ. ÞRIÐJUDAGUR 27. OKTÓBER 1981.
(i
Útvarp
27
Sjónvarp
I
Þar sem þættirnir í kvöld
„Víkingarnir” og „Hart móti hörðu”
hafa' þegar verið allrækilega kynntir,
þá hringdum við í sjónvarpið til að
heyra hvað væri að frétta um dagskrá
næstu vikna.
Og hér koma nokkrir punktar.
Framhaldsþættir um tónlist verða á-
berandi og hefjast tvennir slíkir í
nóvember.
Sá fyrri er kanadískur og hefst
snemma í nóvember og er þar rakin
saga tónlistarinnar. Sögðu talsmenn
sjónvarpsins að þetta væru mjög
merkilegir þættir og við allra hæfi. Það
er hljómsveitarstjórinn Yehudi Menu-
hin sem ber ábyrgð á þeim. Hann byrj-
ar langt aftur í öldum, og segir frá
fyrstu tilburðum mannkynsins til að
framleiða tóna. Síðan er því lýst
hvernig tónlistin þróaðist smátt og
smátt, eftir því sem stundir liðu fram.
Þættirnir eru klukkustundar langir,
verða alls átta og sýndir í dagskrárlok á
sunnudögum.
Tónlistarþættir af öðru tagi hefjast
seinni partinn í nóvember og verða
sennilega á laugardagskvöldum. Þar
verður flutt bandarísk innflytjenda-
tónlist, svo kölluð „bluegrass". Þeir
sem hafa hlustað á „Hlöðuball”
Jónatans Garðarssonar munu kannast
við fyrirbærið, enda er það einn
anginn af „country og western” eins og
amerísk drei fbýlistónlist er gjarnan
kölluð.
Endursýningar á
gömlum og góðum
Þá hyggst sjónvarpið taka upp þann
hátt að endursýna öðru hvoru gamlar
myndir og velja þá helzt ekki nema þær
sem eru bitastæðar, ef svo má segja.
Það verður farið hægt af stað og
byrjað með eina mynd laugardags-
kvöldið 7. nóvember, en síðan ekki fyrr
eri í desember og þá ef til vill á hverju
laugardagskvöldi. En á undan verður
jafnan sýnd nýfengin mynd. Sennilega
verður sovézka myndin „Trönurnar
fljúga” eftir Mikhail Kalatozov fyrir
valinu sem fyrsta góða gamla myndin.
Hún var gerð árið 1957 og fékk fyrstu
verðlaun í Cannes árið eftir. Hún lýsir
ungum elskendum, sem seinni heims-
Úr sovézku kvikmyndinni „Trönurnar fljúga” frá 1957. Tatjana Samojlova sem unga
stúlkan Veronika.
J6e Val og strákarnir frá Nýja Englandi eru meðal flytjenda 1 fyrsta þættinum um „bluegrass” tónlistina.
Af innlendu ef ni.
Fréttir af nýju innlendu efni eru því
miður ekki sérlega miklar. Þó má geta
þess að hinir vinsælu ferðaþættir
Ómars Ragnarssonar koma i stað
Þjóðlífs og verður þeim fram haldið til
áramóta. Þá hefst næsta laugardags-
kvöld spurningakeppni sem verður í sjö
þáttum og lýkur væntanlega um
miðjan desember. Spyrjendur verða
tveir góðkunnir menn, Guðni Kolbeins-
son og Trausti Jónsson, og dómarar
verða Sigurður H. Richter og Örnólfur
Thorlacius, sem hafa haft umsjón með
þættinum Tækni og vísindi.
Stundin okkar, fréttaspeglar,
umræðuþættir og Vaka, svo og
mánaðarlegt viðtal við tónlistarmann,
allt þetta mun halda áfram í svipuðu
formi og fyrr.
Eina leikna efnið í nóvember verður
víst lokaþátturinn í samnorrænu
verkefni, „Kreppuárin”. Verður hann
væntanlega á dagskrá 21. nóvember.
Segir þar frá 11 ára strák, Bjössa, sem
býr á Austfjörðum árið 1939. Lífið þar
er friðsælt, en nýir limar eru í aðsigi.
Og þeir atburðir gerast, sem Bjössi sér
ekki önnur ráð við en taka lögin í sinar
eigin hendur. Handritið er samið af
Jónasi Árnasyni, leikstjóri er Ágúst
Guðmundsson, en Gunnar Þórðarson
stendur fyrir tónlistinni.
-IHH.
styrjöldin stíar sundur. Hetju- og
glansmyndarstíllinn sem fram að þessu
hafði verið lögboðinn í kvikmyndum
um þetta efni var nú aflagður, og i
staðinn kom raunsæi, skáldleg
tilfinning og angurværð.
Yehudi Menuhin segir sögu tónlistarinnar í nýjum kanadiskum myndaflokki. Þar
verður komið viða við, steinaldartrommur, óperur, rafmagnstónlist og jass.
SJONVARPK) I
NÓVEMBER
— nokkrir punktar
Úr íslenzka framlaginu til „Kreppuáranna”. Það á að gerast á Austfjörðum i striðsbyrjun og leikstjóri er Ágúst Guðmunds-
son, en höfundur handrits Jónas Árnason.
K. ]jtó mÚ r 1
! k . t /
1
TIL SÖLU BYGGINGARÉTTUR
á 2. og 3. hæð á besta stað í Síðumúla, hver hæð er 365
ferm. Tilboð sendist DB fyrir 30. okt. merkt „Byggingarétt-
ur 270”.
BEINTI BOLLANN