Dagblaðið - 27.10.1981, Blaðsíða 11

DAGBLAÐIÐ. ÞRIÐJUDAGUR 27. OKTÓBER 1981.
76. skoðanakönnun Dagblaðsins: Ertu fylgjandi eða andvígur því að Bandaríkjamenn leggi f ram
um helming fjármagns til nýrrar f lugstððvarbyggingar á Kef lavíkurf lugvelli?
11
Líkan fyrirhugaðrar flugstöðvar á Keflavikurflugvelli: Niðurstöður skoðanakönnunar Dagblaðsins um afstöðu almennings til bandarisks fjármagns til byggingarinnar eru mjög afgerandi.
Þrír af hverjum fjórum vilja
bandarískt fé í nýja flugstöð
—af þeim, sem taka af stöðu f skoðanakönnun blaðsins
Yfirgnæfandi meirihluti lands-
manna vill að íslendingar þiggi boð
Bandaríkjamanna um sem næst
helmingsframlag til byggingar nýrrar
flugstöðvar á Keflavíkurflugvelli. Dag-
blaðið spurði í skoðanakönnun: Ertu
fylgjandi eða andvígur því að Banda-
ríkjamenn leggi fram um helming fjár-
magns til nýrrar flugstöðvarbyggingar
á Keflavíkurflugvelli?
Margir tóku fram að Banda-
ríkjamenn mættu gjarnan leggja fram
meira en helming til þessarar bygging-
ar, jafnvel allan kostnaðinn.
64,3% af hundraði sögðust i könn-
uninni vera fylgjandi helmingsfram-
lagi Bandaríkjamanna (eða meira).
20,5 af hundraði kváðust andvígir því.
Fimm af hundraði voru óákveðnir, sem
er lág tala. Loks vildu 10,2 af hundraði
ekki svara þessari spurningu.
Þetta þýðir að um þrír af hverjum
fjórum sem taka afstöðu eru fylgjandi
slíkum framlögum Bandaríkjamanna
til nýrrar flugstöðvarbyggingar á Kefla-
víkurflugvelli. Nánar tiltekið eru 75,8
prósent fylgjandi og 24,2 prósent and-
vígir af þeim sem taka afstöðu.
Niðurstöður skoðanakönnunarinnar urðu þessar:
Fylgjandi 386 eða 64,3%
Andvígir 123 eða 20,5%
Óákveðnir 30 eða 5,0%
Vilja ekki svara 61 eða 10,2%
Ef aðeins eru teknir þeir sem tóku afstöðu
verða niðurstöðurnar þessar:
Fylgjandi 75,8%
Andvígir 24,2%
Ummæli fólks f skoðanakönnuninni:
Þessi meirihluti er með því mesta
sem komið hefur út úr skoðana-
könnunum Dagblaðsins. Útkoman
minnir á niðurstöður skoðanakönnun-
ar Dagblaðsins um „aronskuna” i júní
1976: Þá var spurt hvort íslendingar
ættu að taka gjald fyrir aðstöðu
Bandaríkjamanna á Keflavíkurflug-
velli. Rúm 70 af hundraði sögðu að
íslendingar ættu að taka gjald fyrir.
Rúm 18 prósent voru því andvígir og
rúm 11 prósent óákveðnir eða svöruðu
ekki. Af þeim sem tóku afstöðu lýstu
þannig 79,3 af hundraði fylgi við
gjaldið en 20,7 af hundraði voru því
andvígir.
„Eins og aðrir leigiendur"
,,Þeir ættu að borga meira en
helming,” sagði kona á Vestfjörðum,
þegar hún svaraði spurningunni í
skoðanakönnuninni. ,,Ég vil endilega
hafa þá með í flugstöðvar-
byggingunni,” sagði kona á
Suðurlandi. „Þeir eru ekki of góðir til
að borga fyrir sig,” sagði karl á
Vesturlandi. „Ég er þessu fylgjandi ef
við eigum flugstöðina og í þátttöku
Bandaríkjamanna felst engin skuld-
binding um ævarandi herstöð,” sagði
karlá Suðurlandi.
„Þeir eiga að borga lika því að þeir
nota þetta líka. En þeir eiga að vera
með af því að þeir eru svo hjálplegir,”
sagði karl á Norðurlandi vestra. „Það
er sjálfsagt að þeir borgi, þessir
menn,” sagði kona á Hvolsvelli. „Þeir
ættu að leggja allt fé í hana,” sagði
kona í Keflavík. „Það er allt í lagi að
þeir borgi,” sagði kona á Laugarvatni.
„Fylgjandi því meðan þeir eru hér,”
sagði karl í Hveragerði. „Við værum
búnir að fá malbikaða vegi um allt land
ef við hefðum viljað taka í útrétta hönd
þeirra,” sagði karl á Reykjavíkur-
svæðinu. ,,Þeir eru eins og hverjir aðrir
leigjendur og verða að greiða sínar
skuldir,” sagði kona á Reykjavíkur-
svæðinu. „Lítum til Norðmanna. Þeir
skammast sín ekki fyrir að láta NATO
borga fyrir sig vegi og hafnir,” sagði
önnur kona á Reykjavíkursvæðinu.
