Ársrit Ræktunarfélags Norðurlands - 01.01.1957, Síða 31

31
kaupstaðar er ekkert land, enda var Kópavogshreppur á
sinum tíma (1948) klofinn úr Seltjarnarneshreppi, en á
milli Kópavogskaupstaðar og Hafnarfjarðar eru jarðirnar
Arnarnes, Hraunsholt, hin svo nefndu Silfurtúnalönd o. fl„
sem hluti af Garðahreppi, þegar talið er með fram þjóð-
veginum. í landi Hraunsholts og á Silfurtúnssvæðinu er að
verða fjölbyggt, en í Arnarneslandi er engin byggð, nema
heimahús í Arnarnesi. Ekki er þetta fyrir þær sakir, að þar
sé ekki eins byggilegt eins og annars staðar á þessu svæði,
þvert á móti er þar svo hagstætt til mikillar byggðar að
fullyrða má, að vesturhluti Arnarneslands væri nú byggður
sem þorp, ef lóðir hefðu verið þar fáanlegar.
Það voru mistök, og annað ekki, er Kópavogshreppur
varð til. í stað þess hefði þá, eða síðar, átt að sameina mest-
allan Seltjarnarnesshrepp Reykjavík, nema jarðimar Gunn-
arshólma og Lækjarbotna, en þær eiga mesta samleið með
Mosfellssveit. Mistökin endurtóku sig og margfölduðust,
þegar Kópavogshreppur varð gerður að kaupstað, í stað þess
að hann sameinaðist Reykjavík. Forráðamenn Reykjavíkur
kunna að hafa einhver rök á móti þessari skoðun minni,
og kunna að líta á þetta sem vandamál, sem ekki sé kominn
tími til að leysa. En hvað sem öllum skoðanamun, um að-
stæður undanfarið og nú líður, munu þessi mál réttast
þannig, að Kópavogskaupstaður sameinist Reykjavík og
þess fyrr því betra.
Hið mikla framtíðarviðhorf í þessu máli er þannig í
megin atriðum:
Enginn kaupstaður á rétt á sér á milli Reykjavíkur og
Hafnarfjarðar. Það sem ber að stefna að er, að Reykjavik
og Hafnarfjörður eignist sem mest af öllu landi á millf
þessara bceja meðfram þjóðveginum á báða bóga og allt i
sjó fram um vogana og nesin, Fossvog, Kópavogsháls og
Kársnes, Kópavog, Arnarnes og Arnarnesuog. Um leið verði
stefnt að því að skipa lögsagnar-um dcemum Reykjavikur og