Ársrit Ræktunarfélags Norðurlands - 01.01.1957, Qupperneq 33

33
myndinni um búnaðarstofnun á þessum stað fremur en ann-
ars staðar við Reykjavík. Annað: Arnarnesland verður dýrt.
Já, það verður dýrt og má verða dýrt, þó að jörðin væri seld á
1200 krónur, ef ég man rétt, þegar sala fór síðast fram og
landsjóður var seljandinn.
Það skiptir engu máli þó að lóðir og land handa Búnaðar-
deildinni kosti svo sem milljón króna. Hvað kostar lóð undir
nýtt Búnaðardeildarhús á Hringbrautarsvæðinu? Lóð — en
ekki land, — undir byggingu Fiskideildar kostnaði kr.
1.050.000.00. Sá hluti Arnarness, sem tekin verður til hús-
lóða þegar á næstunni, er svo mikill, að segja má, að rækt-
unarlandið, sem fjær er, fáist fyrir lítið.
Hitt atriðið er, að Búnaðardeildin, staðsett í Arnarnes-
landi austan þjóðvegar, verði brátt í miðju þéttbýli, og því
sé tillaga mín í mótsögn við spádóma mína og tillögur um
stóraukna byggð á þessum slóðum.
Þannig getur þetta litið út við skjóta athugun, en annað
kemur í ljós, ef betur er að gáð. Búnaðarstofnun, staðsett í
austurhluta Amameslands, með miklum húsakosti vestast
í landi sínu, rífur alls ekki sambyggð stórborgarinnar,
svo mikill er vesturhluti Arnarneslands. Tilraunalandið
óbyggða verður aðeins grænt vik inn í borgarbyggðina, sem
framhald af Vífilsstaðalandi, öllum til góðs, svo sem ég hef
áður nefnt.
Öll rök hniga að því að velja þennan umrœdda stað handa
Búnaðardeildinn, ef — ég segi aftur og enn ef — það reynd-
isl ókleift að fá gerða svo góða og skynsamlega hluti að
flytja deildina að Hvanneyri. Engin sjáanleg rök mæla
gegn þessu vali staðarins, ef Búnaðardeildin á endilega að
vera í eða við Reykjavík.
Hér þarf aðeins að taka ákvörðun um stóra hluti og
forða frá því versta, kotungshugsuninni um 15 ha á Korp-
úlfsstöðum án bygginga, og byggingarnar og mannskap-
inn á mölinni. Samvinna ríkis og borgar getur bjargað þessu
S