„Úr því að Kaninn er hér á annað
borð er eins gott að hann greiði fyrir
það sem hann hvort eð er notar,” sagði
karl á Reykjavíkursvæðinu. „Mér
finnst sjálfsagt að Bandaríkjamenn
borgi bara alla flugstöðina eins og hún
leggur sig. Þeir hafa fengið að vera hér
endurgjaldslaust í óratíma og hví
skyldu þeir ekki borga leigu eins og
aðrir,” sagði kona á Reykjavíkur-
svæðinu. „Mér frnnst sjálfsagt að þeir
borgi hluta í henni en eigi enga eignar-
aðild,” sagði kona á Reykjavíkur-
svæðinu. „Mér finnst sjálfsagt að láta
Kanana borga fyrir sig. Séu þeir nógu
vitlausir til að samþykkjaþaðeigum við
að ganga á lagið og láta þá aðstoða
okkur á fleiri sviðum, til dæmis við
uppbyggingu þjóðvegakerfisins,”
sagði karl á Reykjavíkursvæðinu.
„Flugstöðin kemur hvort sem er svo að
það er eins gott að Kaninn borgi fyrir
hana,” sagði karl á Reykjavíkur-
svæðinu. „Látum þá borga, meðan við
fljótum. Mig hefur dreymt að Reagan
leiðl heimsbyggðina út í stríð í sinni
forsetatíð,” sagði kona á Reykjavíkur-
svæðinu. „Ég held að það ætti að
plokka Bandaríkjamenn meira,” sagði
karl á ísafirði. „Þeir eiga að borga allt
saman. Það væri brjálæði að hafna
þessu, þeir eiga nóga peninga,” sagði
karl í Keflavík.
„Engar ölmusur"
„Þeir eiga bara að pilla sig burtu,”
sagði karl úti á landi á hinn bóginn.
„Ég vil engin erlend afskipti. Við
höfum engin vopn og eigum að sjá um
okkur sjálf,” sagði kona á Reykja-
víkursvæðinu. „Eg er alfarið á móti
því að við séum að betla um allan heim
eins og aumingjar. Við erum með
ríkustu þjóðum heims og höfum ekkert
við ölmusu að gera og það allra sízt frá
Bandaríkjunum,” sagði karl á Reykja-
víkursvæðinu.
„Við eigum að vera sjálfra okkar
herrar og ekki að þiggja framlög af
erlendum þjóðum til uppbyggingar
hér,” sagði kona á Austurlandi. „Ég er
hiklaus herstöðvarandstæðingur og
friðarsinni. Engar mútur frá
erlendum þjóðum,” sagði kona á
Norðurlandi eystra. „Þeir eiga ekki hér
að vera, hvað þá að leggja í nýjar
framfarir,” sagði karl á Austurlandi.
„Ég er á móti herliðinu og öllum um-
svifum þess,” sagði karl á Vesturlandi.
„Ég er alveg á móti veru þeirra hér og
nokkurri þátttöku í málum,” sagði
karl á Austurlandi. „Þetta eru hálf-
gerðar ölmusur. Ég vil ekki þiggja þær
meðan þess ekki þarf,” sagði karl á
Reykjavíkursvæðinu. -HH.
í könnuninni um framlög til flug-
stöðvarinnar nú var meirihlutinn með
þátttöku Bandaríkjamanna meiri úti á
landi en á höfuðborgarsvæðinu og
meiri meðal karla en kvenna.
Skiptar skoðanir eru á Alþingi um
hvort þiggja eigi framlag Banda-
ríkjanna til byggingar nýrrar flug-
stöðvar. í nýja fjárlagafrumvarpinu er
heimild fyrir ríkisstjórnina til 10
milljóna nýkróna lántöku vegna flug-
stöðvarbyggingar. Þetta þýðir þó ekki
að við bandarísku fé verði tekið því að
Alþýðubandalagið leggst gegn móttöku
á nokkru „Kanafé” til málsins á þeim
forsendum að íslendingar yrðu þá
háðari Bandarikjamönnum.
-HH.
Tengi ekki stóraukna sókn — segir Kristján
í þorskinn loðnuverðslækkun
„Ég vil nú ekki tengja þessa
umræddu stórauknu sókn loðnúflot-
ans við þessa 25 króna
loðnuverðshækkun,” sagði Kristján
Ragnarsson, formaður Lands-
sambands íslenzkra útvegsmanna, er
Dagblaðið innti hann álits á þeim
ummælum útgerðarmanna að svo
kynni að fara að 60—80%
ioðnuflotans myndu gera út á troll á
næstaári.
„Spurningin er fyrst og fremst
hversu mikla loðnu við fáum að veiða
og það skýrist núna alveg á
næstunni,” sagði Kristján. „Ásóknin
í þorskinn hlýtur að taka mið af því.
Það er ekkert nýtt að loðnuflotinn
stundi bolfiskveiðar með
loðnuveiðunum. Mörg skipanna
stunduðu slíkar veiðar í sumar. Ég á
ekki von á því að það verði nein stór
breytingá þessu.”
Varðandi þau ummæli útvegs-
manna að flotinn væri alltof stór
kvaðst Kristján vera fyllilega sam-
mála því að svo væri. „Við erum
alltaf að berjast við of mörg skip en
ég er algerlega ósammála þeim
tilllögum sem fram hafa komið um
5% niðurskurð flotans á ári þar til
41% af núverandi stærð væri náð.
Slíkt eru öfgakenndar tillögur,”
sagði Kristján.
-SSv.