Ársrit Ræktunarfélags Norðurlands - 01.01.1984, Blaðsíða 16

Á stærri kanínubúum er það venja að þau dýr sem eru notuð
til undaneldis eru höfð í öðru plássi heldur en hin sem ein-
göngu safna hári, þar er þá t.d. hægt að hafa hærra hitastig og
aðrar þær aðstæður sem henta þessu ólíka hlutverki. Undan-
eldisdýrin þurfa mun meira eftirlit og hafa þar að auki trufl-
andi áhrif á ullardýrin. I því húsi sem er fyrir ullardýr eiga
ekki að vera nein ógelt karldýr. Þetta er vegna þess að það eitt
að dýrin finna lyktina af gagnstæðu kyni gerir þau óróleg.
Hafi kanínurnar haft frjálsan aðgang að kjarnfóðri yfir
meðgöngutímann verða ungarnir stórir, móðirin mjólkar vel
og allir lifa. Þó finnst manni hæpið að fleiri ungar lifi en
spenarnir eru á kvendýrinu en þeir eru gjarna fjórir hvoru
megin. Viku fyrir got, t.d. á 23. degi, þarf að opna inn í
gotbúrið. Það má vera minna um sig, hugsanlega myrkvað og
með heilan botn og nóg hey, svo kanínan geti búið sér til
hreiður. Áður en kanínan gýtur á hún að plokka ullina af
kviðnum á sér, svo spenarnir komi í ljós. Þá ull notar hún til að
fóðra hreiðrið með. Gjóti kanína án þess að reita sig, þarf að
gera það fyrir hana og láta ullina í hreiðrið. Betra er að klippa
á henni kviðinn hafi hún ekki reitt sig sjálf. Kanínan breiðir
alveg yfir ungana í hreiðrinu og þola þeir þá býsna lágt
hitastig. Vel hæfilegt er að opið milli búranna sé í 10 sm hæð,
það er til þess gert að ungarnir fari ekki inn til móðurinnar of
snemma, hún er ekkert hjá ungunum nema meðan hún gefur
þeim að sjúga. Fjarlægja þarf dauða unga ef einhverjir eru. Ef
allt er í lagi eru ungarnir heitir en ef svo er ekki, er reynandi að
bæta ull í hreiðrið. Gott er að gefa þeim aðeins gulrætur eða
gulrófur, og hvönn er eitt það besta sem kanínur fá, þvi er um
að gera að gefa þeim hana á þeim árstíma sem hún vex.
Varlega þarf að fara í öll fóðurskipti, dýrunum hættir svo til
að rífa í sig nýtt fóður að þau stíflast og drepast á mjög
stuttum tíma. Séu dýrin á neti þarf að setja gataða plötu í
báða búrbotnana fyrir got, því ekki er treystandi að dýrið
gjóti í rétt búr. Mæðurnar reyna að grafa ungana niður til að
fela þá, þannig að ekki dugar að láta pappa í búrið þar sem
ungarnir eiga að vera.
Aðalvandi þeirra sem byrja með kanínubúskap er gotið.
18