Ársrit Ræktunarfélags Norðurlands - 01.01.1957, Qupperneq 39

39
stöðugt séu reynd ný afbrigði, sem fram koma, og þau
álitlegustu send tilraunastöðvunum, sem annast ræktun
útsæðis handa bændum og öðrum, sem kartöflur rækta.
4. Tilraunir með aðra garðávexti, svo sem rófur, kál,
jarðarber o. fl.“
Eftir þessu hefur mest verið unnið síðan. í stað þess að
beita kröftunum að hinum vandameiri verkefnum, hafa vís-
indamenn unnið efir þessum boðorðum, mest að því að
undirbúa þýðingarmiklar tilraunir á dlraunabúunum. Þeir
hafa verið önnum kafnir við að vinna einföld aðstoðar-
mannastörf fyrir tilraunastjórana á Sámsstöðum, Akureyri,
Reykhólum og Skriðuklaustri. Hér hafa blátt áfram verið
höfð endaskipti á hlutunum. Hve vafasamt þetta er og
vanburða kemur best í ljós, ef það er athugað, að það er
engin hagsýni né verklag að bæta við fimmta tilraunabú-
inu til að vinna þar tilraunaverk, sem auðveldlega er hægt
að vinna á gömlu búunum. Og ef gömlu búin hafa van-
rækt sum verkefni, bæði af eðlilegum og óeðlilegum ástæð-
um, ekki sinnt þeim, eða tekið of linlega á verkefnunum,
er það óhóf og mistök að ráða bót á slíku á þann hátt að
efna til nýrrar, dýrrar stofnunar, til þess að vinna það, sem
vanrækt hefur verið, í stað þess að bæta úr því, sem áfátt
var á tilraunabúunum.
Hér er um svo alvarlega hluti að ræða og þungan dóm
frá minni hendi, að ég tel rétt að draga fram nokkur dæmi
máli mínu til sönnunar og skýringar.
XIX.
Jarðarberin. Búnaðardeildin hefur fengist töluvert við að
reyna til ræktunar mismunandi tegundir af jarðarberjum,
og með góðum árangri. Þessu hefur verið mjög á lofti hald
ið, enda þarft og gott í eðli sínu og nytsamt að vekja trú