Ársrit Ræktunarfélags Norðurlands - 01.01.1957, Qupperneq 8

8
atvinnudeild háskólans, þar skýtur því undarlega nafni fyrst
upp, en þar rekur sig líka eitt á annars horn. Deildin er
kennd við Háskóla íslands, en lýtur þó í engu stjórn skól-
ans né skipulagi. Henni er skipað undir forsjá atvinnumála-
•ráðherra og Rannsóknaráð ríkisins, og svo hefur verið æ
síðan.
Búnaðardeild atvinnudeildar háskólans er í þessum lögum,
um náttúrurannsóknir, ætlað mjög hið sama verkefni eins
og Landbúnaðardeild rannsóknarstofnunar Háskóla Islands
er ætlað í lögunum um rannsóknir og tilraunir í þágu land-
búnaðarins, en sá er munurinn, að í lögum um náttúru-
rannsóknir er ekki gert ráð fyrir, að búnaðardeild hafi
neitt jarðnæði til umráða né neina slíka aðstöðu til að
sinna verkefum í þágu landbúnaðarins.
En það, sem ber mest á milli, um þessi tvenn lög, sem
gefin eru út sama daginn, er, að í lögunum um rannsóknir
og tilraunir í þágu landbúnaðarins lýtur búnaðardeild for-
sjá tveggja ráða, Tilraunaráðs jarðræktar og Tilraunaráðs
bújjárræktar. Þriðja ráðið, Verkfæranefnd, sér um verkfæra-
tilraunir. í lögum um náttúrurannsóknir er aftur á móti
búnaðardeildin og Atvinnudeild háskólans í heild komin
undir forsjá Rannsóknaráðs ríkisins. Verkfæratilraunir eru
að engu hafðar.
Aumari grautargerð í lögum er vart hægt að hugsa sér
en setningu þessa tveggja laga sama daginn, 7. maí 1940.
Af því hafa tilraunamálin mjög sopið seiðið á umliðnum
árum. Ekki þarf fleira til að nefna, en það fráleita fyrir-
komulag, að tilraunaráðin, búfjárræktar og jarðræktar, hafa
með höndum yfirstjórn tilraunabúanna, bæði jarðræktar-
búanna fjögurra og nautgripabúanna tveggja, og ennfrem-
ur þeirra tilrauna, sem gerðar eru á búum bændaskólanna,
um allt er til þess kemur að ákveða verkefni og skipu-
leggja tilraunimar; en aftur á móti hafa hin sömu tilrauna-
ráð ekkert að gera með Búnaðardeild atvinnudeildar há-