Ársrit Ræktunarfélags Norðurlands - 01.01.1958, Síða 31

PÁLL GUTTORMSSON:
Frá skógræktinni í Norður-Noregi
Efnið er tekið úr dagbókum, rituðum á ferðalagi í Norður-Noregi
sumarið f956. Heimildir um veðurfar eru fengnar frá veðurstofunni
f Osló.
Nokkur orð um vöxt rauðgrenis i Norður-Noregi.
Ferðamaður sem kemur frá Narvík og er á leið norðureftir
Bardú- og Málselvdal, sem eru á 68° 65' — 69° 35' n. br.,
hlýtur að undrast, hve dalirnir eru vaxnir víðáttumiklum
og vöxtulegum skógi.
Það er seint í júnímánuði, nokkrar snjófannir eru þá enn
óleystar efst í birkiskóginum og við skógartakmörkin í 600
m hæð yfir sjó.
Neðar í dalnum vex fura, er myndar skóga; er hæð
trjánna 10—20 m og gildleiki (þvermál) 12—40 cm. Allmik-
ið er þar af kornungum furuskógi; þær furur eru vaxnar
upp eftir ríkuleg fræár, er voru árin 1937 og 1947, með 10
ára millibili. Þar neðar í dölunum vex einnig birkiskógur,
og er hann óvenjulega beinvaxinn.
Há fjöll eru beggja megin við dalina, eru hæstu fjöllin
nær 1500 m yfir sjávarmál. Lauftrjáategundirnar, birki, elri
og ösp, vaxa mjög langt upp eftir hlíðum fjallanna, og hefir
birkið á einum stað teygt sig upp í 700 m hæð yfir sjó.
Nú eru að vaxa upp þar á stærri og minni teigum greni,
og sé vel að gáð, þegar farið er eftir veginum, má koma
auga á litlar greniplöntur á milli birkitrjánna, og fer þeim
mjög fjölgandi með hverju ári.