Ársrit Ræktunarfélags Norðurlands - 01.01.1984, Side 98

Framtíðin.
Örfá orð í lokin um framtíðina. Fæst orð þar hafa þó minnsta
ábyrgð.
Áætlað er að koma kúm í tilraunafjósið nú í haust — hvaða
dag er ekki hægt að segja enn. Þá er von okkar að mjög á
næstunni verði möguleiki á að ráða sérfræðing í fóðrun til að
taka að sér fjósið og þær tilraunir sem þar á að gera. Er það
raunar mál málanna sem stendur að fá slíkan mann því þá
hefur verið til lítils barist að koma upp stóru og dýru fjósi til
tilrauna ef það á síðan aðeins að verða framleiðslustaður fyrir
mjólk. Og vandinn í fóðrun bíður óleystur í fjósum um gjör-
vallt land.
í jarðræktinni bíða einnig lausna mörg verkefni. Þar er þó
ýmislegt komið af stað. Má þar nefna kalrannsóknir Bjarna,
vatnsmælingar sem Guðmundur Helgi hefir á sinni könnu og
áburðartilraunir sem ég hefi á mínum snærum. Þá eru
stofnatilraunir o.fl. á vegum sunnanmanna.
Á döfinni er að gera skipulag af landi Tilraunastöðvar-
innar, einkum nánasta umhverfi húsa. Er það von mín að það
takist í vetur og á komandi sumri megi fara að vinna eftir því
og byrja að kippa í liðinn því sem áfátt er um útlit og um-
hverfi staðarins.
Áætlað er að breyta gamla fjósinu í ýmiskonar tilraunaað-
stöðu og hlöðunni í verkfærahús. Verður hafist handa við það
á næsta ári. Þá er í framtíðinni fyrirhugað að byggja starfs-
mannahús.
Þótt ýmislegt sé mótdrægt í íslenskum landbúnaði á þess-
um dögum — offramleiðsla og andbyr ráðamanna ýmissa —
þá tel ég enn sem fyrr að grunnur að betri búskap, að betri
samkeppnisaðstöðu þessa atvinnuvegar sé virk rannsókna-
starfsemi. Þótt við á Möðruvöllum séum hálf vængbrotnir
enn og lítið sjái stað í niðurstöðum rétt sem stendur vil ég
ætla, ef okkur tekst að brjótast út úr þeim byrjunarvanda sem
nú er við að fást, að þá muni upp rofa og það starf sem hér er
unnið verði bændum í þessum fjórungi og landinu öllu til
gagns og nytsemda á komandi árum.
100