Ársrit Ræktunarfélags Norðurlands - 01.01.1973, Blaðsíða 51

Ársriti Ræktunarfélagsins 1969 2. hefti bls. 45—48. Ekki var
ávallt hægt að setja sýni beint í útrekstrartæki eftir töku, en
þau voru þá geymd í kæliskáp á mieðan. Þá voru tekin sér-
staklega sýni til ákvörðunar á fjölda ánamaðka. Stungnir
voru hnausar 15 sm á breidd og lengd en 12 sm á dýpt og
þeir reittir sundur og taldir þeir maðkar, sem fundust.
NIÐURSTÖÐUR OG RABB UM ÞÆR
í töflum 3, 4 og 5 eru innfærðar tölulegar niðurstöður þess-
ara athugana. Hvað má nú af þessum tölum. læra? Ef við
bregðum fyrst auga á töflu 3 sézt, að í öllum reitum finnst
nokkuð af dýrum. Nú er því miður, svo sem fyrr er frá
greint, fátt um samanburð á fjölda dýra í íslenzkum tún-
um. Á árinu 1969 var þó gerð talning á dýrum í sýnum úr
gömlu túni á Árskógsströnd og í töflu 4 er sýndur saman-
burður á dýrafjölda í túni Tilraunastöðvarinnar á Akur-
eyri og túni á Víkurbakka. Einnig eru teknar með til saman-
burðar tölur frá Þýzkalandi, bæði úr graslendi og ökrum.
(Brauns 1968). Rétt er að vekja athygli á því, að í töflu 4 er
dýrafjöldi gefinn sem heildarfjöldi dýra á m2, en slíkt virð-
ist venja í þeim heimildarritum, sem vitnað hefur verið til,
þegar um er að ræða heildardýrafjölda. Hins vegar, þegar
auk þess er verið að sýna dýrafjölda í mismunandi dýpt,
þykir réttara að gefa fjöldann í ákveðnu rúmmáli, eins og
gert er hér í töflu 3.
Við athugun á tölunum í töflu 4 sézt, að dýrafjöldi í þýzku
graslendi er nokkru meiri en í túni tilraunastöðvarinnar,
munar þó ef til vill minnu, en álíta mætti, ef tillit er tekið
til þess hversu miklu heitari sumur og lífvænlegri eru í
Þýzkalandi en hér á hjara heims, einnig þegar við bætist, að
sumarið 1970 er með þeim, köldustu, sem sögur fara af,
einkum júlímánuður. Athyglisvert er hve dýralíf er mun
meira í graslendi heldur en í ökrum í Þýzkalandi. Bendir
það til þess hversu hagstætt það er dýralífi í íslenzku rækt-
unarlandi að það skuli svo til allt vera undir grasi. Við