Ársrit Ræktunarfélags Norðurlands - 01.01.1957, Side 30

30
koma svo aðrar byggingar stofnunarinnar, tilraunahlöður,
gróðurhús o. s. frv., og svo loks að baki þeirra og umhverfis
þær tilraunalandið. Þarna má einnig ætla ágætar lóðir undir
hús forstöðumanns deildarinnar og einnig annara starfs-
manna, sem vonandi má hugsa sér að vildu búa sem næst
stofnun þeirri, sem þeir starfa við, eða á landi hennar og
þó nærri aðalumferð, sbr. t. d. professorahverfið við Há-
skóla íslands.
Glæsilegri aðstöðu get ég ekki hugsað mér neins staðar
hér í nágrenni höfuðborgarinnar, ef þar á að vera.
Ennþá einn af kostunum við þetta staðarval er þess hátt-
ar, að í mínum augum og samkvæmt sannasta eðli málsins
ei hann enginn kostur, en verður að miklum kosti, með
tilliti til aðstæðna og þess hugsunarháttar, sem hér er við
að stríða. Með því að byggja yfir Búnaðardeildina á þessum
stað eru búvísindin ekki „hrakin“ hænufet frá asfaltinu.
Þetta verður ekki neinn útlegðardómur yfir einn né neinn
af þeim mönnum, sem óttast alla fjarlægð frá Hringbraut-
inni sem Síberíuvist. Hér er ekki um að ræða hið erfiða
val mold eða möl. Hér getur farið saman mold og möl mál-
efninu til góðs og mönnunum til huggunar. Staðurinn ligg-
ur senn mitt i tviburaborgunum Reykjavik og Hafnarfirði,
en þó svo vel settur, að það er bæði borg og byggð hagur,
að þar haldist óbyggður geiri með fullum gróðri inn í stór-
byggðina, í mikilli framtíð eins konar Hyde Park suður-
hluta Reykjavíkur.
Þetta er sannarlega þess vert, að athuga það nánar, þó
að það kosti nokkurn útúrdúr.
XV.
Milli Reykkjavíkur og Hafnarfjarðar er að vaxa upp
nýr kaupstaður, Kópavogskaupstaður, sem hlaut kaupstaðar-
réttindi 11. maí 1955. Á milli Reykjavíkur og Kópavogs-