Ársrit Ræktunarfélags Norðurlands - 01.01.1984, Síða 33

Rafmagnsgirðingar.
Arlega girða bændur landsins 500-700 km langar nýjar girð-
ingar, sem kosta um 30 milljónir króna. Á vegum Bútækni-
deildar á Hvanneyri hafa verið gerðar athuganir á nýjum
gerðum girðinga. Ódýrastar hafa reynst girðingar þar sem
varslan byggist á rafmagnsstrengjum með hárri spennu.
Stofn- og viðhaldskostnaður þeirra er um helmingi minni en
hefðbundinna girðinga. Nú þegar nota margir bændur slíkar
girðingar.
Heimilisgarðrœkt.
Af ýmsum ástæðum hefur verið talið æskiiegt að ræktun
matjurta í heimilisgörðum ykist. Til að ýta undir slíka ræktun
eru á Hvanneyri gerðar tilraunir með ræktun matjurta á
bersvæði, undir gróðurhlífum úr gerviefnum og í óupphituð-
um plasthúsum. Reynd hafa verið mismunandi afbrigði af
flestum algengum matjurtum, sem ræktaðar eru utan gróð-
urhúsa. Ræktun jarðarberja undir plasti hefur gengið mjög
vel. Af lítið þekktum matjurtum, sem gengið hefur vel að
rækta, má nefna spergilkál. Það hentar vel fyrir heimilis-
garðrækt.
Notkun plastdúks við heyverkun.
Viðhorf manna til hefðbundinna aðferða við fóðurverkun er
e.t.v. að breytast vegna þess að farið er að nota plastdúk til að
hindra aðgang lofts að heyi. Á Hvanneyri hafa síðustu tvö
árin verið reyndar vélar sem rúlla heyi saman í stóra bagga,
sem síðan eru settir í loftþéttar plastumbúðir. Það virðist vera
gott fóður sem kemur úr plastumbúðunum. Þörf er að rann-
saka aðferðina nánar áður en bændur fara í stórum stíl að
koma upp aðstöðu til að nota þessa heyverkunaraðferð.
Búreikningar.
Það er öllum ljóst að við nútíma búrekstur er nauðsynlegt að
hafa gott eftirlit með fjárhag og rekstri búsins. Til þess að hafa
slíkt eftirlit eru færðir búreikningar. Á undanförnum árum
hefur það fælt bændur frá búreikningahaldi að þeir hafa verið
nokkuð flóknir í færslu og oft hefur staðið á niðurstöðum.
35