Ársrit Ræktunarfélags Norðurlands - 01.01.1906, Blaðsíða 7

9
móti. í aðaltilraunastöðinni hefir farið fram verkleg jarðyrkju-
kensla frá miðjum maí til júníloka, þegar tíð hefir leyft, þrjú
síðustu árin og hafa 47 nemendur samtals notið þar kenslu,
og í vor eru þar 25 nemendur. A skrifstofu félagsins
og í tilraunastöðinni fá félagar ókeypis leiðbeiningar hvern
virkan dag alt sumarið. Auk þess hefir félagið styrkt plæg-
ingakenslu í Hörgárdal.
LEIÐBEININGAFERÐIR meðal félagsmanna hefir félagið
kostað þrjú undanfarin ár, að jafnaði iiðugar 10 vikur hvert
sumar. Er það mikið þegar þess er gætt, hve fáum mönn-
um félagið hefir haft á að skipa. A ferðum sínum hafa starfs-
menn félagsins auk þess að gefa sérstökum mönnum munn-
legar leiðbeiningar og gera ýmsar mælingar, haldið fyrirlestra
hér og hvar. A aðalfundi félagsins hafa og jafnan verið haldnir
fróðlegir fyrirlestrar og hlutast til um að sýningar væru haldnar
um sama leyti. í sumar verður að sjálfsögðu lítið um leið-
beiningaferðir sökum fjarveru Sigurðar skólastjóra. Er von-
andi að félagsmenn líti á það með sanngirni, einkum þegar
þeir geta átt það víst, að þeim verði bætt þetta upp næsta
ár. Þá hefir félagið von um að fá í þjónustu sína einn eða
máske tvo af hinum efnilegustu búfræðisnemum, sem nú
stunda nám erlendis. — í þriðja lagi hefir félagið gefið út
um hálft annað hundrað blaðsíður af frœðandi ritgerðum með
ársskýrslum sínum, sem líka hafa mikinn fróðleik að geyma.
Hefir ritinu verið útbýtt gefins meðal félagsmanna. Nýir fé-
lagsmenn hafa fengið og fá framvegis eldri árganga ókeypis
meðan upplagið endist. í ár sér félagið sér ekki fært að
gefa út nema stuttan útdrátt úr skýrslum sínum. Næsta ár
munu menn fá það fyllilega upp bætt. Sigurður skólastjóri,
sem fór utan næstliðið haust til þess að afla sér frekari
mentunar og sérstaklega til að kynna sér hinar nýjustu og
fullkomnustu aðferðir við alls konar ræktunartilraunir, mun
hafa frá mörgu að segja, er menn fýsir að heyra. Hann hefir
farið um Danmörku, Svíþjóð og Þýzkaland og dvalið þar lengri
og skemri tíma við hinar og þessar tilraunastöðvar og bú-
fræðisstofnanir, og snýr svo til Noregs þegar sumrar.
Loks má geta þess, að félagið hefir stöðugt sýningu á